ياليت ان الزمن يرجع ورى ولا الليالي تـدور
ويرجـع وقتنـا الأول وننعـم فـي بساطتنـا
زمان اول احس انه زمانًًًًٍٍ فيه صـدق شعـور
نحـب ونخلـص النيـه.. وتجمعنـا محبتنـا
زمن ما فيه لا غيبه.. ولا حتـى نفـاق وزور
ياليته بـس لـو رجـع ونسترجـع طفولتنـا
صغار قلوبنا بيضا..نعيـش بعالـمٍ محصـور
ولا نعرف ابد اغراب ما غير عيـال حارتنـا
صحيح صغار فالتفكير لكـن ماعلينـا قصـور
نخطـط نكسـر اللعبـه.. وتسعدنـا شقاوتنـا
نروح المدرسه بدري ..ونضحك داخل الطابور
نحاول نزعـج العالـم فـي روحتنـا وجيتنـا
وعشان نأخر الحصه.. نخبي علبة الطبشـور
نشاغـب بـس فالآخـر.. تميزنـا برائتـنـا
نحب الضحك والهيصه.. نحب انط فوق السور
نفرفش.. ليه مانفرفش مدام الضحـك عادتنـا
ولكن دارت الأيام.. وبان الخافـي المستـور
وصار الهـم متعلـي علـى قمـة وسعادتنـا
كبرناوصارت الدنيا تصـف أحزاننـا بالـدور
وتهدينا الألم والهم غصب عـن عيـن رغبتنـا
تعبنا من بلاوينا ..أحد ضايق وأحـد مقهـور
وكـلٍ غـارق بهمـه.. وفـالآخـر تشتتـنـا
وانا ما أقول غير الا وحلالاه الزمـان يـدور
ويرجع للورى فتره.. نعّـدل وضـع عيشتنـا
منقـووووولـه
وتسلم يدك ع النقل ولاتحرمينا من جديدك
وعساني مانحرم هالتـواجد ..
تح ـياتي
تسلمين على النقل الرائع
هذه قصيده من ابداعات فيصـل اليامي
صح لسانك ولسان قايلها
دمتي بود
واللـه يع ـطيك الف ع ـافيـه على المـرور والـرد
تح ـياتي