قصتـي الحزينــه
هزني الشـوق أكتب للناس رسالـه أكتب للناس عن قصة حبي الحزينـه
عن انسان من الحب و ايش جرالـه يازين البدايـه بس النهايـه شينـه
عشق باخلاص وهذا هوكان حالـه عشق بجنون وكان يشهد له حنينـه
ماحسب للجروح ولاجات على باله طيّب وطيبتـه تقرونها على جبينـه
بادَلَته شعور الحب وتحققت آمالـه زانت معاها أيامه و احلوّت سنيـنه
كان يدلّلها الين تذوب من دلالـه من زود دلالـه كان يغازلها بعينـه
كان بحبها يتباهى و يغيض عذالـه ويفتخــر فيهـا و يناديها الزينـه
كتب فيها أشعار ونزل عنها مقالـه مايوم هانها و هي ما فكرت تهينـه
وكانت تحبه و تقول تعشق أقوالـه وكانت تمدح عشقه وتقول يازينـه
وغير الحب و الغـرام أبد ماجالـه عاش معاها و ماتوقع تخيّب ظنينـه
فجأه المسكين تغيرت كل أحوالـه وعاش في نار العـذاب الله يعينـه
انجرح ومن الجروح تغيرت أفعالـه ذاب صوته وصرنا نسمع منه أنينـه
أعطاها حبّه وأخذ جرحها وشالـه وين صدقها وين حبها اليوم وينـه
يعني هذاجزا صدقه جروح ونذالـه ليه كذا و ايش من الدنيا ماخذينـه
حسبي الله على اللي جـاله ونالـه والله انّها خسرت حبّه المسكينــه
يالله هذا نصيبـه وربنـا أعطالـه وهذي هي باختصارقصتي الحزينـه
مشاعر أديب بازهير
مغرم رومانسية
احساسك المرهف وكلماتك العفوية هو ما يجعل من قصائدك قمة الرومانسية والروعه
وهو احساس صادق بمعنى الكلمة
لك كل الشكر والتقدير
تقبل مروري البسيط
شرف كبير للمنتدي أن تكون أحد أعضائه…
فكلماتك الرقيقة تجذب الأشخاص أليك
قصيدتك رائعة وقصتك أروع…
اسمح لي فأنا لست أهلا لأقيم كلماتها
فأنت من تقيمنا وتوجهنا…
لك مني الأحترام والتقدير
اسمح لي ان اطوف بين جنبات قصيدتك الرائعه
ولا تاخذ علي فاحب ان اطوف بين ابيتك بيت بيت
وبصوت عالي لعلي اجد سر الابداع في قصائدك
هزني الشـوق أكتب للناس رسالـه
أكتب للناس عن قصة حبي الحزينـه
بداية القصيده تتحدث اخي عن حبك واحزانه
فكل منا يبحث عن اسباب الفرح جعل الفرح فالك
عن انسان من الحب و ايش جرالـه
يازين البدايـه بس النهايـه شينـه
اي والله انك صادق بداية الحب جميله بس النهاية دائما
ما تكون مريره وخصوصا اذا جت بالخيانه
عشق باخلاص وهذا هو كان حالـه
عشق بجنون وكان يشهد له حنينـه
صادق الغالي هذا هو حال العاشق عندما يعشق
فهو يعشق بلا حدود وكثيرا ما يصاب المرء بهلوسه في حبه
ماحسب للجروح ولاجات على باله
طيّب وطيبتـه تقرونها على جبينـه
عافاك الله من الجروح اخوي بس هذا هو الحال عندما تكون نهاية الحب
والطيب في هذا الزمان سلعه نادره وانا اشهد
بادَلَته شعور الحب وتحققت آمالـه
زانت معاها أيامه و احلوّت سنيـنه
ليش لاء اخوي ومن يقول انه الحب ما يزين المحبوب
وانت سيد العارفين انه الحبيب يتهنا بقرب محبوبه
كان يدلّلها الين تذوب من دلالـه
من زود دلالـه كان يغازلها بعينـه
يا عيني على هذا البيت الرائع
وربي بيت جزل انا اشهد عليه
كان بحبها يتباهى و يغيض عذالـه
ويفتخــر فيهـا و يناديها الزينـه
حلو وربي ما عليه تعليق بيت غايه في الدقه
ويا ما حلا غيض الحساد وياريت كل حاسد يموت بغيضه
كتب فيها أشعار ونزل عنها مقالـه
مايوم هانها و هي ما فكرت تهينـه
الحال بالسويه اخويويا ليت يستمر الحال
بس ربك الاعلم ما في الضماير
وكانت تحبه و تقول تعشق أقوالـه
وكانت تمدح عشقه وتقول يازينـه
الله الله على العشق
وغير الحب و الغـرام أبد ماجالـه
عاش معاها و ماتوقع تخيّب ظنينـه
في هذا البيت بدات المس بداية الخيانه
جعلني فداك
فجأه المسكين تغيرت كل أحوالـه
وعاش في نار العـذاب الله يعينـه
الله يعينك اخوي نار العذاب والبعد لهيبها قوي وانا اشهد
انجرح ومن الجروح تغيرت أفعالـه
ذاب صوته وصرنا نسمع منه أنينـه
اذهب الله عنك الانين الغالي وادمل جروحك
أعطاها حبّه وأخذ جرحها وشالـه
وين صدقها وين حبها اليوم وينـه ؟؟ !!
هنا الفرق بين المحبين هنا حب وهناك خيانه
جعل قلبي فداك
يعني هذا جزا صدقه ( جروح ونذالـه )
ليه كذا و ايش من الدنيا ماخذينـه ؟؟ !
اي والله مو هذا جزاء الحب بيت رائع
حسبي الله على اللي جـاله ونالـه
والله انّها خسرت حبّه المسكينــه
تستاهل دامها ما صانت الحب ويومها ما عرفت كيف تتمسك بوه
يالله هذا نصيبـه وربنـا أعطالـه
وهذي هي باختصار قصتي الحزينـه
في هذا البيت دعاء
ويا ليت الجميع يلتمس من الله العطاء في الحب
اخي الغالي اديب
كنت هنا وقد تذوقت طعم الشعر الصادق والنبيل
استحلفك بالله اخوي ان لا تحرمنا من كل جديد
تقبل مني قرائتي لقصيدتك بصوت مرتفع
اخوك الخالد