وهي عن حالنا بالمدرسه وبعد ما نتخرج شلون يصير
وجد ما في احلى من ايام المدرسه
وحشتني شوفة احبابي وربعي والغلا مستور
اخبي عبرتي لامن ذمرت بيوم جمعتنا
تغير قولنا ابله وصرنا نقول يادكتور
نقول القاعه يادنيا زمان نقول حصتنا
جلست بداخل القاعه وذكرت ايامنا بالدور
وضحكن كان يحوينا ولاتكفي شطانتنا
نزعل بعضنا احيان ولكن مانعرف نجور
ونرجع من بعد زعله ترجعنا صداقتنا
نحاتي بعضنا دايم ويعجبنا رجل مشهور
سوالفنا عن الموضه وعن الحب وعلاقتنا
وهذا اليوم قد صارت سنه راحت معاها شهور
افكر كيف هالدنيا خذت منا وناستنا
انا مابين اغراب وسط قاعه مع دكتور
احاول امسك العبره وانا اذكر كل حكايتنا
سمعت اغنيه جابت من اقصاها بقايا شعور
يغنيها (علي محمد) وهي (عيال حارتنا)
رجا فيها ألا ليت الزمان يرجع ورى والزمان يدور
ويرجع وقتنا الأول وننعم في بساطتنا
وانا رديت في بيتن من الخافق المكسور
اضحي بالعمر كله لجل ساعه بجلستنا
وابيع الناس والعالم ومستقبل وراه قبور
وكل راح يمشي له طريق يقول قصتنا
ظلام دامس وموحش وانادي في الخفا يانور
ابي ربعن ليامن طحت اعرف شلون قيمتنا
بسلطه في فرح دايم وغلا صادق وله سرور
نخطط كيف بالكذبه نضيعها دراستنا
تخرجنا نعم ادري وكلن داخله مقهور
فرح لكن مع الفرحه دموع تضم حفلتنا
بكينا والبكي فينا ولا لحظه ابد مهجور
دموعن حرفها صادق وتعرف كيف وحشتنا
تعرفنا على ناس جديده والغلا مستور
ولا احدن يوصل لحبن جمعنا وسط مدرستنا
لي؟
لأن السبب:
ما حدا بحب المدرسة ههه
شكرا لك
اسمح لي ابدي اعجابي بقلمك وتميزك واسلوبك الراقي وتالقك