بـــقايا أنســــــــان . 2024.

جيتك بقايا روح في هيكل انسان
جفت على درب الأماني دموعه
جيتك جروحٍ تنزف آلام واحزان
وقلبٍ من الفرقا همومه تلوعه
جيتك وفي يديني غصن ورد ذبلان
يبكي على حبٍ تهاوت شموعه
جيتك من الغربه مسافر من أوطان
ونفسي من الترحال صارت جزوعه
جيتك غريبٍ شتته لوعة ازمان
جار الزمن ضده وهشم ضلوعه
جيتك ورغم اللي حصل جيتك حصان
عزيز نفسٍ مارضى في خضوعه
خذ ذكرياتك حبنا اليوم خسران
حنا ظلمنا الحب بأول طلوعه
هاذي نهايتها جروحٍ وحرمان
ضاقت على قلبٍ ضنونه تروعه
يكفي ترى ماعدت انا اتحمل اشجان
يكفي من اللي صار نفسي قنوعه
بودعك قانع ولاني بندمان
مافات مات وصعب والله رجوعه

مما راق لي بقلمي

الله جزيك الخير و شاكر لك على موضوع
و المجهود رائع جدا و مفيد للجميع
و ننتظر المزيد

جميلة هي كلماتك و انتي تصفين
مشاعرك و اشواقك الى من تحبين
ارسلتها على جناحي حمامة بيضاء
غاليتي اسعد الله قلبك وجعل دروبك مليئة بارق واروع زهور الحب

Raw3a ……..

ويسلموووووووووووووو