ههههههههههه بقولكم قصه
قبل السالفه بس والله مابطول > ياااااسمجك هات …
مره كنت ادور بشوارع البطحاء انا وواحد من اخوياي
وقفنا عند إشاره مرت علينا كرتونيه مدري كترونيه لالا ايه تكرونيه
الله يرجك ياحسوس هذه كلمتك المهم
قالت السلامو عليكم كيف حالكم ياشبابين تقولي انا وسلطان خويي
وربي فطسسست ضحك وعطيتها ريالي حق الحمضيات
على هالضحكه< قبل مايرفعونه التسلاااااااب
> ترآآ الولد إستغلالي اللي يضحكه بريال ,, نيهاهاهاهاهاها
نطمر بالموضوع
اوووووووووه بدري ياجحلط
—————————–
تعرفون الواحد في فتره المراهقه يبي ينحرف باللي هي به
عاد هذا انا في بداية مشواري حاولت انحرف من كل جهه اسمع بالدشره
تتن تفحيط سفريات ………..الخ
كل شي خراب ادوره واجربه
الا البنات عجزت اجيبهن..ماش غازلت يمين يسار ماعرفت
رحت للعليا وكل ماشفت لي وحده اشرت لها بذا الجوال
بس ماش
كل الظروف كانت ضدي <البلا من وجهك
مره كنت ادور حول مجمع مدارس اهليه ولقيت ذاك الجمس
اللي فيه ثلاث بنات يدورون معنا
مقصدهم شريف هالبنات هم يحترون اختهم تطلع من المدرسه
بس للاسف كانو يدورون في مكان كله شباب
تجمعو عليهم هالشباب ..وانا كنت اعرف اغلبهم..
وكنت من اللي تجمعو المهم اني يوم وقفت جنبهم
فتحت الدريشه وحده
وقالت الله يرحم والديك فكنا منهم
عاد بيني وبينكم لو قالت اذبحهم يمكن اصدمهم المهم
اني أشرت للشباب وقلت انهم تبعي وراحو كل ابوهم
طبعا فيه ناس راحو خوف لان قلت بأعلى صوتي
كل اللي في الشارع اعرفهم دشير وماله داعي ينجلدوا <ياقوي إنت
وفيه ناس راحو من تقديرهم لي.
وبعدها جلست تقول كلام حلو مثل يازينك وياحلوك
ويعطيك العافيه وانت بطل وشجاع
تشققت انا في ذيك اللحظه.
عاد قلت لها دوتس هذا جوالي ان جو مره ثانيه الشباب علميني
اجي العن خامسهم لك <يبيها تكلمه القروي
والله واجلس اسبوع متحضن هالجوال احتريها تدق ماش
انوم وهو في يدي حالتي حاله.
ويجي ذاك اليوم تقريبا على وقت المغرب الا وتدق
وتقعد تسولف وتقول من هالكلام الزين وانا ماعرف وش اقول
انواع اللخبطه.
اقول لها شفتي بدر عوض* اليوم فحط تفحيط حلو مااااراااا < اعنبو تعبيرك ياشيخ
((بدر عوض كان في هذاك الوقت مشهور ويفحط في كل مكان ومايعرفه الا الدشير))
عاد سوالفها كلها زي كذا
((وحده صديقتي اليوم راحت للكوفيره وقصت قصه تجنن ودي اسوي مثلها ))
المهم اني جلست اسالها اقول لها وش رايتس فيني هههههههههههههههههههه والله من الهبال
عاد قامت تمدحني وتقول كلام قسم بالله غطيت على الملك فهد ذاك الوقت.
جلست معي تقريبا اسبوع وهي انواع المكالمات ..وانفصل جوالي وسحبت عليها
وصرت اشوفها تجي للمدرسه وكل ماشفتها انحاش
اخاف تقول وش هالطفران
—————-
بعد هالسالفه بشهرين تقريبا
كنت ماشي في شارع العليا الا ويجي جنبي ذاك الجمس
اللي فيه ذا البنات اللي يخلون الواحد يسعبل
عيون ولثام وشي عظيم ماودك الا انك توقف السياره وتنزل معهم..
المهم اني يوم شفتهم وانا اللي أأشر لهم بذا الجوال المخيس
..الا وتاشر لي تقول افتح الدريشه
وانا اللي اهز لكم الخصر من الفرحه وانا جالس تسني فيفي عبده..
وافتح لها الدريشه
واسمع الضحك والهبال
تقول اللي عند الدريشه
::وش تبي تاشر بالجوال
انا::اقول تبين الرقم ولا لا <اخونا في الله داشر تسلاب ومايعرف للغزل ولا يعرف شي
قالت:ايه هاته بسرعه .<مدري الظاهر سيارتي من جوا ضلام وماشافت الخشه زين
قلت::وش تبين به < لاتنصدمون طبيعي واحد مايعرف في هالامور ومتلخبط بس بعده غبي
قالت:: ضف وجهك
والله وانا اللي تسود الدنيا في وجهي وابي اعرف ليش قالت ضف وجهك
واقعد اهوجس واسولف مع نفسي تقل خبل.
ياولد انا شكلي شين لهالدرجه يوم انها تقول ضف وجهك؟؟
لا لا انا زين لو انها ماشافت الزين مافتحت الدريشه<يلعب على نفسه
الا شكلي قلت لها شي زعلها <والله من الفهاوه
المهم انواع الهواجيس لين وصلت البيت ورقدت
ذيك الليله احلم بها وقمت من النوم وانا اهوجس بها.
***********
ويجي بعدها بكم يوم الا ويدق علي واحد من الربع
يقال له ((مشاري)) ويعزمني ورحت له<ماينعزم
عاد يوم جيته لقيت عنده الشباب والفله وسعة الصدر
اللي يلعب ورقه واللي يلعب بلايستشن واللي يسولف
واللي قرر يسافر ويحرج على هالسفريه من يخاويني ..؟
عاد يوم راحو الشباب مابقى الا انا وقلت يالله تبي شي يامشاري
قال والله ماتروح اجلس اسهر عندي مافيني النوم
وانا داشر ماوراي شغله قلت براسك<قايل لكم ماينعطى وجهه
المهم وانا اللي انطق عنده مادريت الا ويرن جواله وكان جنبي جواله
وهو عند التلفزيون يزينه
قال لي شف من هو قلت مكتوب جعفر بن ابي زياد
قال ايه رد هذي خويتي < اعنبوك خويتك مسميها جعفر بن ابي زياد ماتعرف تسوي تمويه انت
والله وارد ..ويطلع لي ذاك الصوت اللي يطير العقل..
وامد رجيلاتي وانسدح
واطقها سوالف معها <جحد خويه قليل الخاتمه
المهم وانا اسولف قلت ورى ماتعرفيني على بنت عمك أمنية حياتي
اقول احبك لوحده
قالت ابد بقول لها ولا يهمك ياحلو..
دارت الايام الا وتدق بنت عمها واجلس ابربر عليها ماخليتها تتكلم
واسوي نفسي رومنسي وانا من جنبها
واخربها واقول لها تراني احبك حب مهوب صاحي<يلعن مخه ماكملت خمس دقايق مكلمتك
المهم حسيت ان مالي داعي عاد خويي مشاري موصيني
يقول اثقل اثقل لاتصير خبل
بس وش اسوي ماعرفت
المهم وتجلس معي اسبوعين تقريبا ويوميا مكالمات
وفصلو جوالي ورحت سددته لعيونها بعت سروال السنه علشان اسدد
عاد يوم جلست احسبها قلت ياولد ببيع ابوي بكره لاجلست معي اسبوع زياده
مير تدري خل اشوف هالبنت تستاهل من يكلمها ولا لا
اذا صارت تستاهل وزينه بعت ابوي واخواني معه في حراج بن قاسم
المهم واجي ذاك اليوم قلت اسمعي ياقلبي انا رجال ماحب هالامور
وماحب اكلم احد كل هالفتره وانا ماشفته
قلت انا ابي اشوفك اذا انتي زينه وتستاهلين ابكلمتس اما اذا شينه معليش <اسلوب دشير
قالت البنت ابد عادي نتقابل ماعندي مانع
ومن هنا لهنا اتفقنا نتقابل يوم الثلاثاء في مطعم علشان مايصير فيه زحمه
المهم انه في شارع التحليه واقعد لي يومين نايم عند الحلاق
كل شوي اقول له سو صنفره كودني اصير زين
المهم جا اليوم الموعود ويوم النكسه العالميه
واجيكم مدرعم راسي
يوم وصلت المطعم طبعا انا انتفض مدري وش اسوي
اهوجس في الهيئه شوي واهوجس في البنت اقول لاتصير شينه<مافكر ابد بشكله المملوح
المهم وادخل المطعم وانا ماسك الجوال توصف لي
لين وصلت للمكان المنشود
لقيتها هي ومعها بنت عمها
واشوف لكم شي ماعمري شفته في حياتي..شفت شي ياعالم مدري وشلون اوصفه
يلعن ابو الزين اللي فيها ..<باغي يتفل عليها ويقول ماشاء الله بس خفت تلعن جدفي
المهم يوم جلست مادريت الا البنتين قامو يتهامسون ودي اقرب اسمع وش يقولون
شوي قالت خويتي المزيونه
قالت :اللحين انت <وتاشر من فوق لتحت
تقول لي انا لازم اشوفك يمكن تطلعين شينه ….
ماشفت وجهك القبيح اعنبو وجهك خايف تصرف مكالمات يالبخيل
انا احمد الله اني شفتك علشان اسحب على وجهك الشين
كل هذا وانا منصدم
وهي تتكلم وتبربر وتهزء
اخرتها انفجرت
وقمت <شوفوا الفاااشل جالسه تهزءه وهو جالس يسمع
يوم قمت قلت اوووووص يالتسسسسسسسسسلبه انتي ووجهتس
لو المطعم مافيه احد كان جلدتها جلد
< بغى يسوي زي نكته العبده اللي قالت اهم شي الاخلاق
والله بعد مالعنت واجيكم طالع من المطعم مطئطء الرأس
واروح ادور في هالشوارع ماعاد ادري وين اروح
المهم وادق عليها فيني حره
وترد اول ماردت
هي:لك وجهه بعد تدق ماتستحي انت
وتجلس تتكلم وتسب وتلعني وانا اللي داق ابي العن وماعطتني فرصه
واقفل في وجهها من القهر
واروح لبيتنا وانسدح عند اميمتي واشكي لها الحال
اقول لها يمه انا ليه شين ..؟؟
هههههههههه استغفر الله عاد تمدحني امي
واقول لا يمه يقولون القرد في عين امه غزال <متحطم المسيكين
وهنا خلصت الحتوته
مايستفاد منه :
1/ اذا كنت شين حسك تسوي فيها حليو وتروح تبصص ورا بنات الخلق
2/ إنتبه تبيع اي شي لجل تسدد الفاتوره < ماخلا شي ماباعه
3/ ترآآ كل هالسالفه لاتمد بصله ولا كراااث بالحقيقه
وبعدين ترآآ انا زيين وأهبل وكل الــ …واللي يعافيك اطلع برآآآآآآآ
يالبـــــــــــــــــــــــــــــــــــــآكم ياغااالين
الله الله بالردود
متفـــــــــــــــــــــــــــــــــــول << يعني منقول
يسلمووو خيتووو
روووووعـــــــه