ولا نوى خـدك يلامـس .. كـف إيـدك .. اذكرينـي
اذكري ذيـك الليالـي .. يـوم كنتـي تهمسيـن
في كلامـ مـا اعرفـه .. بـس كنتـي تطربينـي!!
اذكري وقت الطفوله .. اذكري الماضي الحزيـن
اذكري وقـت التلاقـي .. وكيـف كنتـي تذهلينـي!!
كانت اوقاتي جميله .. وكان وقتـي بـك يزيـن
والدقايـق فـي حضـورك .. احتضنهـا يـا حنينـي
احسب اللحظات .. خايف .. من زمن قاسي يشين
يقلب اللحظات .. ذكـرى .. بعدهـا يبـدى الونيـــن
آهـ.. من حب الطفوله .. به براءه مـع حنيـن
حب صادق .. حب خالد .. صاحبـه دايـم حزين ؟؟
لا كبر حبـه بقلبـه .. والعمـر اصبـح رهيـن
ارتهـن عمـره بقلبـه .. وابتـدى وقتـه يشيـن
ذاااك هو حبي وشوقي .. ذاااك هو عمري الدفين
خلى احزاني بشعري .. وخلـى شعـري يهتوين !!
تذكري أول قصيده؟؟ .. وكيـف كنتـي تستحيـن
مـن غـزل طفلـن تولـع واهتـوى ذاك الجبيـنـي
كانت اشعـاري تحـب اللـي تحبـي وتعشقيـن
حلاااااة الشعر .. لا صرتـي قبالـي .. وتسمعينـي
ارسم بيوتي بوصفك .. واكتب اسمـك بالجبيـن
ولا لمحتك انبهرتي .. عـدت بيتـي بكـل حنينـي !!
تذكري آخر قصيـده؟؟ يومـك إنتـي تهمسيـن
قلتـي إن الشعـر نايـف .. نايـف قلبـه يبين ؟؟
كانت افكاري تحـاول .. والحيـا يخجل من الحنيـن
كنت أبي اوصف شعوري .. وحبـك اللـي محتويني
ودارت الأيام وصرنـا .. فـي متاهـات السنيـن
آهـ.. ليت الحلم طول .. ولا صدم حلمـي يديـن
كانت تلوح لشخصـن .. اعرفـه .. مـا يشتهينـي!!
حاولت عيني تكذب ما رأت ( هل هـو يقيـن ) ؟
او خيال .. او .. هو .. مجرد غيره صورها الحنين
وانطلق شعري بثوره .. انطلـق شعـري بأنيـن .!
يلهب القيفان حرفـي .. فـي لحـن عاشـق حزينـي
كنت انا ارجي إجابـه .. أو علامـه .. بكلمتيـن
عمري انت .. أو .. حبيبي .. المهم وش توصفيني؟؟
وانصدم شعري وقلبي .. مـن إجابـة هالرزيـن
قالت شقصدك يا شاعر .. من شعـر ميـت بعينـي!!
اترك احلام الطفوله .. وانسى كل ماضي حزيـن
كل ماضي فـي حياتـي .. انتهـى .. بينـك وبينـي
وانطعن قلبي بقولـه .. ماهـي طعنـه طعنتيـن
طعنتاًً في وسـط قلبـي .. والظهـر مطعـون فينـي
كيف .. ولماذا.. اخترتي هذا .. وإنتي اللي تحلفين
بـان قلبـك مهتوينـي .. ويـن قلبـك يـا ضنينـي
كيف ضيعتي المحبه .. والمشاعـر .. والسنيـن
اللي كانـت فـي حضـورك تهتويـك .. وتهتوينـي
يعنـي صدقتـي كلام بثه نذلـن لعـيـن
كـان همـه إنكسـاري .. وهـدم حلمـن يحتوينـي
بكره الايام تبدي .. وكـل خافـي .. لـك يبيـن
والعذول اللي غـدر بـي .. والله إن دينـه يدينـي !!
وصارت اشعاري تداوي جرحي الخافـي الدفيـن
يا هلا بالشعر واهله .. يـا هـلا .. بصاحـب يبينـي
اذكريني يا الحبيبه .. بكل لحظـه .. وكـل حيـن
ولا قريتي هالقصيده .. حاولـي بـس .. تذكرينـي !!
……….بقلـم …ضامـى الشـوق…….
ولكـم منـى اجمـل واسـعد الاوقـات…
حب صادق .. حب خالد .. صاحبـه دايـم حزين ؟؟
لا كبر حبـه بقلبـه .. والعمـر اصبـح رهيـن
ارتهـن عمـره بقلبـه .. وابتـدى وقتـه يشيـن
ذاااك هو حبي وشوقي .. ذاااك هو عمري الدفين
خلى احزاني بشعري .. وخلـى شعـري يهتوين !!
ضامي الشووووق
بكل صراحه ما عندي اي تعليق
حتى كلمت مبدع لو بقولها قليل
ماعندي اي كلمه ممكن اعبر فيها عن اعجابي بالكلمات
يعطيك العافيه
كلمات في منتهى الروعة
في انتظار الاروع فلا تحرمنا
تحياتي اخوك
يشق عباب الألم
أهلاً بك وبحضوركِ المميز
انت ِالرائعة في هذا المجال الأدبي الراقي
كم يطيب لنا هذا الحضور
وكم يشرفنا هذا الظهور
وكم تبهج سريرتنا هذه السطور
وجودكِ هنا هو قمة التفآؤل والسعادة بالنسبه لي
اسعد الله ايامكِ ولياليكِ
––––•-•? نـــــدا / الرقه ?•-•––––
مسائك جوري / ياسيدتي
عشت الخيال في بحور العشق مثلك
أبحرت في عالمي بلا أسباب.
ضاعت مجاديف غرامي.وأصابني الحزن.
وأقبل من على البعد مركب إحساسك.
يزفني لعالم الحب.
ويسقي ورود الشوق في داخلي
وينبت زهور الوله في عالمي
وتبحر امواج عشقى وغرامى
ياسيدتي / استمتعت بعزفك
فكلانا سواء 0
اشكرك على الاضافه الجميله
لك الود وريح الورد / ياسيدتي
تسلم ايدك بكل ماسطرت لنا
وتسلم على مجهودك الرائع
تقبل مرورى
مع مزيد من التقدم والرقى
زورو