تســـألينــــي عن جديدي؟! والله مابه من جــديــــد
غير ادوّر لك ((ياقلبي)) وارتجي لحظـــة لقــــــاك
كان قصدك في جديدي (آخر احروف القصيد)؟؟
من رحلتي ..شال شعري عفشه وســـــافر معاك
مارحمني يوم أقولـّه.. كيف تتركــني وحــيـــد؟؟
مارحــــم دمــــــع ٍ بخدي.. أبتسم..(كيدٍ) وجاك
صدقيني حــتـــى شعـــــري اللي سميته ((عضيد))
باعني بلحظه وجالك يرتجي العطف ورضـــاك
ما ألـــومه..كيف يترك جـــوهــــر الحسن الفريد
ويرتكي بجـــوفي وانا اللي خـــوّتي نار وهــلاك
حظـــي أقشر من تنفست ابحيـــاتي .. بس يكيــد
مانـظـــر لحــظـــه لهـــذي ولا نظـــر لحظه لذاك
لعنبــــو جـــده ((ذبحني)) .. وكني طالبه المــزيد
لا ضحك لي من هنيـّـا ولا ضحك لي من هنـاك
بس ((مرّه)) ابتســــم لي..يوم احــسـه.. يوم عيد
يوم جابك لي ((ياقلبي)) وانحــــنى حبـــي لهواك
ابتديتـــي .. وابتدينـــــا .. وابتدى العمــر السعيد
وامتلكــتـــي مابــقــــى بي مــــن بـقـــايا يامـــلاك
إيه احــبـــــك..ويش احبك؟!.. إلا هــايم بك أكيد
والا ليه اليـــــوم محد ٍ شاغــــل افكـــــاري سواك
إن نبـــض قــلـبـي..فضحــنــــي نبض قلبي للوريد
والوريــــد-الله يصيبه-عــلـــــّـم اعضــائي بغلاك
لين بـيــّـــن فـــي عــيـــوني وانكــتــب في كل حيد
واكشفــــوني خـلـــق ربي وصرت نجمه في سماك
صرتي انتي راس مــــــــالي في حيــــاتي والرصيد
والله مــــذكر ان قــلـبـــي ابتعــــد لحــظــــه ونساك
محـــلا ((ياقلبو)) بلـســـانك ..تصهر القلب الحديد
ينتشي فيني شعــــوري وا تخــيــّـل بك حــــــلاك
أرتجي لحــظــــة وصــــالك تدمحي الجــرح العتيد
والصـــراحــــه؟! والله اني ارتجي لــمــســـة يداك
بس حــســافـــه .. ذا زماني قــيـّــد افراحي بقــيــد
يوم حــبيتـــك!! رحـــلــتــــي وانــــا كلي لك فداك
أســـألك باللــــي خلقنا طعنتـــك لي وش تفــيـــد؟؟
والا عــــاذل في هــــوانا عن غرامي لك وشاك؟!
ماوصلني صـــوت..صــــوره..أو رساله عالبريد
ولا رويتــــي قــلـــب وافي ارتشف عشق وضماك
قلب .. مــيـــت فــــي غــــلاتك..والله العالي شهيد
قلب.. يتمنى وفــــــــــــــــاته..لجل يُدفن في ثراك
قلب.. ميت دون وصــلـــــــك..لا جديد ولا جديد
مايدوّر غــيــــر زولــــك يرتـــجــــي لحظــــة لقاك
أما لو قصــــــدك جديدي آخر احــــروف القصيد؟!
ارجعي لي لــجـــــل يرجع الـقـصـيـــد الـلـي معـــاك
كلمات جدا رائعه
كلمات راقت لي
مبدع دائما
يعطيك ربي ألف عافيه
دمت بخير
عبدالرحمن حساني
قلم مبدع وراقي وصاحب الذوق الرفيع في اختيار طرحه
انت شمعة قسم الشعر وابرز قلم داعم
لا عدمناك يا غالي
تقبل مروري
دت بحفظ الكريم ورعايته
اشكرك من كل قلبي على مرورك الرائع
وعلى ردك الجميل
دمت بالف خير