حتى اعياه التعب وانهكه العطش
وبينما هو كذلك اذ لاحت له فى الافق رايات
امل فيها اسباب النجاة
واذا بالمنادى ينادى : اركب معنا
ويتودد اليه مطمئنا :لا اسالكم عليه اجرا
ويلح عليه فى شفقة:انى اخاف ان يمسك عذاب من الرحمن
ويبشره مرددا فى نداء الله :
ان رغبت فينا اتيناك وان ناديتنا سمعناك
وان عزمت على قربنا ادنيناك
وان ذرفت الدمع من اجلنا فيابشراك
لب نداءنا والحق بركبنا واسلك طريقنا
فقد سبقك فى الميدان صالح المؤمنين
ولعلهم حطوا رحالهم فى الجنة منذ سنين
فتشبه بهم وقلد صنيعهم
اغرس نخل العزائم واروها بدموع نادم
تنعم بالثمار وبالغنائم
هيا اسرع لاتتوان
مقتبسة من كتاب "سباق نحو الجنان"
معلش لو طولت فى المقدمة بس انا بصراحة حسيتها ممكن تفيدنا
اول حاجة لازم كلنا نعملها اننا نصدق الله سبحانه وتعالى وان شاء الله ربنا هايعينا على طاعته
ممكن كل واحدة فينا تشوف ايه الذنب اللى قاطع بينها وبين ربنا لان كل واحد مننا ادرى بنفسه
شوفى مع نفسك وسيبى ذنب واحد بس لله وتوبى منه توبة نصوحة وشوفى كرم ربنا عليكى هايكون ازاى ممكن فى الاول الدنيا تبقى صعبة شوية بس دا بيبقى اختبار من ربنا ليكى يختبر صدقك فى طاعته وطبعا لازم نحرص على اننا ننجح فيه زى مابنحرص ع نجاحنا ف حاجات كتير بس حرصنا هنا يكون اشد
لانك بتطلبى رضا ربنا سبحانه وتعالى يعنى لو رضا عنك هاتكسبى الاخرة والدنيا
انا عملت مستويات بفضل الله عشان تناسب جميعنا
وكل واحدة تختار المستوى اللى يناسبها بس هاطلب منكن حاجة ان كل واحدة فيكن تعمل لنفسها ورقة او كراسة محاسبة وتكتب فيها هى هاتعمل ايه وتعلم كل يوم ع اللى عملته بعلامة صح او غلط وتشوف نفسها كل يوم بتتقدم ولالا؟؟
نبدا باسم الله
اول حاجة لجميع المستويات نسمع درس من سلسلة تعرف
السلسلة دى هدفها تعرفك مين هو ربنا لاننا لو عرفناه بصدق عمرنا ماهنبعد عنه
والشيخ اللى بيقدمها اللهم بارك نحسبه ع خير اسلوبه سهل جدا وجميل فكل اسبوع هاحطلكم اللينك هنا
المستوى الاول
اذكار الصباح والمساء
عشان تحصنى نفسك من الشيطان ومن اللى يضرك
صلاة الضحى ركعتان
لتؤدى الصدقة عن جسدك عن كل مفصل فيه
الصلاة على اول وقتها
احب الاعمال الى الله
الاستغفار 100 مرة صباحا ومساءا
عشان ننضف قلبنا ونستغفر ربنا على اى تقصير
صلاة القيام ركعة واحدة بس
صلاة القيام شرف المؤمن ومن رحمة ربنا ان السنن كلها بتبدا من اتنين ومن عظم فضل القيام بيبدا من ركعة واحدة بس
ختم القران فى شهرين كل يوم نصف جزء
كل حرف بحسنة والحسنة بعشر امثالها والله يضاعف لمن يشاء والنظر فى المصحف سبب لحب الله ورسوله
صيام ثلاث من كل شهر 13 و14 و15
المداومة عليهم كاجر صيام السنة كاملة
المستوى الثانى
اذكار الصباح والمساء
صلاة الضحى ركعتان
لتؤدى الصدقة عن جسدك عن كل مفصل فيه
الصلاة على اول وقتها
الاستغفار 100 مرة صباحا ومساءا
صلاة القيام 3ركعات بس
ختم القران فى شهر كل يوم جزء
صيام ثلاث من كل شهر 13 و14 و15و يوم واحد فى الاسبوع اما الخميس واما الاثنين
السنن الرواتب
فضلهم بناء بيت فى الجنة
2 ركعة قبل الفجر
و4 قبل الظهر و2 بعد الظهر
2 بعد المغرب
2 بعد العشاء
المستوى الثالث
اذكار الصباح والمساء
الصلاة على اول وقتها
الاستغفار 100 مرة صباحا ومساءا
صلاة القيام 3ركعات بس
ختم القران مرتين فى الشهر كل يوم جزاين
صيام ثلاث من كل شهر 13 و14 و15و يومى فى الاسبوع اما الخميس والاثنين
السنن الرواتب
2 ركعة قبل الفجر
و4 قبل الظهر و4بعد الظهر
لحديث النبى فيما معناه ان من صلى قبل الظهر 4 وبعده 4 حرم جسده على النار
4ركعات قبل العصر
لحديث النبى فيما معناه رحم الله امرئ صلى قبل العصر 4 كعات
2 بعد المغرب
2بعد العشاء
صلاة الضحى 4 ركعات
فيحفظكى الله بهم وتكونى اديتى الصدقة عن جسدك كل يوم
ــــــــــــــــــــــــــــــــــــــــــــــــــ ــــــــــــــــــــــــــ
كل واحدة مننا تكون صادقة مع نفسها وربها وتختار الانسب ليها وتذكرى دوما ان احب الاعمال الى الله ادومها وان قل مش مهم العدد المهم انك تداومى على العمل لان دا علامة الاخلاص
وان شاء الله نقوم بماذكرتي اختي
أسأل الله أن يحفظك من كل شر
ويجزاك الجنة ونعيمها
ربنا يعينا جميعا على طاعته