أحس إن " الأنا " تذبح وصعبه ذبّحتي هاللّون
انا مانيب من ناس(ن) تقول : إنّي على إنّـي
انا شاعر ولي طرقي وأسلوبي على قانـون
واحب اتفلّسف بحرفـي لأن الفلسفـه منّـي
وانا منها شربت اشيا كثيره من قبل يـدرون
شربت القاف من غيري واحبّه من صِغر سنّي
وكان الغير مايطرب على قافي انا الممنـون
اقدّر ذائقة غيري ولا افرض حـرف ياهنّـي
وفيه قلوب تحسدني وعلى هذي كذا يبطـون
لأن " الران " يعميهم وانا باني حِسن ظنّـي
وكلمة حقّ ابنطقها ولا أسكت على شمشـون
واذا جبّار في حرفـه انـا للحـقّ وذا لنّـي
ارمّزها على التهذيب وطبعاً غصب هيك تكون
واطيّر بوهة القاري يقول: حـروف يعمنّـي
وانا مانيب اشعرهم ولكن بالوسط مضمـون
وفيه ابداع من غيري على سلوى مع المَنّـي
لأني جِدّ متذوّق ومنصـف لاحمـد وحمـدون
واقدّر كل فنجـال(ن) يصبّـه شاعـره بِنّـي
واحبّ اشعار مختلفه وخاطر ذائقـه مفتـون
واذوق اشعار بالفصحى عناقيـد الأدب جَنّـي
واحبّ اشعار بالشعبي واموت بمفردة زيتون
حمامتها تغنّي لي سلام الحـرف مـن فنّـي
أجيب ابكار هالصوره وافضّ غشاءها بالهون
واخلّي صورة الثيّب على التكـرار مااغنّـي
حرام اني ألمّعها واصوّرها علـى الشّيفـون
قماش القاف يستوعب كذا الرسمات تزبنّـي
واذا هالحرف يعطيني فهو كلّه لجل مسكـون
واذا عاقل انا عاقـل واذا مجنـون يقطنّـي
وانا كلّي لجل جنّي يسولف عن أبن زيـدون
واذا للتغلبي عمروُ كـذا الأوضـاع تفتنّـي
افضّل وضع يستدرك خبايا "توت عنخ آمون"
وافكّ رموز تعويذه على تابـوت مـع جِنّـي
ونفرتيتي أدلّعها واقـول : الآنسـه خاتـون
واذا ايقنْت موت الحـبّ أوصّيهـا وتدفنّـي
واعاندها على "إلاّ" واطاوعها على "وشلون"
وافسّرها على قولت: انا بالعين وش كنّـي ؟
هنا ارمز واتحدّى واقول العين وسط عيـون
وننّ العين تاكلهـا علـى هقـوات يوذنّـي
واعلّمها بأن الكـون مايستوعـب المزيـون
ولكن داخلي يقدر على استيعـاب وتسكنّـي
وانا ساكن دواخلها وكلّي صاير(ن) مسجـون
عساها ماتفكّ اسـري واذا انفكّيـت مااثنّـي
وببقى دوم اتفلسف وانا بالفلسفـه مجنـون
وقاف الغير احترمه ولا أبني على " إنّـي "
@>>>… asoooola …<<<@
صباح عيونك الحلوه كذا صبحي اقول إغراء
صباح التوت بااوجانك كذا تتعمّـد إغرائـي
صباح إغراءك المفعم بشوق(ن) ينتهي إطراء
صباح التِيه في وسطك لأني ضعـت تلقائـي
وصباح التلّ مع قائي كذا هالفلسفـه إثـراء
صباح إثراءك الباذخ عطاني فلسفة " رائي "
واذا هالراء فيها روح اقـول لذمتـي إبـراء
مخارج حرفك بقـوّه بدايـة قمّـة إغوائـي
واذا إغواء من خاطر ضروري أتّخذ إجـراء
بديهـي ارضـخ لفتنـه لأنـك جِـدّ إفنائـي
كذا هالموت يقصدني وانا مااعطيه أيّ إعراء
أمررها على ذبحي واقـول الذبـح إروائـي
عشان آخذ عزايه منك ابنثر بالسـلام إقـراء
وتقريني سلامك انـت لأن المـوت إنهائـي
@>>>… asoooola …<<<@
من وقتها كلّي على بعضك يقول : ارتحت لك
وبحينها كلّـي يقـول انـك كـذا نبشتنـي
اشتقت لك اشتقت لك اشتقت لك اشتقـت لـك
وحشتنـي وحشتنـي وحشتنـي وحشتنـي
يعني كذا بالمفتشي لو لخبطه رضخـت لـك
والا القرائـن قائمـه لنّـك كـذا كفشتـنـي
إكفش كذا والا كذا إن جيتني أو رحـت لـك
يبقى كلانا في بعض والمُتكأ في ( اشتنـي )
يعني نبيها قافيه صرّحت لي ثـم بحـت لـك
والخافي اعظم لو على نظرة زعل رمشتنـي
انت الغلا في خاطري بكّيتني ثم صحـت لـك
وانت الرضا في مهجتي في موتتي قد عشتني
وانت الحياة اللي سرت في ذبحتي مابحت لك
تفسيرها يعني كذا انـك صحيـح انعشتنـي
إذبح غلا فدوة وفا وش لك عليّ ان نحت لك؟
صعب ارتوي وانته كذا لااشتقت لك عطشتني
يعني كذا اجتزتني وانـا بعـد نجحـت لـك
كنّ القلوب اتشابهت .. كنّك كـذا غششتنـي
لنّي على كل الورق فوق البحر سبحـت لـك
وانته على ذكرى غلا في راحتـك نقشتنـي
مااقوى أعاند هالزعل كل الرضا ذبحـت لـك
حتى ولو غِيرة نساء ابحتوي لـو طشتنـي
لنّك قسم في ناظري غير البنات وطحت لـك
طيحة شموخ لحضرتي وانته بيدّك حشتنـي
كلّه دلع من عاشقك وشلون اجل ارتحت لك ؟
لنّك كذا بالمختصر لااشتقـت لـك وحشتنـي
@>>>… asoooola …<<<@
توادعنا على فرقـا وانـا عاشـق وهـي أكثـر
دموع فراقنـا بانـت وكـل(ن) حاضـن الثانـي
الا يالله يـاربـي تصـبّـر قلبـهـا الأخـضـر
وانا تلهمني السلوى .. وتبقـى داخـل اركانـي
اعيش بحبّها فينـي واحسّـه مـن غـلا يكبـر
فـراق احبـاب مايمنـع نحفـظ الحـب ازمانـي
احسّ شموخهـا فينـي وهـي فالشـي ذا اخبـر
وهي ايضاً بعد تشمـخ بقلـب(ن) حبّهـا حانـي
على خطوات هالفرقا انـا صابـر وهـي اصبـر
نحـسّ فراقنـا يدمـع ولا نـدري مـن الجانـي
تفارقنا ورحنا بعيـد وطـاح اشيـاء مـن دفتـر
وكل(ن) لملـم اشيـاءه وقـال المـوت ينعانـي
عقب هذا تجـي ذكـرى وكـل(ن) يذكـر الابهـر
اهي تذكر .. وانا اذكر بنفـس الوقـت وامدانـي
إلى من جا مع المغـرب وقفنـا والشّفـق احمـر
تذكّرنا عبير اشجـان وكلمتهـا علـى لسانـي :
"" احبك موت ياعمري واعَشْقِك والهوى اغبر ""
كـذا كنّـي اردّدهـا وقـرص الشمـس ينهانـي
ولو يزجر انا مااهتّـم امـووت واذكـر الأعبـر:
الى من طاح قرص الشمس حضنّا بعض بالعانـي
وهي تذكر من انفاسـي يفـوح الهيـل ماأجمـر
وانا أذكر نِفَسْهَـا لـي يفـوح بريـح سلطانـي
الا ياحلـو هالذّكـرى علـى فنجـال بِـنّ اسمـر
بقى الفنجال مع بِنّـه وجـفّ البِـنّ مـن شانـي
بقت ذكرى علـى فنجـال وناقوسـه بـدا أحـذر
يـدق بـدون مايـدري يخـاف بيـوم ينسانـي
ولو ينسى انا ماانسى وهي ايضـا تبـي تجهـر:
احبـه مـوت ياعالـم وكنّـه حسبـت اخوانـي
وانا اذكر حنان(ن) في يديهـا لـو بكـى أسهـر
حـرام دمـوع تتعبهـا كـذا لابــد تنصـانـي
وهي تذكر وانا اذكر كثيـر اشيـاء قسـم تقهـر
جنـون الحـب وفراقـه ورب الكـون ابكـانـي
نحـس البعـد ياكلنـا ولانـدري مـن الافـقـر
فقير القرب ياحسـره يمـوت ويحضـن اوطانـي
وانا اذكـر وهـي تذكـر ونتلاقـى بعـد أكثـر
نحـسّ فراقنـا هـذا يقـرّب واحـد لثااااااانـي
@>>>… asoooola …<<<@
قالوا عشقت وقلت انا كل(ن) على عشقه سرى
قالوا غويت وقلت انا كـل الأوادم قـد غـوَو
غيّ المحبه لاابتدا كلن يعـرف اللـي جـرى
والعاشقين اليا بدوا يظهـر عليهـم مانـوَو
والعشق الاقشر لاابتدابك مايفكّر فـي كـرى
لنّ القلوب إبها مشاعر فاضحه مهمـا طـوَو
حيّ الفضيحه في قليب اليا اشتهى كلن قـرا
كل الهواويّـه كـذا بايـن عليهـم ماحـوَو
حتى انا مااقدر على كتـم المحبـه فـي ذرى
وضح النقا يرفع علم يفضح جميع اللي هـوَو
يالله دخيلك من فضايح عاشق(ن) كلـن درى
واللي دروا غصب(ن) عليهم في مشاعرنا أوَو
واللي أوى حنّ وعَرَف صعبه نقول انه زرى
لنّه شرب من كاسِنا ضمن الذياب اللي عـوَو
واللي قَنَب فرقى حزن ماظنتـي إنّـه بـرى
واللي بروا مااخلصوا في هالمشاعر لو قـوَو
لكن انا كلّي وفـا قلبـي وأعرفـه لاشـرى
حفظ المشاعر مهنتي مثلي كثير(ن) مـاروَو
واللي شرب شفّة غلا صعبه يحـدد ماطـرى
لنّ الحابيب بِعدهم جمرة غضـى فيهـا كـوَو
إلا الفراق اليا حصل ينبت حزن في هالثـرى
يبدا حنين(ن) صابهم لاارقابهم عمـداً لـوَو
لكن انا عندي سؤال ويبتدي ياهـل تـرى ؟
لازلت انا في داخلك والا كما ناس(ن) ثـوَو ؟
@>>>… asoooola …<<<@