بنات دعواتكم لي ولصاحبة الموضوع
من جد روعـه وحبيت انقلـه لكم عشان تستفيدون منه
وتطالعون الافكار معي
وان شاء الله تحوز على رضآآكم ..
شعرك تاج جمالك يا آنسة
راح نشوف سوا في الموضوع
– الاجهزة اللي استخدمها لـ شعراتي .
– منتجات تصفيف احبها لشعري .
– عنايتي بـ شوشتي .
– تعطير الشعر .
– شامبوهات أحوبها .
– صور للتسريحات الجديدهـ اللي دارجه .
كيرلي / ستريت / ويفي / كشة
الحالات اللي تكون فيها شوشتنا وعلى حسب الـ مود اللي احنا فيه
بتكلم بالتفصيل كيف أحوس بهالـ شوشة اللي ياما شافت وساكتة
<< تحب تلعب و تجرب
أول شي أحطه على شعري و هو لسا رطب
انشفه بالفوطه واحط نقطه – نقطتين من السيروم وادهن فيها " أطراف " شعري
السيروم يعطي الشعر الجاف لمعه , والاهم من كذا يحمي الشعر ويجهزه لاي شي راح تعملينه
يحميه من حرارة الفير – السشوار – منتجات التصفيف … الخ
يعني أياً كان الستايل اللي بعمله في شعري اول شي احط سيروم عليه
اللي عاليمين أتعب و انا اقول رووووووعه
كذا ما يدبق مهوب ثقيل على عكس اللي عاليسار
ثنينهم ماخذتهم من " كارفور "
أضيع بدونه
سشواري كل من جربه سألني عنه .. مررررررره حار ولا يطفي ابد
اسمه elchim ولا يجي الا لون احمر
فيه هوا بارد بعد عشان تنشفون المناكير
اخذته من " قزاز "
سعره تقريبا 200 و شي المهم مهوب اكثر من 300
$.. السر عشان تعطين شعرك حجم
لا توجهين عليه السشوار ابد من فوق كذا يهبط
نزلي راسك تحت و وجهي السشوار على شعرك
وحاولي باطراف اصابعك تحركين جذور شعرك
$.. النقطه الثانية أبد لا تقربين السشوار من شعرك
كل ما بعدتيه كان افضل
$.. النقطه الاخيره وكثير بنات يسوونها و هي غلط
لا توجهين السشوار من تحت الشعر يعني عكس الاطراف
يعننك خطيره وبتنفشين شوشتك
هذي الطريقة مع الوقت تساعد على تقصف اطراف الشعر
——————————-
الويفي كلنا نحبه
الشعر الغجري المغري وهـ بس
راح اقول لكم طريقتي
استخدمهم للبيت – جامعه – طلعة بنات – اغلب الوقت
بعد ما احط السيروم وانشف شعري بالهوا نص و نص مووش مره
انزل راسي على تحت واحط بيدي من الكريم و ابدا اوزعه على الاطراف
اكثر شي و احاول اعرفط الخصلات عشان تاخذ الشكل الويفي وتتخصل
بالكريم ولا يصير نافش
بعد ما اتاكد ان كل شعري تعبا .. انشفه مره ثانيه بالسشوار
واكون منزله راسي على تحت عشان ياخذ حجم
باتين و صانصلك كلهم كويسين
بس مع الوقت اكتشفت ان الصانصلك يطيح الشعر والبانتين لا
يعني البانتين حلو وعملي كـ استخدام يومي
جربوا اللي مكتوب عليه لتموجات متناسقه او شي زي كذا
تبون الصراحه ؟
عادي ما فرقت شعري فيه
يطلع ويفي صح .. بس بالضبط زي لما استخدم السشوار
عملت بحث كثير عن الشعر الكيرلي وكثير كانوا يتكلمون عن هذا " الموزع "
كيف طريقة استخدامه ؟
بعد ماتحطين كريم الكرلـله او الموس نفس الشي تعرفطين مجموعة خصل بيدك
الين ماتقربينها من الجذور .. وتلصقين الموزع عليها تقريبا 30 ثانية
تصير الخصل مموجه
أخذته برضو من " قزاز " بس ابد مو متذكره السعر
يمكن كثير بنات يستصعبون استخدام الفير
يمكن يكون صعب من اول مره ولا يضبط .. بس مع المحاوله
راح يصير شي مره سهل والنتيجه
بعد ما اتحمم واحط سيروم على شعري .. انشفه بالهوا
نبدا نشغل الفير عشان يحمى
نسشور الشعر بس سشوار سريع سريه وبدون لا تتسيح الخصلات مره
جيبي فوطه صغيره و حطي الفير عليها
ابدي فرقي شعرك .. افرقيه على شكل + يعني 4 اقسام
ابدي مثلا بالجزء اللي عاليسار من ورا لانه اسهل تحكم
خذي خصله صغيره بيدك اليسار , باليمين امسكي الفير واقلبيه
على تحت خلي راسه موجه لتحت
واضغطي على المكبس يعني افتحيه , لفي الخصله بيدك اليسار على الفير
لفي بقوة ورجعي الخصله كل مالفيتيها على ورا
سكري المكبس عالخصله واتركي بالاخير طرف الخصله تقريبا 3 سم
وخليك شاده بيدك طرف الخصله
انتظري تقريبا 30 ثانيه .. افتحي المكبس وشيلي الخصله بشويش بعدي
عنها الفير بالتدريج عشان لا تنفك الخصله
امسكي نهاية الخصله بيدك اسحبيها على تحت شوي وبخي عليها سبراي
مثبت من الجهتين كملي كذا الين ماتخلصين كل الشعر
مع العلم ان الخصل اللي قدام لا تطولين مدة الفير عليها لان خصل الشعر رقيقه
بعد ماتخلصين بييصير شكل شعرك يحوم الكبد
لا تخافين .. نزلي شعرك على تحت وابدي فككي الخصل
باطراف اصابعك وبخي سبراي مثبت بعدين اعمليه زي ما انتي حابه
يا تتركينه مفروق من النص ويكون natural
أو تعملين بف صغير من قدام وتثبتيه ببنسه ..
او تحطين طوق او باند اللي انتي حابه .
الفير اخذته من " اكسترا " .
اخذته من " اكسترا " برضو
يعطي الشعر لوك مموج متعرفط يارب تكونون تخيلتوا كيف :t019:
تصير الخصله طالعه نازله كنها مطبات
أفضل iron للشعر
استخدمها لما اسشور شعري ليس و حابه ارتب النهيات
او اذا ابي ارتب الغره
بس بتعرف
حبيت الحركة كرمال البنوتات الحلوات يستفيدو كلن كلن
وبما إنك بديت بقى خليني كفي وخبرن بشوية نصايح من عيوني
رغوات الشعر لـ شعر ويفي منكوش
استخدمهم بالضبط نفس طريقتي لما أكرلل شعري بالكريم حق بانتين
رغوة Wella ممتااااااازة يا بنات للي شعرها كثيف و سميك لانها ثابته وتمسك
أما الحلو في الرغوة تبعت new wave العبوة الحمرا انها تحمي الشعر من حرارة السشوار
حمام الزيت للشعر
طبعا في كريمات كتير حلوة للشعر أـهم شي يكون فيها خلطات الصبار واللوز مفيدة جدا
استخدمه مره بالاسبوع , اغسل شعري بشامبو بعدين انشفه بالفوطه وابدا اوزع الكريم على كل شعري
وافرك الفروة باطراف اصابعي عشان يتحرك الدم فيها وتتغذى
بعدها اللي عندها بخار تقعد تحته 20 دقيقه او نص ساعه
اللي ماعندها تلف شعرها بنايلون شفاف .
اقل شي مره بالشهر نعمل خلطة زيوت لـ " تغذية الشعر " و ترطيبه
تاخذون الزيوت اللي انتوا حابينها واهمها " الخروع "
بعد ما تخلطونهم سوا تقريبا ملعقة من كل نوع على حسب طول شعرك
حاولوا تسخنونهم على النار شوي , عشان لما تحطون الخلطه على شعركم تكون دافيه ومفعولها يزيد
ممكن لو حابين تهرسون فص ثوم معهم
برضو فيه خلطه عملتها صاحبتي تقول تكثر منابت الشعر
بالخلاط " جرجير + زيت جرجير " وتفرك فيه منابت شعرها وتخليه نص ساعه تحت البخار وكل شوي تسوي مساج للفروة
لتعطير الشعر
خلطه اعملها و احطها في الشاور
بعد ما اتحمم قبل لا اطلع اشطف شعري فيها والريحه تصير حلوة كتير
تاخذين علبة مي وتفضّين ربعها
تعبين الربع الباقي ماء ورد
احط نقطتين دهن عود – نقطتين خمرية شعر من القرشي – مسك ابيض سائل من القرشى اخر شي ارمي كسرة بخور او عود او دخون الي انتوا تسمونه
خلوها في الشاور وقبل لا استخدمها اخضها كويس واحط بس على اطراف شعري من تحت لانو اخاف يدهّن من فوق واخاف على فروة راسي تنعدم من العطور
لما تنشفون شعركم بالسشوار وتشمون الريحه ادعولي
" للضرورة فقـــــط "
حركه شوي غريبة بس بقول لكم عليها لانها تفك زنقة
لما نكون مستعجلين والا ورانا اختبار والا طب عليكم احد فجأه بالبيت وشعركم مدهّن
حطوا شوي بودره على جذور الشعر وحركوا كويس الين مايروح اللون الابيض وكذا تروح اللمعه
و فيه برضو dry shampoo نفس الفكره تبخين على جذور شعرك اللي تلمع
و لاتنسون تاخذون شاور اول ما ترجعون !
وأدعولنا بنات
ما قصرتوا ابدا
تسلمولي يارب دايما ولا عدمناكم
في حفظ الله ورعايته