يالله من تبدي لنا دوم بالخـــير
نبدى بإسمك مير يالله خـــيره
الي جفانا ما نلاقيه بعصــــير
والي نسانا جعل ينسى ضمــيره
حنا عتيبه ما علينا من الـــزير
وما نهتم لجساس لو كان سـيره
ولكليب ما نهتم نصخره تصخــير
الله يساعدنا وماهي بقصــــيره
وختامها صلوا بكثر المغاتــــير
على الي رسله الله من خــير ديره
الشاعر: ابو أورآد العتيبي
و النعم بعد في كل الاصوول
تقبل مرووري ..
==========
ماعلمـوَك أنـك صغيـرّ ومطفـوق=للبـنـت دار وللرياجـيـل ملـقـا
حنا عتيبه الهيـلا برقـا مـع روق=واللـي يرحـب بالسلاطيـن يبـقـا
ماذلنا مـن خلقـة الأرض مخلـوق=أهل المكـارم ربعـي روقٍ و برقـا
ننده بسامينا وتابـس بهـا احلـوق=وكل الأيادي بقضـب أيادينـا عرقـا
كم شاربٍ من فعلنـا صـار محلـوق=جعل الوجيه اللي بها اشنـاب تسقـا
الغيمه اللي وسطهـا ربعـي بـروق=الي تحتهـا بوبـل الأمجـاد غرقـا
نجد العذيه فوقهـا شمسنـا شـروق=وصارت سماهـا بالسلاطيـن زرقـا
ربعي عتيبه وبارد الوجـه مصفـوق=والسبت من حطه تـرا الأحـد يلقـا
وين أنت يابو صوت مبحوح ومخنوق=ياللي علـى كثـر السوالـف تسلقـا
يوم البضاعه غاليه داخـل السـوق=حنا شرينـا اللـي اخذتـوه سرقـا
رمح القهر في صدر الأيـام مدقـوق=في غرب راسه وآخر الرمـح شرقـا
أيه أفتخـر وكـل مطـرود ملحـوق=بالفعل ماهـو بـزود حكـيً وقرقـا
حنا بشر بس الولـي حطنـا فـوق=الله خلقنـا فـوق وش عـاد نرقـا
الله خلقنـا فتنـه لـكـل غـرنـوق……..ومـن العـذارى ميتـه كـم طرقـا
منطوقنـا جـزل ومـع جزلنـا ذوق=يطرب لنا فوق الغصن طيـر ورقـا
قبيلتي مالي مـع النـاس معشـوق=وأنتـي غرامـي دون لقيـا وفرقـا
بين الضلوع العوج موطنـك معلـوق=ياأطهر من الطاهـر وأصفـا وأنقـا
لو غنوا الشعـار مليـون طـاروق=محدً يجيب اللي أجيبـه علـى القـا
الشعر جسم وحنا في قلبـه عـروق=كل حرف روقي وكل طـاروق برقـا
منقول
وارجو انها ما تكون اخر زياره
اخوك\\\\ الـعتـ{ابـ{ابو أورآد}ـو}ـيبي
| صح لسانك والله والنعم بعتيبه ,حنا عتيبه والجزيره وطنا الله خلقنا للقبايل عقوبه | ||