السلام عليكم ورحمة الله وبركاته
أمل ان تحوز على رضاكم
البارحه عيني عـن النـوم كفّـت
ولا عاد لـي بالنـوم راده وشفّـا
ودموع عيني فوق الاوجان جفّـت
والصبـر خلانـي لحالـي وقفّـت
لا شك رجـلي بالمشـاوير حفّـت
وكـل السعد نوره عن العيـن طفّـا
وهموم قلبي بالحشـا يـوم لفّـت
عليّ قمت اضرب على الكف كفّا
على هنوفٍ يوم راحـت وقفّـت
اصبحت مثل اللي عشيره توفّـى
ابـو عيـونٍ يـوم قامـت تلفّـت
ريمٍ عـن الصيـاد قامـت تخفّـا
وابو ثمـانٍ بالجمـال استصفّـت
ومثل العسل ريقه طبيعي مصفّـا
فازت على كل البني يوم صفّـت
وحبر القلم عن وصفها غصب جفّا
محـدٍ يجاريهـا وبالزيـن وفّـت
وانا اشهـد انـه يالغناديـر وفّـا
ورجلي على دربه يالاجواد هفّت
ومن شافني يضحك يقول استخفّـا
ياليتهـم قالـوا تراهـا تـوفّـت
وارتاح من همٍ على القلـب لفّـا
ولـي طيـورٍ بالجناحيـن رفّـت
دامـك علـى داره ترفيـن رفّـا
قولي همومي مـن غيابـه تقفّـت
وقولي تـرى جـرحي ليا شيف خفّا
وقولي شموع الحب والشوق طفّت
وقولي ترى ما صابني منـه كفّـا
يعافيك ربي على القصيده..
تسلم ويسلم أبداعك..
مبدع بقلمك..
لا عدمناك..
نـــــــوف…
لكــ وديــ
المبدع عبدالرحمن
ابيات في غاية الجمال والروعه
تقبل مروري
دمت بحفظ الكريم ورعايته ………..