أنا حـجـــانى وأبـن جبـــــال ودمى حر دم غزال
كلمه حلــوه بترضينى والوحشه بتغير فى الحال
أن عجبك كلامى أجراه وجول الله
وأن ما عجبش يبجى تكالى على الله
نزلت البندر يا سلام يا أولاد
شفت المترو وشفت كتير حاجات وحاجات
والعربيات يا بووووى تجول ألوفات
شفت بنته وستات ما شين تلاتات
ودونى ملاهى بيجولوا عليها من غير مراجيح دوخت هُناك
فينك يا بووووى
وانت تجولى بطل لعب ياواد فى حته جبلايه
حدايا حبل عامله أطلطح فيه
يشكر صاحبى اللى ورانى الدنيا كمان
أتارينى غلبان
لا جال وعامل نفسى أبو العريف
جاتنى عزومه من صاحبى أياه
دخلت حداهم تجول خواجات
جابوا الأكل شىء وشويات
حلفوا يمين لازم أدوجه جلت ياواد اللى أختشى مات
شفت الشوكه واسكينه ماخبرش أزاى آكل بيهم
جلت ياناس أنا شبعان ومالياش نفس
جالوا لا ممكن لازم تاكل
جلت الحج
ما أخبرش آكل بالآلات
ربى أدانى شوكه فى يدى طول العمر باكل بيها
ضحكوا كتير وجالوا أصيل
جلت يمكن بكره أتغير شويه شويه أبجر أمير
بس يا بوى على البندر
( أتمنى أن تنول أعجابكم ده شىء فى الخاطر حرك القلم )