صباحكم مسائكم عسل
كيفكم ..!
هذا رواايتي لاولى كنت كاتبها في ملف ورد وحبيت انقل ماكتبت اليكم اا
ولاتحرموني بردودكم
بقلمي: ~meshoo~
اتمنى منكم بكل صراحه
انتقاداتكم,,,, ارائكم .,,, توقعاتكم..!
مدخل..{
انت العزيز انت
انت المهم انت
انت اغلى ناسي كلهم
قلبي واحساسي معاك
لا تظن قلبي عندهم
مشيت في كل الدروب
ومرت على قلبي قلوب
بس انكتب اني اذوب
واختارك انت بينهم
اخذتني مني اليك
حببتني بجنون فيك
الله عليك الله عليك
اشرقت وغابت شمسهم
المقدمه :
سعود: بطل الرواية عمره 25 سنه موظف في شركة الاتصالات
رومنسيي
ابو سعود: والد سعود كبير بسن متقاعد
خالد: صديق سعود المقرب عمره 25 سنه
شهد: بطلة الرواية عمرها 20 سنه طالبة جامعيه
رومنسيه خجووله جدا
طلال: صديق سعود اغلب الاوقات معاه عمره 28 سنه
روان: اخت شهد << النذله هع عمرها 23 سنه
وجدان: صديقة سعود المقربه اليه << يعرفها من زمان يعني عشرت عمر بينها وبين
عمرها 22 سنه
اعذروني في باقي اسماء شخصيات لم اذكرها….
الجزء الاول..{
في يوم من الايام على شروق الشمس صباح يوم السبت
كان اول يوم له في الدوام
قام سعود من نومه بعد عناء طويل من الازعجات والمنبهات عشان يقوم لدوامه
((لرجال متعود على العطاله لن له فتره جالس عاطل وتعود على العطاله))
اخينا في الله شاف الساعه 5.30 قال بنوم لي نص ساعه وبقوم << هذا عادتنا دايم هع
الى على جيت ابو سعود ويكسر باب الغرفه بعصاه وصوته يسمعه اخر الشارع
ابو سعود : سعود دوامك قم قامت عصبك انشاء الله خلصو صلاة الفجر وانت ماصليت لابارك الله بعمرك
سعودبريحت الخياس والسعابيل مليه ام الدنيا وحالته حاله ويتكلم مع خشمه
سعود: هلا يبى والله صليت الفجر
ابو سعود : وين بس صليتها يالسذوب قم لا اقوم اكسر عصاي عليك قم صلى الفجر
ورح لدوامك لاتتاخر هذا اول يوم لك اجل وشولن اخر يوم لك
سعود:انشاء الله بس ابوي توني الساعه 5.30 تبغاني اروح من الحين
ابوسعود: لاتروح من الحين على لااقل قم صل الفجر وفطر معنا وتنشط شوي ورح لدوامك
سعود: ايه انشاء الله من عيوني
ابو سعود المسيكين راح وصدقه .. وسعود كمل نومته ودخل في سابع نومه
وشوي الى سعود يقوم فجائه ويناظر ساعت الجدار الى الساعه 9 (صباحا)
الى الرجال فزع وقام ومن الخمه مايدري وش يسوي
سعود: ياربي تاخرت على دوامي ياربي تاخرت على دوامي << رحمته
مابقى الى شوي وبصييح مايدري وش بسوي خلاص بيفصلونه لان اول يوم يدوام ويتاخر اكيد بيفصلونه والرجال ماصدق على الله توظف بعد عناء طويل
وشوي يدق جواله وهو رافع الجوال متضايق ويناظر الساعه 6.20 (( صباحا))
توه يتذكر ان ساعة الجدار معلقه على الساعه 9 مادري وش المعنى منها ههه
المتصل وجدان..{
وجدان: سلام يادب يالله قم لدوامك لاتتاخر
سعود: هلا هلا والله دقتك فيه الخير يالبى قلبك قسم بالله انتي اطلز وحده
: هههه ادري انا كلي وجهي خير بس ليه ؟
سعود: سالفه طويله بالمختصر اول ماصحيت من نومي ناظرة ساعة الجدار 9 (( صباحا)) انا انصدمت قلت الحين بروح فيها وطي لاني تاخرت مره ماعرفت اتصرف
وعلى دقتك شفت ساعت الجوال
وجدان: ههههههههههه<< البنت فاطسه ضحك الله يقطع بليسك والله ماتنلام
يالله قم غسل وجهك وخذ لك صامويل وحط في جيبك اليسار وجيبك اليمين حط فيه عصير وخذ فسحتك ههه امذح يالله قم افطر ورح لدوامك
وجدان : هههه طيب من عيوني
سعود قام من الحماس وفرحان رح حب راس ابوه وامه وصبح لهم بالخير
ابوسعود زعلان من سعود عشانه ماقام صلى للفجر وعانده
سعود: صباح الخير يااحلى ام وابو في الدنيا
ام سعود : صباح الخير ياولدي
ابو سعود: وبدون نفس صباح الخير
سعود : بابي لايكون زعلان مني انا اسف انشاء الله ماتعودها بس لاتزعل مني
ابو سعود المسيكين قلبه رهيف حبيب يزعل بسرعه ويرضى بسرعه
ابو سعود: لا يولدي مازعل منك انت الغالي ومارضى عليك بشي
بس ياولدي الزم ماعليك صلاتك اهم شي صلاتك لاجى يوم الحساب ماينفعك الى عملك وصلاتك
سعود: جزاك الف خير يابوي لا توصي حريص ابشر من عيوني
الولد سلم على ابوه وحب راس امه وبوه
سعود : ييالله انا رايح لدوامي تامروني بشي
ابو سعود وام سعود: لاسلامتك وانتبه لنفسك وانتبه لطريقك .. الخ <<نصايحهم كثيره
طلع سعود وراح لدوامه ..}
نطلع من جو سعود نروح لشهد..{
شهوده بنوته دلوعه نومه مثل نسمة الهوا نومه كله دلع في دلع
كانه فراشه في احد الزهور
رن المنبه قامت من نومه العسوله
جات امها بتصحيها
ام شهوده : شوشو يالله قومي حبيبتي من النوم وراك جامعه
شهوده: انشاء مامي انا قمت من نومي
ام شهوده : خلاص على بال ماتغسلي وجهك وتلبسي الى قدني مجهزه الفطور
شهوده : تسلم ايدياتك يامامي
قامت الفراشه ترف رف وتروح تغسل وجهك الجميل وتنظف اسنانه
وكالعاده تقابل اختها ويتماحون في ذا الصبحيه
ام شهوده: يالله حبايبي تعالو الفطور جهز
شهوده راحت لصالة الطعام وحبت راس امها
شهوده : صباح الخير يامامي
روان : صباح الخير يامامي
ام شهوده: صباح النور ياحبيابي.. يالله سمو بسم بالله
افطرت شهوده وخلصت الحلوه فطورها وودعت اختها وامها عشان بتروح للجامعه
شهد: يالله مامي روان تبون شي؟
روان: ايه… ضفي وجهك هع هع هع
ام شهوده : لاحبيبتي مابي الى سلامتك وانتبهي لحالك
..شهود طلعت من بيتهم رايحه للجامعه … ركبت السياره
وطلعت جوالها على اساس انها بتدق على صاحبتها
بس للاسف في مشكله في الشبكه
وهي مو فاضيه تدق على الشركه… فقالت لين اطلع من الجامعه
وصلت جامعتها ودخلت الجامعه
نطلع من جو شهوده نرجع لجو سعود
سعود وهو بطريقه رايح لدوام
مابقى احد من اخويائه ما دق عليه المسكين فراحان بعد عناء طويل توضف
ومابقى احد مابشره
سعود وصل دوامه والمسكين تسمع دقات قلبه طربق طربق من التوتر… لانه اول مره يتوظف
وقبل ماينزل طيب نفسه من ذا العطر وذا العطر مابقى عطر وطيب ماحطه
اول مادخل دوامه مابقى احد ماسلم عليه كل مايشوف واحد سلم عليه حتى الي يكنس سلم عليه ههه
المسيكين فرحااان << رحمته هع
قبل مايدخل عند المدير
عدل شخصيته خلها كوبرا عشان يطلع شكله محترم وثقل هع
طق باب المدير ودخل..
سعود: السلام عليكم
المدير: عليكم السلام
سعود: تسمح لي ادخل
المدير : تفضل اخوي
سعود: انا الموضف الجديد عندكم
المدير: هلا فيك اخوي في شغلك الجديد بس ممكن تعرفني باسمك
سعود: انا سعود فلان الفلاني
المدير: ونعم والله .. على ما اتوقع انت شغلتك على خدمة السماعه
سعود: ايه والله .. وانشاء الله ماقصر معاكم بخداتكم
المدير : جزاك الله خير يالله ياوليدي رح لشغلك
سعود: ابشر طال عمرك
سعود راح لمكتبه وجلس عليه وشغل النظام
واول عميل رد عليه هندي
سعود في نفسه < يالله صباح الخير هذا اولها الله يعين بس
الهندي : السلام اليكم
سعود: عليكم السلام عليكم اخوي كيف اقدر اخدمك
الهندي: ايوا هزا انا مسكله في جوال انا مافي افتح استوديو
سعود في نفسه << ياليل ذا الهنود الحين وش دخل الشريحه في الجوال والله صدق غباء غباء
سعود: اخوي ممكن في جهازك فايروس الافضل انك تسوي لها فورمات .. اي خدمه ثانيه
الهنديه : فايروس ايس هزا شريها مافي ميه ميه انا خلاص بستري سريها تاني
رد على العميل الثاني طلع له فلبيني..
سعود في نفسه << ياليل وش ذا البلشه الي ابتلشنها
الفلبيني: الووووووووه الووووووووه الوووه ايوا انتا في اسمع انا
سعود: صباح الخير اخوي كيف اقدر اخدمك
الفلبيني: ايوا انا في مسكله سماعه مافي اسمع كويس
سعود: اخوي الجوال ماله دخل في الشريحه المشكله في الجوال الافضل انك توديه للضمان .. اي خدمه ثانيه
الفلبيني : شكراان شكراان
رد على العميل الي بعده وطلع له واحد محشش << ياليل المسكين رحمته ههه
المحشش : السلاااااااااااااااااااااسل والجبال والوديان والتلال
سعود في نفسه << يارب انك ترحمني يارب يارب وش ذا المحشش الي طلع لي
سعود: عليكم السلام اخوي كيف اقدر اخدمك
المحشش: عندي مشكله في الشريحه
سعود: وش المشكله وانشاء الله نحلها لك
المحشش: يابوي احس الجوال يدور بي والساعه ماتطلع لي والتاريخ مادري ليه احس انه متدقم يومين الى مير الساعه كم الحين
سعود: اخوي الساعه الان 9.30 (( صباحا)) وثانيا رح للاعدادت وعدل التوقيت وانشاء الله تظهر لك الوقت .. اي خدمات ثانيه
المحشش: لا شكرا
نطلع من جو المحششين وسعود المسيكين والله يعينه من العملاء وغثتهم
ونرجع للفراشفه الاموره شهوده…
بعد ماخلصت من المحاظرات طلعت من الجامعه
وقابلت صاحبتها سارها وجلست تسولف ويها عن الجامعه والمحضرات << ياليل سوالفهم الطويله
وبعد ماخلصت من سوالفها الطويله جا السواق وركبت معاه
وتذكرت انها تبي تدق على الشركه عشان الشبكه عندها في مشكله
دقت على الشركه والله يعينها يبي لها وقت طويل عشان يردون عليها
نطلع من جو شهد ونرجع لجو المسيكين سعود
بعد ماغثوه العملاء المسيكين حالته ترحم ~
واخيرا جاته عميله( بنت) الي هي شهد وصله الاتصال
***(( طبعا مايعرف شهد نهاياً ولا قد عرفها من قبل ))***
شهد: السلام عليكم
المسكين ظاعت علومه وحالته حاله قطرت سعابيله اول ماسمع الصوت راح وطي
سعود في نفسه << يالبى ذا الصوت اروح تونا وش ذا الصوت اليى انعم من الناعم وش ذا الدلع يالبييه فديتها انا
ايه هذا العملاء ولا بلاش هذ الي يفتحون النفس ~~هع
سعود ((مسوي ثقيل الحين)): عليكم السلام كيف اقدر اخدمك
شهد: اخوي انا عندي مشكله في الشبكه ومادري وش السبب
سعود: من عيوني دقايق بشوف لك المشكله .. اختي الغاليه المشكله انشاء الله بتنحله خلال الاربع والعشرين ساعه باذن الله اي خدمات
شهد: مشكوره اخوي
سعود المسكين خذا رقمها وسجله في جواله من قوة الخقه
بعد ماخلص من دوامه..طلع من الدوام ركب السياره
المسكين متردد يتصل ولا مايتصل خايف مايعرف وش يسوي مشتت
وقلبه غذا سامري من الخوف او التوتر ووده يدق وماوده
وقال مالي الى ااذا وصلت البيت دقيت عليها
وصلت بيتهم وتغدى ودخل غرفته الرجال بدور لها اسلوب عشان يدخل معها
لان الولد خلاص انتهى ماعرف وش يسوي الولد فق معاها
اول بداياااته تردد تردد تردد تردد
ثم دق عليهااااااا…!!
انتهى الجزء الاول…}
انشاء الله اعجبكم الجزء الاول
وسااوافيكم بالاجزاء القادمه
بشكل مختصر
1_ انتقاداتكم.
2_ ارائكم.
3_ ملاحظاتكم.
4_ توقعاتكم.
برب
سيو نلتقي في جزء اخر
وانتظر التكملة … وينهاا ؟!!!
اتوقع ان شهد ما تعطي سعود وجه اول شي وبعدين تكلمه