رواية القروب المجنونبقلمي 2024.

[size="7"][/size]

لكل قصة بداية ونهايه وانا لن اقو ان قصتي مختلفة فقصتي تحكي ما يحدث ف مجتمعنا العربي الحبيب وسوف اسطر بقلمي<<الكيبوورد>> حياة المراهقات من جميع النواحي سوف اطلق العنان لقلمي ليبدا هذه القصة ليس لها موطن وليس لها من مكان هذه القصة موطنها ومكانها الوحيدين ف خيالي دعوني لا اطل عليكن الحديث لكي لا تملن واتمنى ان تعجبكن
تبدا روايتي ف سماء وارض مدينتي جدة وسوف ننتقل الى مدن اخرى مع احداثها القادمة باذن الواحد الاحد
ومن المدرسة الثانوية بدايتنا
كانت تنظر بجنون بشوق ولهفه
مي:ريم رييم اصحي ترى احنا مو بيبيتك
ريم:سم يسمك اسكتي ؤفف منك
مي:اووص اووص ترى انا داخلة جو
ريم: داخلة ولا خارجة المهم لا تصارخي
مي تبى تصرفها:حقك عليا سوري امسحيها بوجهي بس والي يعافيكي اسكتي
ريم بعناد:لالا ما اقبل سووري{قالتها بنفس الطريقة الي قالتها مي} قولي انا اسف ما اعيدها مر ثانية
مي:بس لايكثر
ريم:طيب سكتنا خلاص ناظري لحبيبة القلب
مي :اوك انتي اسكتي وانا اناظرها
ريم تنهددت وقالت ف نفسها:كول يوم ع دا الموال
:هههههههه تخيلي
:ايوا حتى ناظريها
:يب يب ناظريها
:اهووه ميين قدك يا سامر
سامر:امووت انا ع المعجبين
:لالا تمووت ترى نباك
سامر:اعرف يا روان
روان:ينعبوالثقة النازلة اليوم واصلن انا رينو مو روان
سامر:مو يحق لي داام المعجبيين كثرو يا رينو ولا تزعلي
رينو:اصل مين قلك انو ديك البنت معجبة فيك ممكن ف احد ثاني واحنا غلطنا
سامر:امووت انا ع الغيره
رينو: ومن قالك يا فهيم اني غيرانا
سامر يبا يغيض رينو: حبيبي لاتغاري انا مني مالي عنونك
رينو عصبت:بس لا يكثر
سامر فتح كودريد :رينو يا حتاتي تبي معي
رينو :غصة ف بلعوومك وسم الهاري ف بطنك
سامر :لالا اش ذنب معجبيني
رينو:اش الي اش ذنب المعجبين لالا تصدق نفسك
سامر : لا انا ابا اصدق نفسي بكيفي انتي لما دعيتي عليا انو راح اموت انا قوولت شذنب معجبيني انو يتعذبو بفراقي
رينو:انا مـــ
قاطعتها :ما شاء الله تتكلمون وترفعوني قب
سامر: انا اموت ولا ارفعك قب يا بعدي
:فديييتك
سامر:فداكي الكوون حتاتي
:تكفيني نجمة من كونك حووبي
رينو: عسى ما قطاعت الجلسة الرومنسية بين سموور و ندوو
ندى سامر مع بعض: اصغر عيالك تنادينا كيدا
الكل ضحكو:هههههههههههههههههههههههههههههه
خليني اقولكوم عن الشخصيات اكثر:
مي:شعرها طويل بنوته بكل معنى الكلمة تحب الموضة طولها متوسط
ريم:برضو نفس مي بس شعرها اطول بشوي واطول من مي بشوي
رينو: شعرها متوسط بنووته تحب الرجة والموضة والضحك وكووول شي حلو فيها
سامر:بويه شعرها قصييير مرة ثلجي طويلة مو بالمرة معضلة الي يشوفها ما يقول بنت ابد كول ملابسها ابيض ف ابيض
ندوو:شعرها ايمو اسود ف خصل بنفسجي قصيره تحب الموضة
صرخ جرس بداية اليوم الدرااسي<<<حلوة صرخت هع
رينو وسامر مع بعض ف الفصل
مي وريم وندوو مع بعض
{ترى حقول فص 1 يعني فصل رينو وسامر و2 يعني فصل مي وريم وندو}
الفصل 1
سامر ورينو قاعدين ف اخر الفصل وسامر مطلع البلاك بيري {بيبي} وقاعد يتكلم بالمسن
رينو : قاعد تكلم مييين
سامر: وانتي اش خصك
رينو:بلييييز قوول
سامر:ولا ف الاحلالام يا حووبي
رينو: داام انا حبك خليني اشوف
سامر: لايكثر انا قلت لا يعني لا
رينو سحبت البيبي وشافت مييين وصرخت باعلى صوت:يسوو حبيبي
الابلة شافتهم :ان شاء الله مستانسين
سامر:يب والله مستانسين وع الاخر
الابلة :تبون قهوه
رينو: يا فوزية احنا مو عجايز اقهوه وشاي لالا دي حقت العجاايز فهمتي يا فوفو
الابلة: اصغر عيالك تناديني كيدا ابلة او ابلة فوزية ثاني شي تجيبون معاكوم جوالات دا الي اسمو دلاك ديري
سامر بهدوء:اولا اسمو بيبي يعني بلاك بيري مو دلاك ديري
الابلة :سمر روان اوقفو
ولا احد وقفو
رينو :تكلمينا
الابلة :لالااكلم الجدار اومال ايش
رينو : انا مو اسمي روان انا اسمي رينو وسامر مو اسمو سمر اسمو سامر
الابلة:انتو الثنيين اوقفو
صفوها
الابلة: راح انادي المديره
صفوها
الابلة قالت لبنت روحي نادي المديرة البنت راحت ونادت المديرة لما طلعت المديرة
المديرة:نعم يا ابلة ان شاء الله خير
ا.فوزية:لا ان شاء الله كول الخير
م.منيرة:عيل اش في
ا.فوزية:شوفي دول البنتين كول حصة ليا ما يسمعون للدرس ويزاعقون
المديرة لما لفت شافت سامر توهقت :فوزية خلاص انا بعدين اتصرف معاهوم
ا.فوزية:ابلة منير دول جايبين معاهم جوالات
م.منيرة:ابلة خلاص انا اتصرف معاهم روان تعالي
رينو: طيب
شكل رينو كان بالمرة خايف لما جات المديرة
رينو لما راحت مع المديرة وصلو للمكتب
سامر خرجت من الفصل بدون ما تستاذن وراحت غرفة المديرة بس ما دخلت بس تقدر تسمع كول شي وكان ع الباب نافذة يعني مدينها تشوف كول شي بدون ما يشوفوها
منيرة بعصبية:انتي تعرفي اش سويتي دحين
رينو:———————
منيرة:انطقي تعرفي انتي دحين شساويتي
رينو تلعثمت وتوهقت:اااااااااااااااا
منيرة :يعني حتضلي ساكتة او تتلعثمي
ف وقتها جات بنت من الفصل وقالت لسامر انو الابلة تباها
سامر:سم اسكتي
:يلا ترى راح تنقصي درجات
سامر:انقص بس انقلعي
:مارح اتحرك الا ادا جيتي
سامر:اسكتي سم الهاري ف بطنك
:سم يسمك
البنت تبى تعلي صوتها بس سامر مسك فمها عشان ما تفضحها
سامر:اوك راح اجي الحقيني وانا وراكي
:هههه ما يمشي عليا كيدا قدامي
سامر راح وسمع الكلام
ننتقل عند المديرة ورينو
منيرة:لا والله اليوم كمان تدعي وتصارخي عليها عسى سم ف بطنك ها
رينو:————-
منيرة:رجعتي للسكوت دحين انتي عارفة ليش دخلتي المدرسة
رينو متلعثمه :ا ….ييـ … وو..ااا عارفة
منيرة : طيب سمعيني انتي ليش هنا
رينو: ا…نـ ….ا هنا عـ ….شـ .. ـااان
منيره:وبعدين يعني حرف حرف راح تنطقي
رينو توهقت :انا الحارسة حق سامر
منيره: و
رينو : ومني صحبتها
منيره:اشبك سكتي كملي
رينو: ولاازاعق ولا ادعي عليها بس ادعي ليها عشان سامر اقققـصـ….ــد الانسة سمر عشان انا عملي كيدا من يوم ما تولدت بس كنت متخفية ودحين ظهرت لها عشان هيا كبرت وحتعرف انو انا اراقبها ولا لا
منيره: من اليوم ورايح ما لك كلام مع سمر ادا سالتكي تجاوبي بس تتكلمي لا ترى والله اقتلكي والله مايسيرلك طيب ولا تمشي معاها ابد راقبيها من بعيد
رينو: بـ….ــس اقصد طيب كلامك مسموع
منيرة : وش كمان رينو انتي اسمك روان مو رينو ينادوكي روان ولا لاتردي ع احد الا سمر اذا نادتكي رينو طيب
رينو: طيب
نروح لفصل 2
مي وريم قاعدين ف الوسط اخر الصف وبجانبهم ندوو
مي : ريم والله يجنن
ريم: سامر سامر سامر ما عندك سالفة ثانية
ندو لما سمعت اسم سامر ناظرتهم
مي: خيير اشتبين تناظريلنا كيدا
ندو: ما شوف الخير بوجهك
ريم: اقول اسكتي جايا تناظرنا وتطول لسانها
ندو:لا تجيبون اسم سامر ع لسانكم ما ارضى صاحبي تجي اسمو ع لسانكم
مي لما سمعت اسم سامر وانو صاحب ندو فتها لما كانو قاعدي ويا بعض بس دوبها تتذكر من زووود الرجة قالتلها تبى تحسن صورتها عند ندو عشان هيا صحبتها: سوري ما قصدنا حقك علينا
ريم:لالا مو عليا انتي وبس
مي نغزت ريم وريم سكتت عشان عارفة انو اذا ما سكتت مي راح تزع منها
ندو: طيب خلالاص
مي: اوك نستاذن
ندو:اذنك معك
الابلة: روحي
ريم: ابلة انا كماان بليييز
الابلة : بس بسرعة
ريم: اوك
كيدا شويا
ندوو: ابلة بروح الحمام
الابلة: انتو اليوم اش شاربين
ندو: لا انا الى الان ما شربت شي بس ابا اروح الحمام
الابلة : لما يرجعو رفيقاتك
ندوو: ابلة مقدر ضروري
الابلة: بس انتي بسرعة
ندو : حتى للحمام وقت
الابلة : بتروحي ولا حغير رايي
ندو: خلاص رايحة
وراحت لما دخلت الحمام غسلت وجهها ونزلت للساحة وشربت بايسن وقعدت ف ركن وفكت البيبي
مرو عليها :اشبو الحلو قاعد وحدو
ندو سفهتهم البنتين قعدو جمبها
: يا ندو يا حبيبي لا تسفهينا ترى ما ينفعك
ندو: انتو شتبون مني
بنت1:حبيبي احنا ما رح نسوي شي بس انتي عجبتينا واحنا نباكي
البن: يب يباكي مشعل
مشعل: ايوا اباكي
ندوو: انتو اش سالفتكم
مشعل: لابس انا احووبك
ندوو: يا حياتي انا ما احووبك
مشعل: يعني انا حياتك
ندو: ممكن
مشعل: ممكن ايش يا عمري
ندو: ممكن وقت اقعد فيه وحدي
كان سامر يتمشى ف الساحة
ندو صرخت باعلى صوت: ساامر ساامر تعاال
سامر جا : اش تبين
ندوو: بلييز سامر قولهم يبعدو عني
سامر:انتو وياه سمعتو ابعدو عن البنية
مشعل: وانت شخصك
سامر: يخصني ونص
مشعل و البنت التانية راحو
سامر راح وتركو ندو تجلس وحدها
صرخ الجرس ولازالت رينو عند المديرة
المديرة :يلا خلاص اقعدي
رينو ما صدقت نفسها وقعدت
المديرة :دحين فسحة روحي افطري
رينو: طيب
وراحت رينو اشترت لها فطور
سامر شافت رينو وجرت لها بسرعة وهي تناديها باعلى صوت: رينو ريييييييييييييييينووووووووووو
رينو: راحت عندها بادب : نعم انسه سمر
سامر: رينو
رينو: هلا كانت تتكلم بادب
سامر: رين واش قالتلك المديره قوليلي ع كل شي بليييز
رينو: انسة سمر مقدر . رينو كانت تكلمها وراسها بالارض
سامر ما حب يازم الوقت : اش الانسة سمر قولي سامر احنا صحبات من اول
رينو: طيب يا سامر
سامر: اشبو وجهك بالارض ارفعي. ورفعتو لها
سامر شاف رينو عيونها تدمع : رينو مين خلا عيون تدمع ها المديره قوليلي
رينو:————-
سامر: طيب والله ما يسير للمديرة طيب
وراحت لغرفت المديرة
رينو تمسك يدها : لا والي يخليكي لا تروحي مو المديرة
سامر ما صدق رينو :اومال مين انتي طول ما خرجتي من الفصل عند المديره
رينو: لالالالا مو هي ارجووك لا ترحي انسة سمر اسف اسف اقصد سامر
سامر: منو متى وبيننا اسف لا تتاسفين عادي
رينو : انسة انا دحين استاذن
سامر ما حبت تقولها لاتناديني انسة عشان لا تازم الموضوع :اذنك معك
رينو راحت ودخلت الحمام واخذت فطورها معاها معنها عارفة انو حرام الاكل يدخل الحمام بس كانت بالمرة تعبانة
دخلت حمام وقفلت عليها بالمفتاح وقعدت تاكل
سامر حبت تعرف اشبها رينو فراحت لغرفت المديره
دقت الباب طق طق طق
المديره: تفضل
سامر دخلت الغرفة وقالت للمديره: يعني انتي شسوتي ف رينو
منيره: لا ولا شي بس هيا كانت تعبانه
سامر ما صدقتها : اوك طيب يلا سلام
المديره: سمر
سامر سفهتها وراحت
لما راحت دخلت الحمام وقعدت ف زاوية وقعدت ع البيبي
رينو خرجت من الحمام فشافت سامر وسامر شافت رينو رينو ع طول دخلت
سامر قالت بصوت عالي: راح اضني هنا لحد ما تخرجي
رينو قاعدة تبكي فقررت انها تخرج واذا نادتها ترد عليها واذا ما نادتها تروح لفصلها وفكت الباب وسامر ما نادتها قالت بصوت واطي : الحمد لله ما نادتني
سامر سمعتها كانت راح تناديها بس قررت تسوي شي ثاني
رينو وهيا طالعه الدرج سامر مشت وراها بس رينو مي حاسة
سامر: اشبو القمر زعلان
رينو ارتبكت: نعم انسة. ودمعت وكانت تمسح دمعها بحيث سامر ما تشوفو بس سامر شافتو
سامر لما شافت دموع رينو حضنتها رينو استسلمت للوضع وسارت تبكي زيادة لما شافت المديره جايه نحيتها بعدت عن سامر ومسحت دموعها سامر ع طول التفتت فلقت المديره
وراحت تلحق رينو
رينو غيرت مكانها وجلست ف الركن ف الجمب الثاني ويعني الابلة ماتقدر تشوفها اما البنات الي ورا يقدرو يشوفوها
سامر ع طول دخلت الفصل كانت جوا ابلة
الابلة: ماشاء الله يا سمر تدخلين بدون ممكن ولا سلام
سامر: سوري ممكن ادخل؟.كان شكلها بالمره زعلان ورينو شافتها وسارت تبكي بقوة ع منظرها مي متوقعة صحبتها من اول ابتدائي الى اول ثانوي يتفارقو
سارت رينو تكتب كل آلي ف قلبها ف دفتر
ومرت الحصص ع ماكانت عليه حتى الصرفة وكل واحد راح ع بيته
سامر لما راحت كانت تلبس بس عباية لا طرحة ولا تغطي وندو نفس الحالة آما رينو فتلبس طرحه بس ما تغطي رينو كانت ترجع البيت مشي آما سامر بسواق وندو مع اخوها
لما رجعت البيت كان شكلو قديييم بالمرة ومخرب فدخلت كانت وحدها ما معاها احد يسكن معاها فكانت تاخذ راتبها لما تحرس سامر كان حالها جدا فقير بس ما حد ف المدرسة يعرف يعني يبين عليها ف المدرسة حالها جدا راقي ما تحب احد يقول عليها فقيرة وراحت تجهز لها الغداء وهي تعمل الغداء كان عبارة عن رز وسلطة لما كانت تسوي الرز شالت الرز تبى تحوطو ف صحن طاح عليها الرز وهي من الحروق اللي جتها من القدر لما طاح حطت يدها ع النار من غيير قصد ويدها جزء كبير منها انحر سار لونها احمر مايل ع السواد وف جروح ودم فصرخت بصوت عالي جدا: اهـ اهـ اهـ
وجلست ع الارض تبكي بعد شوي قامت راحت تحط ع يدها مويه بارد ف بالغلط فتحت المويه الحارة وكانت المويه دافية بس هي بعد الحرق حستها كنها نااار بعدين فكت الموية الباردة ودخلت يدها ريحتها شوي بعدين راحت للصيدلي يعطيها شاش ولص جروح ومعقم وراحت بيتها حتطهم واكلت كانت يدها المين المحروقة اما اليسار فلا و وجهها ف حروق من القدر الي طاح عليها واكلت وذاكرت شوي ونامت بعدين تصى تتعشا وتنام طول يومها كيدا واحيانا تروح تخرج
كانت زعلانه بحال صديقتها ما تدري شتساوي راحت ورمت شنطتها ع الكنب كانت غنية الى ابعد الحدوود
:سامر اشبك كيدا ف زئلان ان خود عبايه وانت ف اتلع فوك نام اوك مست سامر
سامر:لولوا باكي تسويلي نسكافه
لولوا: بئدين مستر سامر انت مافي نام
سامر:بتقعدي تناقشين وتبررين وبسرعة ماعندي وقت
لولوا:اوك مستر سامر
سامر راحت طلعت غرفتها وانسدحت ع السرير حست انو لولوا طولت وما جابت لها الي تبا فدقت من التلفون ع المطبخ انو يجهزو لها نسكافه فما مرت دقيقة الا جا كان بيتهم اقصد قصرهم كبييييير وف كول شي شربت النسكافه ونامت ما صحيتا لا ع الليل دقت ع رينو
رينو وهي متلعثمة تفكر ترد ولا لا واخيرا قالت لازم ارد ممكن تبى مني شي مهم
رينو ردت وهي متوتره
سامر:رينو حبيبي كيفك
رينو متوتره: طيبه انسة سمر
سامر حاولت تروق الموضوع :انسة سمر قولي سامر وتاني شي مارح تسالي عن اخباري وكيفي
رينو:مستر سامر كفيك واخبارك
سامر :لبى اسمي من لسانك بلا القاب بس سامر
رينو: ان شاء الله
سامر:اوك انطقي سامر من لسانك
رينو:سامر
سامر:ايوا كيدا احلى
رينو————
سامر :حبيبي تقدري تجي عندي
رينو عشان ما تقدر ترفضلها طلب فقالت بكل احترام: طيب مستر سامر متى
سامر:الحين
رينو :طيب
سامر :ارسلك سواق
رينو:مستر سامر لا تتعب نفسك انا اجي
سامر : اوصفلك البيت
رينو: مستر سامر انا اعرف طريق البيت
سامر:اوك
رينو: طيب دقايق واكون عندك مستر سامر
سامر: اوكشن يا حياتي يلا سلالام انتبهي ع نفسك حبيبي
رينو: ان شاء الله انتبهي ع نفسك مستر سامر ارجوك انتبهي ع نفسك
سامر: حنتبه ع نفسي عشانك وبس
رينو بصوت واطي : الله يخليك ليا يارب
سامر: سمعتك وانتي كمان الله يخليكي ليا وبس ما يحق ليا
رينو: يحق لك اصلن انا لك
سامر : اوك حبيبي لا تتاخري
رينو: اوك ان شاء الله
طوط طوط طوط طوط
رينو وهيا تمشي لبيت سامر كانت المسافة جدا بعيدة بس هي متعود عشانها تقريبا كل يوم تروح هناك تراقبها وتتطمن ع حالها بس دي المره كانت ف طرق مقفلة ولازم تروح من الطريق الثاني وكان اطول وعشان هي يدها محروقة ووجهها ف كدمات خطت وجهها وسارت ما تشوف الطريق تمام
سامر قالت للسواق انو روح لرينو بس ما عرفت وين رينو ودقت عليها
سامر:رينو انتي وين
رينو: انا ف الطريق شوي واوصل
سامر :لا لا مين يجيبك
رينو ما حبت تكدب ع صحبتها بس كانت مضطره :انا اجي بتاكسي
سامر : رينو لا تركبي تاكسي وحدك ما سمعتي عنهم
رينو: طيب
سامر: انتي وين
رينو : انا ف حي الـ ف شارع الـ جمب المستشفى الـ
سامر : اوك انزلي من التاكسي دحين السواق يجي
رينو: مستر سامر بلييز لا تتعبي نفسك انا اقدر اجي
سامر: رينو خلالاص عادي واصلن انا مارح اتعب بس السواق راح يجيكي مو انا اسمعي
رينوكنعم مستر سامر
سامر تضايقت من مستر بس ماحبت تازم الموضوع اكتر من كيدا: السواق شعرو طويل بني لابس تي شرت احمر وسكيني ابيض اندنوسي واقف عند المستشفى اذا شوفتي قوليلو انت عبد القدوس اذا قلك ايوا اعطيني اكلمو اوك
رينو: اوك
قاعدة تناظر ودور ع واحد بدي المواصفات الا لاقت واحد كيدا راحت : لو سمحت انت عبد القدوس
عبد القدوس:نئم انت في يبا حاجة
رينو: خود كلم
سامر: عبد القدوس
عبد القدوس : نعم مستر سامر
سامر: دي البنت الي اعطتك الموبايل وصلها بيتنا خلالاص
عبد القدوس:ؤك
سامر: اعطي الفون للبنت
عبد القدوس اعطى الفون ل رينو
سامر: رينو حبيبي
رينو:هلا مستر سامر
سامر اتضايق بس ماسوا شي عشنو عارف راح تقول سامر بعدين حتقول مست سامر:اركبي مع عبد القدوس
رينو: ؤك مستر سامر
رينو ركبت مع عبد القدوس وسامر قفلت من رينو
لما وصلو للبيت سامر عبد القدوس ركن السياره وراح الملحق الي هوا ينام فيه وقال لسامر انو رينو وصلت اما رينو فما دقت الجرس ولا شي بس وقفت جمب البوابة الكبيره خايفة انو تشوف سامر وسامر تشوف الحرق وبعدين تقولها ليش ماروحتي المستشفى بمعنا اخر خايفة انو سامر تتضايق منها او تزعل وسامر لا يمكن تزعل من رينو
سامر: لولوا ما جت بنت
لولوا : لا مافي بنت اجي هينا مستر سامر
سامر اتجنت مي عارفة شتسوي واخيرا قررت انها تخرج لعبد القدوس تقولو وين البنت دقت ع عبد القدوس جوالو مقفول خلاص سامر انجنت وين رينو اختفت لما خرجت كانت تتلفت فطبعا انتو عارفين انو رينو مغطية وجهها فولاشي مبين فيها حتا يدينها تحاويل تخفيهم قد ما تستطيع عشان ما حد يشوف الحرق فكانت قاعدة ع الارض وضامه يدينها ووجهها
فلما شافت سامر خبت وجهها سامر لما شافتها ما حسبتها رينو حسبتها وحدة ثانية عشان هي عارفة انو رينو ما تغطي وجهها راحت لعندها : مين انتي وش تبي . كانت تقول بعطف عشان سامر بالمره عطوفه
رينو لما سمعت صوت سامر وقفت وما قالت شي
سامر: معنو انا صحبتي رينو دحين هي ف البيت وانا قاعدة ادور عليها بس راح اشوفك يا حلوة وش تبين بالضبط تعالي ندخل رينو الى الان ما نطقت ولا بحرف
سامر: تبي تقعدي هنا ولا ف غرفتي
رينو:——————————-
سامر : اوك ليش ما تفسخي الطرحة ترى كولنا بنات ف بنات ما في أي ولد
رينو برضو ما ردت:—————–
سامر: ؤك ع راحتك بس انا بقعدك ف غرفتي
سامر ورينو طلعو فوق باليفت { مصعد كهربائي} ورينو لحد الان ما تكلمت ولا فسخت الطرحة لما دخلوا ليفت كان المكان واسع ف رينو بعدت عن سامر وراحت ف الركن اما سامر راح لعندها : ترى انا اعتبرك مثل اختي يعني عادي لو فسختي الطرحة ولو تبي تعيشي هنا عادي ما في اولاد هنا ولو تبي تسوي أي شي ساوي انا احب اساعد بس لا تقعدي كيدا ساكتة ؤك
رينو لا جواب:——————
لما وصلوا مر قعدت ع السرير ورينو واقفه
سامر: اقعدي ع الكنبة او ادا تبي ع السرير عادي واسع
رينو قعدت ع الكنب ف الركن كيدا شوي سامر راحت عندها
:ؤك انتي شتبي قولي امري
رينو تلعثمت وفكت وجهها كان وجهها مليان حروق وجروح
سامر: رينو حبيبي مين عمل فيكي كيدا
رينو : ولا احد بس طاح القدر عليا
سامر : لا ما ينفع تضلي بدي الحالة لازم تروحي المستشفى
رينو: مستر سامر الله يخليك لا تتعب نفسك ارجوك انا ما استحق
سامر: رينو لو انتي ما تستحقي اومال مين يستحق
رينو: خلاص انا روحت للدكتور واعطاني مرهم ومعقم وانا حطيته والله والله
سامر: خلاص دامك حلفتي فانا مصدقتك انا اصلا اصدقك بدون ما تحلفياوك دحين لا سلمتي عليا ولا فسختي عباتك ولا شي
لما فسخت عبايتها سامر ما شافت يدها عشنا كانت قالبه وجهها ولما كانت تسلم عليها ما شافت يدها فسلمت عليها بقوة
ورينو حست ع الحروق ودمعت اما سامر فعلطول شالت يدها
سامر : سوري سوري والله ماكنت اقصد ما دريت انا غبية لازم اشوف الاول غبية. وضربت راسها مو بشويش ولا بقوة يعني متوسطة
رينو: لالا تعتذري مستر سام انا الي ما قلتلك ارجووكي لاتقولي الي قولتي ولا تضربي نفسك انا غبية انا هبلة اني ما قلتلك . وضربت يدها اليمين بقوة لدرجة انو دمعت
سامر مسكت يد رينو المحروقة ومسحت دمعتها: حبيبي ليش تساوي كول هدا عشاني ليشق وليلي
رينو ابتسمت ابتسامة مصطنع وحبت تغير الموضوع: مستر سامر ليش تبيني دحين
سامر : لا بس أباكي تقعدي معايا ما يحق لي
رينو : طبعا مستر يحق لك
كانت رينو تتكلم بأدب بالمره وسامر متضايقة من هذا
بعد ما رينو راحت بيتها راحت مع السواق بس ما وافقت انو السواق يوصلها بيتها بس لما المستشفى وبس
ورجعت بيتها مشي وراحت نامت بدون عشاء
ندو من اول ما رجعت من المدرسة نايمة لا اكل لا شي نوم وبس

بناااات هدي اول رواياتي وان شاء الله تعجبكم اذا كان ف ردود مشجعه راح اكمل اذا مافيشي فراح اتكد انو الروايه ما عجبتكم

يعطيكـ العافيهـ

بدايهـ رائعهـ

واتمنى منكـ انكـ ماتوقفيـ لانـ القراء مايجو بسرعهـ

استمري بالكتابهـ >> اعتبريها نصيحهـ من أخت لاختها

والعنوانـ يشد

واتمنى تستمريـ وماتوقفيـ

تحيــــــــ لكـ ـــــــــاتي

اقتباس

المشاركة الأصلية كتبت بواسطة ابتسم رغم دموعي