اليوم انا معايا تسريحات لأحلى بنات
تسريحات سهله
وتناسب كل انواع الشعر
وتعمليها لنفسك بسهوله ان شاء الله
يلا تابعوا معي
الكيرلى وحبيبتى ميريام فارس استاذه الكيرلى
شفوا فى 200 طريقه للكيرلى بس الكيرلى كما يقول الكتاب حيطلع معاكى بطريقه اختك رورا وجربى وادعيلى
بعد غسل الشعر بنجيب اى نوع جل وانا بفضل الجل على كريم من بلمرز هايل وبيغلف الشعره من عوامل الجو والتعريه وبيثبت اللوك وكمان سوفت اوى فا بيدى نعومه للشعره وبيخليها حره وبتتحرك بطبيعتها مش منشيه ومخشبه وتقدرى تقعدى بيه 3 ايام ولا يجراله حاجه وبنفس جماله ولمعته اوك ركزى معايا فى الجاى ……
غسلتى الشعر وهو مندى مش ناشف ولا مبلول تجيبى الجل على ايدك وتمسكى الخصل ابتدى من تحت لفوق وشدي الشعر اوي كده
ليه ؟ عارفه فكره شريط لف الهدايا لما بنشده بالمقص عشان يلولو ايووووووووه هى دى شعرك كله على كده ادهنى وخدى الخصله من اول للاخر مع شدها ماشى ماشى وبعديين حيبقى معاكى كده خصل متفرقه كده
اوك يا بنوتى شعرك كله على كده وتيجى من قدام وتحطى مشابك شعر ليه الحركه دى عشان يبقى الكيرلى مش من منبت الشعر ابعد شويه ميريام فارس على حق ربنا ههههههههههه بالشكل ده
وبس عايزاه ينشف بسرعه من بعيد بهوا السشوار لسه قدامك وقت اتركيه ينشف براحته واتفرجى على الكيرلى من غير لفائف ولا رقائق بالبلدى كده
تـــــــــابعينا
حنعمل ايه بقا ………….
حنقسم الشعر نصيين متساويين
وبعديين تجيبى خصله من اول النص من فوق وتبرميها حلو
وبعدين تجيبى خصله تانيه من تحتها وتلفيها عليها لحد ما تخلصى الجنب كله من اودام من المقدمه من الاوره لحد الودان ماشى يا قمر
ونثبت النص الاول كده بمشابك شعر وبعديين ندخل على الجنب التانى بنفس الطريقه لحد ما حيدينى الشكل النهائى الكيوت ده
تـــــــــابعينا
دى كمان تسريحات سهله كتير بس محتاجه شويه روقان ومزاج عالى كده بس بتديكى شكل جديد وانيق زى دى
تـــــــابعينا
كل ال عليكى سيدتى انك تقسمى شعرك بعد القصه نصيين وتضفريه ضفيره عاديه جدا وتعكسيها وتثبتيها وبس كده مفيش اسهل من كده
تــــــــــــابعينا