جبت لكم اليوم قصيدة للشاعر احمدبن بدير وناشالله تنال اعجابكم
يقول:
الكامره صادت خشوف ومزايين
مير البلا ما والله أحد ٍ عجبها
الكامره قلبي وتصويرها زين
تلقط لها صوره بزين ٍ جذبها
الزين لا طاف المعدل بميتين
يضرب ألا يا بخته اللي ضربها
قلبي ليا منه هوا يهوي الزين
ما هي هواة اللي حموض ٍ عنبها
أنا معاك . . أتعب على أريش العين
لكن قليبي ما رعش من سببها
ودك يخالط حسنها العف والدين
ماهي بكاسه كل من جا شربها
بنت البدو في وصفها تقمع الشين
والصايغ ايعرف الصدا من ذهبها
ماهي من اللي تخلط الجيم بالسين
بنت ٍ رزينه تشطب اللي شطبها
ماهي من اللي تقسم اللبس قسمين
تلبس ستار اللبس غاية طلبها
ماهي من اللي تقضي الصيف (برلين)
تعشق لها أجواء (طايف) و(أبها)
ماهي من اللي لا غدت قالت منين
نخله وعلى ما قيل ناظج رطبها
ماهي بقولة حبني حب ساعتين
بنت ٍ تشب النار جذعت حطبها
بنت ٍ تعرف العشق ماتعشق أثنين
وماكل من جا قرب ناقه حلبها
تربط علاقة حب تمضي له سنين
حب ٍ تخالط مع أساليب أدبها
و(الكامره) تبقى على صورة الزين
و(بنت البدو) يا عز منهو كسبها
أحساس مشكور ياغالى
تحياتى لكـ
دمت بود
تحياتي لك
على الكلام الطيب الاصيل
تقبل تحياتى
تحياتي لك