لان ماكو بجمالك ورارقى منك
انا بيدي اسجلك ورقمنك
و اكتب لافتة محجوز الية
===============
الك نجمة وسط كلبي علم دار
تضل انت دومك علم علدار
غلاتك تسوة ميماتي وعلم دار
والسكندر يقدملك تحية
===============
سكر عسل كل من ضاك نفسك
أكوغيرك حلو بس ماكو نفسك
تمنيت ياحبيبي تبوس نفسك
بس بداخلك تنويهه أليه
===============
اريد امشي لحبيبي بليل عناي
واسالة بياسبب زعلان عناي
اريد اشرح غرامي بحزن عالناي
بلكت ينكسر كلبة علية
===============
بفراكك جمر ابجي ونيران
يهل وجهك يشع رحمة ونيران
تمنيت العراق انت وانيران
وحدودك دوم فتحهن عليه
===============
وحق من وصه يونس بالرساله
حرت شكتب شكولن بالرساله
لو اني الكب يوصل بالرساله
ادز اليوم لل يسئل عليه
===============
اسمك شعر وبكلبي ارد بي
وخدك مشتل وخضر ورد بي
طريق المدرسة رايح وارد بي
حتى بس اشوفك هاي هية
===============
أهـلاً و سـهـلاً بـكـ بـيـنـنـا ،،
أخـي الـرجـاء الاطّـلاع عـلـى قـوانـيـن الـقـسـم و الالـتـزام بـهـا ،،
لا يـحـق لكـ ادراج أكـثـر مـن مـوضـوعـيـن فـي نـفـس الـيـوم ،،
لِـذا مُـضـطـرةٌ أنـا لاغـلاق مـوضـوعـكـ و يُـفـتـح بـعـد 48 سـاعـة مـن اغـلاقـه ،،
تـحـيّـاتـي ،،