مع السلامه وانتهى وقـت الأعـذار
ياتايـه الخطـوة وخيبـت ظـنـي
ماعاد لك بيـن المحانـي هنـا دار
ضيعـت مفتـاح الغـلا روح عنـي
ماهـي غريبـه والزمـن دوم دوار
ياليتنـي ماقلـت حـبـك ملكـنـي
اعطيتك القلب الوفـي دون مااختـار
ماطعت فيك العقـل يومـه منعنـي
ماهي شطارة منك ذا حكـم الاقـدار
دايم تجي مـن دون كيـف وتمنـي
واليوم مدري كيف وشلون وش صار
سيفك وانا مـدري بظهـري طعنـي
يالعنبوك اشعلت فـي داخلـي نـار
أصيح وادعي ميـر محد(ن)سمعنـي
مثلت دور الحـب فعيـون الازهـار
وأسقيت ورد الحب غـدر وجرحنـي
وفيت لـك ياصغـر حظـك ياغـدار
ياصغر حظك يـوم قلبـك خسرنـي
شاعر ومزيون واوقف ضمن الاحرار
وافرض انا في جدول الوقت وزنـي
واقف بوجه الوقت صامد ولو جـار
وأمشي انا عكس الردي لو صدفنـي
واستغفر الله عـن خفوقـي اذا ثـار
وما قد تبعت اللـي بكيفـه تركنـي
وامد يـدي طيـب فعيـون الاشـرار
وأكسر همومي غصب في ضحك سني
وابني على ضيق الصدر اكبر وجـار
وافوح الدلـه علـى فـوح حزنـي
دايم عيونـي للسمـا ترفـع أنظـار
وأتعب لجـل ضيفـي ينـام متهنـي
رحتي ويعني أيش لـو الغـلا طـار
قبلك كثيـر اللـي رحـل ماهزمنـي
قبلـك زمانـي دق فالقلـب مسمـار
أوجـع عروقـي بـس لاماردعنـي
العزم دايـم فـوق والقلـب مغـوار
وأنـا طرحـت الهـم لا ماطرحنـي
يا فارسة حب الكـذب مثـل منشـار
ينشر ضلوعي وانـت واقـف تغنـي
لا تحسب اني بنثـر الدمـع وانهـار
والا عشانـك طـول ليلـي أونــي
والا أبقضـي تالـي العمـر محتـار
والا بعيـش اقـول حبـك أسرنـي
لا ياذليله وأسمعـي عنـي الاخبـار
ببدلـك مــدام حـبـك خذلـنـي
ابتركـك والقلـب راحـل وبأصـرار
ودي أشوف شلـون بتغيـب عنـي
حتى خسـارة لـو أسميـك تذكـار
ماابغى المشاعر يـوم بـك تتهمنـي
روحي عطي غيري اذا عندك اعـذار
خلاص هديـت الـذي كنـت ابنـي
صح لسانكـ…
يعطيك الف عااافيه..
لاخلا ولاعدم
كلمات في غايه الروعه اخي الكريم…
دمت بود ومحبه والف عافيه…
تقبل مروري..
سلمت اناملك
تحياتي لك
بس أعرف أن الدنيا غداره مثل البحر
وهذا الزمن مالوش أمان …..
وربنا يعوضك بأحسن منها …
ليالى