حـــــــــــــال التماسيح في المدرسة 2024.

((في المدرسه))
/// يسحبونه للوكيل لان جا متأخر وفوت الطابور والتمارين وعقابا له يدور على المدرسه عشر مرات وبكذا تفوته الحصه الاولى ويمكن الثانيه تفوته لانه بيمشي دوره وياخذ بعدها غطة نوم
((الحصه الاولى ))
/// مسيكين في هالوقت جالس يمتر المدرسه ومكانه فاضي ومهجور وراء
((الحصه الثانيه ))
/// ان هداهم الله ودخلوه للفصل بيوقفه المدرس ويطلعه برا لانه ماحل الواجب

((الحصه الثالثه ))
/// نفس مصيره في الحصه الثاني الا ان كان المدرس مخفه وسامحه فهو بيجلس يسولف ويلعب بالنبيطه على الرايح والجاي
((في الفسحه))
/// يد فيها جالكسي ويد فيها بيبسي وبسرعه عشاان يلحق على المطاق
((مابعد الفسحه وبعض المدارس مابعد الفسحتين))
((الحصه الرابعه))
/// راسه على الطاوله ونااااااااااااايم

((الحصه الخامسه ومابعدها))
/// اختفى؟؟؟؟ لانه عط :مصطلح…عط / حاط رجله او بمعنى اخر منحاش
((الحصه الاخيره))
/// الله يصلحه الى الان مختفي

((الطلعه))
/// شهد الشهود على رؤيته يدخل الفصل ياخذ شنطته الفاضيه وهذا نادر لانه اغلب الاحيان ياخذها معه ويطلع من المدرسه بكبرها ويمكن يكلم اخوياه ويقول ::ياشباب اشوفكم العصر عند البقاله ناوي واحد وان راحت على نومه اشوفكم المغرب وجيبوا معكم الكوره
((في البيت وقت الظهر الى العصر))

/// في عاشر نومه

((العشاء ))
/// توه يفكر يدخل البيت وهو في قراراة نفسه انه راجع مبكر وسيدا على التلفزيون

((الساعه 12 من الليل))
/// مابعد فارق الشاشه وينتظر المطعم يوصل

((اما في ايام الامتحانات))
/// ساهر مع اخوياه بعذر انه بيذاكر مذاكره جماعيه ويرجع وهو ماقرا صفحه وحده والصفحه الاولى كلها الوان واقلام وسوالف

((حال البيت اثناء ازمة الامتحانات))
/// كأن عندهم عزيمه من الصجه والجه والهواش وكل مطلع حيله في الازعاج الظاهر مسوين مسابقه

((في المدرسه))
/// توه مفتح عيونه ويناظر الخلق ماسكين كتبهم هذا مهم لا هذا حاس انه بيجي وناطل اذنه يمكن يحصل معلومه

((في قاعة الامتحان))
/// اخر من استلم الورقه لا نه داخل متأخر او متعاند مع المراقب واول من سلمها وعيونه طايره في ورقة الي جنبه واللي قدامه

((قبل طلوع النتايج))
/// يمه وش هديتي ؟؟ الام بنشتري لك دباب وبلايستيشن ونسافر

((يوم الروعه النتايج:
/// يرجع البيت مرتاح لانه راسب وتقابله امه ::هاه ياوليدي بشر وين النتيجه الطالب ::ماعطوني اياها يومه

المدرس طابعة المدرسه خربانه وانت ناجح تقدير جيد جدا يالله عطوني الهديه وان شاء الله اخذ النتيجه بدايه العام الجاي ولا مو لازم كثر اوراق في البيت اهم شي اني ناجح وزززززززز طععععععع والله من الفقش ياولد … طبعا الام تصدق وتمشي العطله على تخطيطه ويسافرون ويفلونها

((المستقبل المشرق ))
/// التسدح في البيت كأنه نفاسيه وهو يقول لامه الحمد لله اني ماتعبت نفسي في الدراسه لان المستقبل واحد سواء اللي شاد حيله او اللي مزلب الوظايف للي عندهم واسطات او للاجانب….مصطلح / مزلب بمعنى مطنش