لله يرحمك يا أعز الناس يابوي 2024.

بسم الله الرحمن الرحيم

آآآآآآآه الحياة..

ومن مايعرف الحياة ومافيها من تغيرات بكل شي..

الله قدر عليا من اربع سنوات او اكثر وفاة اقربهم لي

وهو الوالد الله يرحمه

المهم…

هو برحيله ترك فراغ كبير ماحد عقبه يمليه..

و انا له حنيت وقلت :

حنيت لك يابوي.. حنيت

حنيت لك يابوي وتمنيت..

تمنيت اضمك واشمك واللقاك بهالبيت..

البيت اللي عقبك مالقى من الناس من يعتني فيه..

يابوي..

يابوي والله قست بعدك كل القلوب ومنهم عانيت..

يابوي..

يابوي تيتمت عقبك ولا لغير الله شكيت..

يابوي..

يابوي لي قلب من الشوق لك يبكي ما حييت..

يابوي..

يابوي والله عقبك عرفت قيمتك وبك بكل احاسيسي حسيت..

تذكرتك لما كنت مني تزعل "عشاني" وانا احسبك عني تخليت..

تذكرتك لما كنت "تراضيني" ولا ارضى..

تذكرتك..وتذكرت كم لك عصيت..

يابوي تذكرت الخير اللي كان بوجودك وانا به ماحسيت..

يابوي والله اليوم حسيت به ذاك الخير وتذكرت اني عنه اقفيت..

يابوي..

يابوي ليت من يحيي العظام وهي رميم يحييك ثاني واشوفك

واقولك يابوي لك حنيت..

واقولك سامحني يابوي انا غلطان بحقك..

انا ندمان..

انا ماعادلي بعدك اصحاب يااحقهم بحسن صحبتي ..

تراني من بعدك توعيت ومتاخر صحيت..

وحسرتي يابوي تاكلني من يوم وفاتك..

وكل ماقست عليا الدنيا تذكرتك وبكيت..

واقولك مابقى بعدك جنب لين بعد اللي به انتخيت "الله"

واعتذر لك اني كنت اظنك قاسي..كنت اظنك اناني..

وكنت اظنك ماتعاني..

كنت وكنت وكنت..

لكن اللي تاكدت منه اني انا القاسي..

وانا الاناني وانا اللي ماكنت اعاني..

ماالومك بتدليلك لي من حبك وطيبة قلبك..

كانت قسوتك اللي اشوفها قسوه وتضييق..

كانت حب ماعرفته الا بعدك..

كان سؤالك الدايم عني بقولت وينك؟ وش تسوي؟ ليه ماجيت؟..

كانو اهتمام واليوم بس توعيت..

يابوي والله اني لك حنيت..

بيدي كسرت قلبي ومالقيت فيه غيرك اقوله حنيت..

الله يرحمك يابوي..

ليت لي طريق واجيك..

ليتني اقدر واراضيك..

لكن امره "سبحانه" قدر فرقاك ياشمعت ذاك البيت..

كلام جميل ومؤثر واشكرك على ابداع قلمك
والله يرحم كل من فقدنا
وربي يخلي كل شخص بتحبه

الأب قدره عظيم وبجد ممكن مانحس بقيمته

الا بعد مانفقده

كلماتك حييييل مؤثره

كلمات جدا جميله ومؤثره….
الله يرحم اوبوك ويجعل مثواه الجنه ان شاء الله…
سلمت يمينك اخي…
دمت بود ومحبه…
تقبل مروري…

كلمات مؤثره وهمساتها واضحه وانينها يقرع من احشاش قلبك , سلمت وسلمت يمناك , وللتذكير يقول الرسول _صلى الله عليه وسلم _ ((إذا مات ابن آدم انقطع عمله إلا من ثلاث ,,ومنها وولد صالح يدعو له)) او كما قال صلوت ربي وسلامه عليه.

وتقبل مروري,,,