نعمة
مشيت مشوار حياتى
أتمنى الفرح ليلاتى
مشيت ورى التيار
أشوف أخرة المشوار
بصيت فى يوم
نسانى النوم
فكرت ليالى بطولها
فى الحلوة اللى هنولها
وقلت لنفسى
لقيت اللى فى نفسى
هدانى زمانى نعمة
غنيت وقلت دى نعمة
حلوة حلوة عنيها
حلو لون خديها
لقيت أحلامى فيها
رسمت أمانيا ليها
كنزت الحب ليها
شميت العبير فيها
شكرت ربى
ورجعت دربى
أقول لناسى
والحب كاسى
هدانى زمانى نعمة
تحياتي الهواري