هذي أول مشاركاتي بالمنتدى
وأتمنى تنول اعجابكم
آبسألك
لا صارت الدمعة أمل
وصارت أحزاني وطن
ليه الترجي..وليه العشم..؟
لا رجعت الأيام تأخذ مننا الغالي
سنه الرحمن و كل(ن) بها راضي
ليه الفرح.. ليه الحلم.. ليه الأرق..؟
جدي يا طيب الأنفاس يا ارق إحساس
يا دنيا من الحب يا شمعه الجلاس
اشتقت لك حيل اكثر من الأنفاس
وحبي لكل شي فيك ومنك حتى التراب ألي ينداس
من أعماقي آنا اصرخ ..مشتاق حيل ليدينك
لنظراتك لي أحضانك.. حتى مواطي رجلينك
آنا لكل شي اشتاق
للمسات الحنان لكلمات العتاب حتى لتوبيخك
ومات جدي
خذوه من بين أديني وغسلوه
وتحت تراب حقرناه تافه رخيص ياما وطيناه
احن من خلق ربي تحت أرضه دفناه
جلست ابكيه وصوتي يعلى والنحيب
ولمشاعري الدفينة أخير استجيب
وعقلي لكل الذكريات يودي و يجيب
اااااه يا مشاعر الحب ألي قاعدة تزيد
غرقت بدمعي وضعت بهمي ..والله عجيب
يوم كان وسطنا ما كان الحب بهالكم الرهيب
ولا كان بقلبي مثل ها الشوق الغريب
و لكل يتعجب وش هالحب
و هالمشاعر آلي تفيض
ويسألون
هذي مين الي جالسي ببكيه؟
معقوله ولد ولده الي ما يجيه؟؟
ما يسأل عنه ما ياصله ما يناجيه
في كل سنه و بالعيدين بس يهديه
يقسي عليه بحياته والحين بس آلي يبيه
وش هالحب والتقدير إلى ما يطلع
ألا لا حطينا علي لحده الطين؟؟
وطلع من عندهم ارتجي رحمه ربي وربهم
وتأخذني خطواتي للبيت القديم
آخر محطة لذكرياتي مع جدي والمرض السقيم
تحت السنديان و الكرمة والرمانة
اجتمعنا أحلامي مع أحلامه و ستصدمنا
بفكره الموت إلى قضت علي آخر أيامه
و أتذكر أمسى وقوتي
يوم أقول إن الأمل لازم يجي
ولا بد نبدا بالمرض حتى نعرف نرتجي
ونطلب الرحمن عافيه أنت منها بتكتسي
لازم يا جدي تصير قوي..؟
جلس علي كرسيه حزين
يسقي ورود الياسمين
وقال
يا ولدي … يا اجمل حروف بقصتي
يا نسل المحبة.. ..آلي منك بيبتدي
أنا خلاص …. عمري أكيد بينتهي
والمرض بيه ومن غيره بتوصل منيتي
الحياة يا اعز من ولدي وسيله ما هي غاية
الحياة سكه سفر طويلة مالنا فيها حيله
نشيل فيها أعمالنا ذنوبنا وخطايانا
ورغبتنا بتحقيق أمنياتنا
وفي النهاية… صدقيني
مالنا بالقبر حتى وسادة
إلا طوبة ناشفة قاسيه
هي بالأصل كل حاجه
وشويه قماش يتسمى كفن
نستر فيه جسم تعبان أعياه الهم
بكيت غصب عني
موته صار كل همي
ضمني علي صدره الدافي الحنون
بيدين المرض هدها ما بق فيها الا ضنون
و ناظر بعيني وما درا هذي دموعه ولا دموعي
وغابت الشمس الحزينه
و إحساسي ما يبي يصح ويقوم
وده يستمتع بضمه هال جفون
يا دفء هالمشاعر هي حقيقة ولا خيال مجنون
ولا آبى أهرب من يومي وارجع لامسي وختفي من الكون
ونرجع لنفس السؤال الي شتت في عتمه الليل السكون
ليش نتخلي عن حبايبنا ونقاطع قرايبنا..؟؟
ونتجاهل حقوق الجار ونغير عوايدنا..؟؟
دام الموت موجود والفراق علينا مكتوب
ليش نبعد عن بعض
ليش ننسى وبمشاعرنا نقس
وليش وليش وليش
اسئله ادري لا انا ولا انت نقدر نجاوب عليها
كل الي اعرفه
ان اليوم جنازة قلبي المدفون
خربشات قلمي
مخاوي الذياب
|
هذي مين الي جالسي ببكيه؟
معقوله ولد ولده الي ما يجيه؟؟ ما يسأل عنه ما ياصله ما يناجيه في كل سنه و بالعيدين بس يهديه يقسي عليه بحياته والحين بس آلي يبيه أخي العزيز مخاوي الذياب إذا كانت خربشات قلمك بهذا الإبداع .. فيالها من خربشات رائعة .. أتحفتنا بما خطه قلمك المبدع .. تحياتي يا صاحب أجمل خربشات وفي إنتظار جديد إبداعك في منتداك برق . |
وتقبل تحياتي ومروري
يعطيك العافيه
تقبل مروري
استمتعت بالمكوث بمتصفحك الانيق
شكري وامتناني