دمـع تهـادى علـى جفـنـي وأنــا غـافـي
سـتـرت دمـعـي بكـمـي قـبـل يغريـنـي
وأخـذت هـذا الجسـد مـن بـاقـي لحـافـي
وسـريـت تـايـه ورى خـطـوات رجليـنـي
لا الوجه وجهـي ولا أوصافـي هـي أوصافـي
أمـشـي وأقــول لطـريـقـي لاتـوديـنـي
لعيـون نـاس تبـي تـدري عــن الخـافـي
أمانـتـك .. خـلـهـا مابـيـنـك وبـيـنـي
خابـرك يالـدرب خــوة عـمـر وسنـافـي
مــاودي الـنـاس تـــدري وش يبكـيـنـي
كـرامـة النـفـس ورث أبــوي وأسـلافــي
أمشـي وأحـس الخنـاجـر فــي شراييـنـي
والـبـرد يمـشـي وراي وينـهـش أطـرافـي
وحـيــد والـلـيـل بـردونــه يغطـيـنـي
تـقـول كــن البـلـد روح بـهـا السـافـي
إليـن ماأوحـيـت لــي صــوت يناديـنـي
صـوت أعرفـه مثـل مـا أجهـل وش خلافـي
قـمـت أتلـفـت وأنـــادي … لاتخلـيـنـي
ماغيـره الصـوت .. هـذا صـوتـه الـدافـي
ولمحـت زولـه مـن أقصـى الـدرب لافينـي
مـدري وش أقـول لكـن حـي هــا الـلافـي
تعـال .. شـف غيبتـك كيـف أثـرت فيـنـي
تعـال .. شفنـي وأنـا أغـرق عقـب مجدافـي
تعـال.. خذنـي ورحـبـي مــن عناويـنـي
تعبـت أعـدي علـى جمـرك وأنــا حـافـي
تعـال وإقطـف بصـوتـك زهــرة سنيـنـي
كــل المواعـيـد عقـبـك شمعـهـا طـافـي
تـعـال وإزرع خـصـل شـعـرك بكفيـنـي
بضمـهـا لـيـن أحــس بليـلـك الظـافـي
تعـال وش فيـك خايـف ؟ أنـت ناسيـنـي ؟
قطعـت صـوتـي علـيـك وطــال ميقـافـي
حتـى بديـت أشـعـر إن الـحـب معميـنـي
وإن أنـت حلـم عثـى فينـي وأنــا غـافـي
لكـن أمانـه تـرى الـلـي فيـنـي كافيـنـي
إن رحـت منـك كــذا مـارحـت متعـافـي
بـصّـدق الحـلـم وأحــذر لا تصحـيـنـي
فـي خاطـري كلمتـيـن وإن قلتـهـا كـافـي
أمانـة الله عليـك إن غـبـت عــن عيـنـي
لا يكـون قلبـك مثـل قلـب الـزمـن جـافـي
مـع كـل دمـعـه تـذكـر رعـشـة يديـنـي
ومـع كـل ضحكـه تـذكـر قلـبـي الـوافـي
دمـع تهـادى علـى جفـنـي وأنــا غـافـي
سـتـرت دمـعـي بكـمـي قـبـل يغريـنـي
وأخـذت هـذا الجسـد مـن بـاقـي لحـافـي
وسـريـت تـايـه ورى خـطـوات رجليـنـي
لا الوجه وجهـي ولا أوصافـي هـي أوصافـي
أمـشـي وأقــول لطـريـقـي لاتـوديـنـي
لعيـون نـاس تبـي تـدري عــن الخـافـي
أمانـتـك .. خـلـهـا مابـيـنـك وبـيـنـي
خابـرك يالـدرب خــوة عـمـر وسنـافـي ………الخ
مشكوووووووووورة يالغالي وننتظر جديدك
ودمت بود
تحياتي لك