اهداء مني لكل من تفضل بزيارة الديوان …
اتمنا ان ينال اعجابكم …
آشتاق .. لا والله إلا آمـوت لامـن طـرت
من قال وشلون حالك ؟! قلت طيـب و زان
و آنا جروحي تزيد مـع الزمـن مابـرت !
تخيل آنـك كبيـر و لـك معـزه و شـان
إيدك على مـدة الخيـرات مبطـي ضـرت
لكن عرفت الليال السـود ، و الفقـر بـان
جرت لـك ايـام مامـرت عليـك وجـرت
مكانك إللي قبـل ملفـى الرجاجيـل كـان
يمـر دربـه إدبـاك آقدامـهـا مــادرت
خلوك ضايق من الدنيـا بنفـس المكـان !!
قدام عينـك تشاهـد / و الركايـب سـرت
بالضبط هذا شعوري يوم قفت عشـان …..
تحضر زفافه عليهـا ! وليتهـا ماحضـرت
آسف إذا قلت شي و حسسـك بالهـوان ؟!
كاسرني الحب مدري هـي فيـه كسـرت ؟
آبكي عليهـا و آنـا مانـي ردي و جبـان
آنا آذكـر آيامهـا مهمـا نسـت ماذكـرت
متعـود آسهـر معـااااهـا مــن 3 ل 8 و تضيق و تزعل علي آن نمت ليل سهرت
و اللحين مدري من إللي فيه لياليه خـااااان
آخير ماذكر كـلام القلـب وقـت هجـرت
مع السلامه ،، ب حفظ الله ياعمري ( فمان ) ( الله ) لو آن المصايب من بعدهـا كثـرت
إن جاك منهو يقول الوقـت مالـه آمـان ..
قول البشر للآسف باعت قلـوب و شـرت !
النـاس متغيـره ؟ ولا الزمـان الزمـان !
وجه الزمن ماغدرك .. الناس فيك غدرت !!!
شفني قبل كنت قاسي طبع / واللحيـن لان
سوالفـي عنّهـا صبرتهـا ،، ماصبـرت !
نشرت قلبي قصايـد مـن مكـان ل مكـان
يمكن تحس ب خطاها ؟ بالقصيد إن قـرت
واهملت من لجلك سهر طول ليله ..
الله يهنيك بهوا من معه همت
وانا لي الله بالليال الطويله ).
جتني رسالـة لايمتنـي وانـا لمـت
نفسـي علـى تقصيرهـا بالاصيلـه
مضمون ماقالت : غمت خاطري غمت
بيتين عـن كـل البيـوت الجزيلـه :
كلمت منهو تشتهـي نفسـك ونمـت
واهملت من لجلك سهر طـول ليلـه
الله يهنيك بهـوى مـن معـه همـت
وانـا لـي الله باللـيـأل الطويـلـه
ساعة قريت بيوتها صمت في صمـت
كـن الكـلام اللـي بقولـه فشيـلـه
عن مايدنـق رأس محبوبتـي شمـت
هي خابره ربعي مـن ايـة قبيلـه !!
حكمة حياتي : دام عـزي ولا دمـت
ماغير ربـي ارتجـي وانحنـي لـه
ماخنت بالصاحـب ولابعتـه وسمـت
غيـره ولوانهـا حمـولـي ثقيـلـه
اشيل حمله فـوق متنـي اليـا قمـت
وان طاح احطه فوق حملـه واشيلـه
يرقا جبل شامخ من الطيـب مادمـت
داعس علـى روس النفـوس الذليلـه
فطرت في طيب الرياجيـل ماصمـت
يالله تحـرم كــل كــف بخيـلـه
وياطير تكفا كـل مـا للسمـا حمـت
تاخـذ معـك قلبـي وشوقـي دليلـه
هي الثريـا وغيرهـا هـي مارمـت
ماكـل مايبـرق لعيـنـي اخيـلـه
ان نمت تطري لي وتطري اذا قمـت
الحـب خـلا حالـتـي مستحيـلـه
وان قالت اني : في هوى غيرها همت
وهـي لهـا الله باللـيـال الطويـلـه
اقول : لو ليله علـى صدرهـا نمـت
تسـوى بعينـي الـف ليلـه طويلـه
ثامر شبيب الدقباسي
تعبان واعلاجي يقولـون طبـك ياعنك مايستاهـل البعـد مثلـي
الحـب لاعبـي مثـل مالعبـك لا تنخدع لا شفت صبري وشكلي
اقسـم قسـم بالله انـي احبـك محبتن ماحبهـا شخـص قبلـي
جابك غلاك وداخل القلب صبك مشيت بعروقي وتبخل بوصلـي
يمدحك قلبي بس عقلـي يسبـك فرقت حتى بين قلبـي وعقلـي
يمكن عرفت انسان قبلي وحبـك لا تنجرح اسف انا قلت : قبلـي
لكـن قسـم بالله ربـي وربـك بتموت ماتلقا من النـاس مثلـي
ثامر شبيب الدقباسي
ان مرتك تروي ضماك السواقـي
تذكر هذيك اللي لها عروق قلبيـن
اللـي دفاهـا مرتبـط بحتراقـي
اللي تجي قبل اسأل اطيوفها ويـن
دايم تحاتـي لوعتـي واشتياقـي
البارحه في صمت غابت عن العين
راحت وخلت جرح الايـام باقـي
فارقتها فرقا ماهي بـس يوميـن
فرقا عمـر ماعـاد فيهـا تلاقـي
ماني بشايـل همهـا الا بثنتيـن
الكـل منهـن مـر يالله تـاقـي
خايف على فرقاي ماتصبر سنيـن
والخوف الاكبر كان عادي افراقي
هقيت بأيام العمـر خيـر بعديـن
اكذب عليك ان قلت ماكنت هاقـي
في درب جاني منين او جيته منين
مشيت لكنـه ثنـا البعـد ساقـي
ماعاد انا فاهم ولاشـي هالحيـن
بس فاهم انـي للمتاهـات راقـي
راقي لا والله نازل وخاطري شين
الله يهـدي روعتـي واختناقـي
لو نفترض القا مثل زينهـا زيـن
بنت اتحدا فـي سهرهـا اعناقـي
المشكله القـا مثـل قلبهـا ويـن
صدقني راح اموت مانـي بلاقـي