روحي شمعة ليل تذبل من تحب
واذا اكرهك الله يستر من وراية
وضلت بكيفك تكمل تنسحب <~
أتريد تعشكً راح تلكاني مﻼك
وحظن دافي وورد واﻷوان وعشب
وانت اذا رايد لعب اهﻶ تعال
هاي سهلة وحتى مابيها تعب
العبك والعب على العبو عليك
العلمك تلعب اعلمة على اللعب <~
اتريدني اسهل سهل وياي صير
اتريد تصعب راح تلكاني صعب
اتريد منعدي عشك انطي حنان
اتريد من عندي ذهب تنطي ذهب
اتريد من عندي وصل انطي وفاك
تريد تنطيني جذب تاخذ جذب <~
وﻻن واحد كًلبي واحد يبقى بي
اني ماعندي حبيبين بكًلب
اني مثل النار تنطيها تزيد
منها تاخذ راح من يمك تشب
عيني اذا مابيك تمليها حنان
راح من تروح ﻻجلك ماتصب
وباب كًلبي اذا متحني بديك
لو شلعت الباب متكدر تطب < ~
اتريد تكسرني صعب لين اصير<~
اتريد تعصرني تلكيني صلب
بكيفك اني اشلون ماريدني اصير
جاهز اني ومنتظر عند الطلب
الخشب نفسة اتريد تصنع بي خراب
اتريد كرسي ملك تصنع بالخشب <~
اني طبعي نخلة ويا كاع
اذا ماكو الماي ماتنطي رطب
وابد ﻻتستغرب <~
الحب لو عذاب هي رحمة
وﻻبسة اهدوم الغضب
الحب جرح لمن نداوي نحتوي
والجرح لمن نهجرة يلتهب
بالعشك كلشي اكو كلشي يصير
اكو بالغصبن واكو ﻻمو غصب
ﻻتستغرب ﻻجل التحبة تموت
بالعشك ماكو عجب
بس العجب ناس ماتت حتى التحبة يعيش
وناس عاشت ﻻجل التحبة يحب <~
بيوت عمرت بالعشكً صارت قصور
وبالعشك نفسة الف بيت انخرب
اثنين يعني الحب اذا ثالث يفوت
حرف ثالث فات يتحول حرب <~
المثل ماينظرب اذا عاشك اسير
المثل مرات بالحب ينظرب
مو شكو حب يستمر يعني صحيح
وموشكو حب ينتهي يعني نصب
اكو حب ينتهي بس ذكراه يعيش
واكو حب يستمر بس اسمة انشطب <~
سبب حبك اذا تلكاه ﻻتكول
احلى حب اذا تحب بﻼ سبب <~*
كلمات راقية جداً
راقت لي كثيراً
المتألقة مسك ابيض
شكراً لكِ ع هذا الاختيار الجميل جداً
فاانا اعشق
العراق
عاشت ايدج مسوكه بالمناسبه اسم الشاعر علي الفريداوي
تحياتي الج عيونتي
مرورك اسعرني