حلفت 2024.

حِلِفْتْ بقسْوِة الفُرْقَهْ
ما نسيتك حبيبتى ف يوم
يا دنيا ع الدوام سارقه
سعادتى مبدلاها هموم

حلفت باللى فَرَّقْنا
وخلاكى تقولى خلاص
حلفت بكل أشواقنا
بكل مشاعر الاخلاص

حلفت أسهر مانام الليل
واحرس ع الدوام اسمك
وأقيد عمرى كما القناديل
فى قلبى اتوشم رسمك

حلفت يا قمر بيكى
بحبك باللى كان بينَّا
حلفت بكل لياليكى
ليه ضعنا وليه هُنَّا

حلفت أفَصَّل الغنوه
واسهر لك أغنيها
يا قاتله قلبى بالعِنْوَه
وروحى قاعده تنعيها

حلفت يا قلبى أبنى لك
بدمِّى جَنَّه مش بدموع
حلفت يا روحى أغنى لك
وأضمك ف الحنايا ضلوع

حلفت أخلى ليلك نور
ينور سِكِتِى الجايَّه
حلفت بعِشِنا المهجور
بلحظة حي منسيه

حلفت بفُرْقِتِك عنى
يا أيامى وذكرى الأمس
يا مِنِّك وانتى كده منى
لا أرجعلك عيون الشمس

حلفت بحبى ما نسيتك
يا غنوايه كما الأساطير
دا يا ما ف قلبى خبيتك
يا نسَّايه وعودك غير

صديقي لا تؤخذني

ولكن

القصيدة غير مترابطة

ضعيفة الوزن

تقبل مروري

أخى هشام
المهم هو مرورك الجميل
وسنحاول لاحقاً الاهتمام بالأوزان والتفعيلات
تقبل احترامى