لانها للاسف لا تحكى الا عن الواقع المر
الشاعر
عبد الحميد بدوى
نفسى ألاقى
حاجة فيكى يا بلد تتحب
مش لاقى
أنا المدبوح فى حبك
مع أنى مش لاقى
هو أنتى عملالى عمل
ولا سحرلى
طاب ليه دايما يابلد
ساكنه فى
عقلى وقلبى وبالى
نفسى أكرهك
لانك بصراحة ما تتحبيش
نفسى أسيبك
لانك بصراحة متتعشريش
نفسى أدفنك بالحيا
زى ما دفنتينى علشان أعيش
هو أنا أبنك ولا أبن حرام
ليه يا بلد قتلانى
وكل أما اطلب حقى
يقولوا مافيش
عمرى راح فى حبك
ملعون اللى يحبك وما يلقيش
هو أنتى اية يا بلد ما بتفهميش
هو أنتى أية ما بتسمعيش
صوت عيالك فى الميدان
أعلى من صوت الاذان
هو انتى ليه دايما سايقة
الهبل على الشيطنة
وكأنك مفيش
هو أنتى لية دايما متخدرة
وكأنك شربة حشيش
أمتى هتفوقى لنفسك
على طول مدا ايدكى
للى يسوى وما يساويش
لحد أمتى هتفضلى عايشة
على المعونات والبقشيش
عيالك يغيروا العالم
أنتى لية ما بتتغيريش ؟؟؟؟؟؟؟؟؟؟؟
لا تكونى عمية يا بلد ومابتشفيش؟؟؟؟؟؟؟؟؟؟
عملنا ثورة حركت الكون
وأنتى لسه ما تحركتيش ؟؟؟؟؟؟؟؟؟؟؟؟؟
يا تكونى زى ما أحنا عايزين
يا ماتكونيش
مش هنفضلوا منك محرمين
وغيرنا بيهبش تهبيش
تعبت منك يا بلد وتعبتى منى
وحياتنا كلها تلطيش فى تلطيش
أنا كل اللى انا عايزه يا بلد
أنى أعيش
الشاعر
عبد الحميد بدوى
سلمت ذائقتك ياانيق
ينقل للانسب
شراء فستان العرس
المحارب الروماني
جاتنى حاله من السعال
من اللى بيجرى ف الميدان
واللى بيحصل واللى كان
من يوم25 شايلين الطين
ماهو اعلامنا اصله مليان ضلال
كلام ف كلام
حرام وحلال كبير ويخض
افساد حياه سياسيه
دساتير وبرلمان
كتل واحزاب كتير
دة حتى الدين قسموه اتنين
اخوان مسلمين وسلفين
*********
الكل بيعوى والقافله واقفه
كنا بنسمع
الكل بيعوى والقافله تسير
لكن بعد الثوره
الكل بيعوى ماهو احزاب كتير
ايام مبارك بالامؤاخذه ساكتين
شايلين لامؤاخذه فوق راسنا وساكتين
راضين راضين
مش راضين برضوا راضين
ولما الفساد يرحل ونتحرر
والدنيا تضحك من تانى
واقلامنا تكتب
نكتب كلام يودى مصر ف حديد
ويعاود لينا استعمار جديد
استعمار فكر وعقول
*****
انا هقول بس ياريت ماتقولوش مسطول
احنا شعب فينا صفات من العبيد
يجى 90 % ويزيد
نقول ونعيد
ومافيش جديد
******
يار يت اكون مسطول
وماكونش واحد من العبيد
المسطول ليه يوم ويفوق
لكن العبيد منين يجيبوا اصل جديد
محمد رجب
اهداء الى /عبد الحميد