مملكة المشاعر اهداءخاص 2024.

فأرجوك قل لي ليش عيني وين ماشافت تراك..

وليش عقلي ماجعل لك في خيالاته شريك..

وليش رغم انك بشر دائم أحس انك ملاك..

الصدق أنا أهواك وأهوى من هواك أمك وأبيك..

وأعشق دروبك لو دروبك مابها غير الهلاك..

وأكذب اذا قلت أن ماودي أضمك وأحتويك..

أو ماحلمت أصبح ولو بسمة تعانقها شفاك..

أحب من دنياي لحظة لما تجيني أو أجيك..

وأكره جميع أوقاتي اللي كنت عايشها بلاك..

وأبيع عمري وأدفع أغلى مالدي لجل أشتريك..

وأموت قبل أنساك أو ينقص بميزاني غلاك..

وأحمل بدل عنك همومك والأسى اللي يعتريك..

وأمنح نصيبي لك من الفرحة وأحقق لك مناك..

أن كان قلبي للمشاعر مملكة فأنت المليك..

وأن كان عمري تاج والله مااتوج به سواك..

دور علي في عالمك تلقاني أول من يلبيك..

وأبحث علي تلقاني الظل الذي يمشي وراك..

وأسكن بعيني حيث مامخلوق فيها يعتليك..