لاتعتذر مني ترى العذر مرفوض
مالك عذر لو كان غيرك عذرته
قدرك عليّه حق وارضاك مفروض
وغلاك من بين الحنايا قبرته
ماودي ابْحر معك في العلم واخوض
اخاف لاذكر شي ماقد ذكرته
بيني وبينك سر غالي ومحفوض
وقصر الوفاء بيني وبينك عمرته
وانا على رفقتك فائز ومحضوض
وورد الوفاء على مكانك نثرته
اللي علاقتهم بلاكذب وعروض
يبقى الغلا من بينهم زاد كرته
صحيح دنيانا توافيق وحضوض
وانا على شرواك ياما انتظرته
و اللي محبتهم عقارات وقروض
القلب عنهم لنكسر ماجبرته
الارض خضراء والمطر يروي الروض
والفضل لله ربي اللي شكرته
من ينكر المعروف عايب ومبغوض
لوّ كان اخوي اللي من امي هجرته
حتى ولوّ لي فيه هقوه وملحوض
لو مالت ايام السنه ما اعتبرته
الله يجبر قلب عايض ومعيوض
ويجبر عزايه في خوي خسرته
وختامها يارب شربه من الحوض
حوض النبي محمد اللي نصرته
بويتات وليست قصيده ولكن لها عندي محبه ومكانه خاصة عثرت عليها
في مطويات عام 1407هــ في الاخ الغالي الصديق والنسيب والذي له عندي مكانه لاتوصف
عبدالله بن محمد بن ظافر عندما كان يشكوا من الم لم يعرف له مكان وبعده اعطاه الله العافيه والحمدلله
يامل حالن هاجس الليل يبرااه=وياجر قلبٍٍٍٍٍٍ جره الهم جره
جر الرشاء لجره اللي بغى ماه=اتزاحمت ذوده ولابه مسره
على صديق جاه ضيمٍٍٍٍٍٍٍ وعناه=خمسين يوم مادرى عن مقره
ياعبّيد والعبد يخضع لمولاه= يثني على خيره ويصبر لشره
من ما جرالك خاطري جاه ما جاه= مضرة لاردها الله مضره
ان قلت لك يا (سين) وان قلت لك عزاه=والله ماتنفعك مثقال ذره
والله لوّ تنفعك والله والله=لاقولها في اليوم مليون مره
1
2
3
4
5
6
7 يامـل حالـن هاجـس الليـل يبـرااه وياجـر قلـبٍٍٍٍٍٍ جـره الهـم جــره
جر الرشاء لجـره اللـي بغـى مـاه اتزاحـمـت ذوده ولابــه مـسـره
علـى صديـق جـاه ضيـمٍٍٍٍٍٍٍ وعنـاه خمسيـن يـوم مـادرى عـن مقـره
ياعبّيـد والعبـد يخـضـع لـمـولاه يثنـي علـى خيـره ويصبـر لشـره
من ما جرالك خاطري جاه مـا جـاه مـضـرة لاردهــا الله مـضــره
ان قلت لك يا (سين) وان قلت لك عزاه والله ماتـنـفـعـك مـثـقــال ذره
والله لــــوّ تـنـفـعـك والله والله لاقولهـا فـي اليـوم مليـون مــره
قالـوا نبـي منـك قصيـدة جديـده
شاعر ولد شاعر ومن بيـت شعـار
عطنـا البيـوت الفاتنـات الفريـده
اختـار ولاّ ودّنـا مـنـك نخـتـار
قلت القصيد اليـوم كـل لـه اييـده
نصف الشعب صاروا من الشعر تجار
كلـن تفنـن فـي تنّـوع رصـيـده
بين الريـال وبيـن درهـم ودينـار
كـم واحـد يبغـى يسـوي ولـيـده
اهم شـيٍٍ ٍ يلفـت قلـوب وانظـار
واكبر طموحه صورته في الجريـده
ولا ظهوره فـي قنـوات الا شعـار
وليا حصل زرقـه وفرصـه سعيـده
يمكن يشارك فـي اكاديمـي استـار
رخص الشعر ما بين عبـده وسيـده
ماعاد لـه حشمـه وقيمـه ومقـدار
اتناهشـوا لحمـه وجـزوا وريــده
ماكنّـه الا هبـرةٍ عـنـد جــزار
حتـى شواعيـر الغنـا والنشـيـده
قالوا لهـم شعـار جزليـن وكبـار
وصاروا شريحه في البلـد مستفيـده
اخذوا حكايـة قصـة الهـر والفـار
هـاذي الحقيقـه والعلـوم الاكـيـده
من زعل منها يلتفت لا اقرب اجـدار
خلاص. ولاّ . كِل ما اقلـت اعيـده؟
بعض المجامل يدخل العبد في ا لنـار
المعذره مـا عـاد عنـدي قصيـده
من يوم صار اهطيل وانطيل شعـار
يانوري المالكي عليـك مـا تستحـق
ارضيت الاجناب وازعلت العرب كلهـا
خذيت لك بندق واعطاك بوش الفشـق
وتـزوم لـك حملـة ماتقـدر تشلهـا
تبي الحقيقه ورب الشمس واللي خلق
ان الزعامة حرامٍ مـا انـت كفولهـا
والاسم هذا حراام انه لشخصـك لبـق
ابعد عن الالبه اللي جعلك افـدا لهـا
عساك فدوة بني مالك عـزاز الرفـق
اللي سهـوم المنايـا ضـدك تسلهـا
والا انت قدرك وفالك في ملاوي (عقق)
لاتدعـي بالعروبـه زلـهـا زلـهـا
انهيت شعب العراق اللي عليك اتفـق
ضدك على السلطه اللي بيحّـت غلهـا
ثلثين ماتوا وثلثٍ عايـش فـي قلـق
ولا خير في ديرةٍ مـن سادهـا ذلهـا
الشعب منك انقهر والنفط منك احتـرق
وامجاد بغداد والبصـره وبابـل لهـا
ذليت شعبِ على درب الشجاعة سبـق
قومٍ زمان مضى ينخـاف مـن ظلهـا
مكّنت منهـا عداهـا ياقليـل الوفـق
واغضبت عرافها وارضيـت محتلهـا
يامجرم الحرب بعت الدم لاجل الـورق
وارخصت دم العروبـه خلهـا خلهـا
تقتل وتنهب وتدرق مثـل منهـو درق
وتقول انا اللي با اعز الـدار واظلهـا
ولعت حرب الطوايف لين راحوا مـرق
وتروح مـع شلـة الارهـاب وتفلهـا
ياشلة كل ابوكم في الحكومـة سـرق
حكومـةٍ والمشاكـل عجـزت تحلهـا
باسم الله قافي بادي به
قافٍ في معناه اجيبه
شي طاري لي في بالي
هذا المثل ذكرّني به
لو ماجاء للبل مزاين
ماحد يدري بام رقيبه
ولوّ ماجاء للشايب فارس
ما احدن قدّر قيمة شيبه
ولوّ ماجاء للشاعر معنى
هرج فاضي ويش يبغي به
واللي جاب الطاري كله
واشيب العارض واشيبه
شافت عيني شي واقع
علمٍ اسمع به ودري به
شخصٍ سوا نفسه عنتر
على شانه مالي جيبه
على شان فلوسه واجد
يرفع صوته ويلاليبه
وان دخل مجلس قامواله
كل رحّب ويهلّي به
يقعد على المدكى متربع
تقول انه راعي هيبه
تسمع سولافه وعلومه
علم ماودك ياتيبه
حتى لو يخطي بلسانه
قالوا مزاح وياطيبه
وان جاء علم فيه مهايط
ايصبّّح به ويمسّّي به
يفزع لو يخسر ماعنده
تسمع صوته والترحيبه
تقول ان ذا حاتم عصره
وكل اللي سوا تركيبه
لشاف المحتاج المعسر
اللي دينياه تزرّي به
لوّ شافه محتاج فزعه
يبطي عظم مايبدي به
واللي حاصل شي شفته
هذا الواقع ماهي غيبه
الله يقطع هاذي المونه
والخيبه والله والخيبه
هذا لشفته جنبته
مالي به والله مالي به
عكس اللي يسعى للعليا
اللي طيبه يغمرني به
ا للي قول وفعل وشيمه
يخشى ربه لايطغي به
ينقد نفسه قبل ان ينقد
قبل العالم تعرف عيبه
وان جاء فزعه يقبل الاول
بالعلم الغانم يحري به
حتى لو ظرفه مايسمح
ولو ماعنده مايشري به
يقبل كنه شيخ وتاجر
يقضي لازم من يعني به
مايتعذر دون الواجب
ماله من جيبه يصخي به
يسعى في ما يرضي ربه
كفه من طيبه يندي به
ربعه واقرابه وانسابه
تتعزوابه وتنادي به
هذا اللي نفخر بعلومه
لجاء طاريه انماري به
ياالله ان تبطي بايامه
اللي مثله يشهر طيبه
هذا واللي قلته كافي
بيت ان قلته واغنيبه
لوّ ما جاء للبل مزاين
ماحدٍ يدري بأم رقيبه
مضواح بن شتوي