هذي القصيدة اهديتها ام صاحب السمو الملكي امير الرياض الامير سلمان بن عبدالعزيز ال سعود..
وحرصت ان انثرها هنا بالمنتدى …
بسم الرجوله والمراجل والافعال
وبسم الحميا والوفا والجماله
وبسم العزاوي با انتخي ارجال برجال
وبسم الدخاله عند اهل الدخاله
وبسم الهقاوي والاماني والامال
وبسم البداوة والشيم والاصاله
وبسم البيوت اللي بها طاب فنجال
وبسم الكرم والجود طيب وجزاله
جيت انتخي نخوة قبيله برجال
وافي سنافي فيه فزعه اللي يسعاله
ازبن ابو فهد وله سقت الاقوال
وشعري تعناله وطوح عقاله
والرجل وقت الازمه يزبن ارجال
يزبن على ارجال يسرك اقباله
يزبن على اللي صيته الذرب له دال
كفو ويقدر عنوة اللي عناله
مايذخر الفزعه وهو قادر الحال
وفيه السعد اللي عنا والتجاله
يمناه ماتقصر عن الطيب لانال
والعز اللي هاقي به وجاله
فيه الحميا لا انتخى ثقل زلزال
وبس يسمع الداعي فزع وانتخاله
وهذي الرجال اللي تسرك بالافعال
والا الردي ناصيه عزي لحاله
وهذي الفعايل شفتها بوصف رجال
مشهود له بالطيب والصيت ناله
هذا الرجل والمراجل له امثال
سلمان بن عبدالعزيز..تفخربه اعياله
جيت وانتخيه يوم فيني الدهر مال
وماني من اللي من فراغ التجاله
متوكل باللي للازمات حلال
وماخاب عبدا كان بالله اتكاله
يقدر يسخر لي ليا شاء رجال
ويقدر يبدل حالتي بغير حاله
عنيت انا لبيته وياطيب هالفال
فال السعد وجهة ياحي فاله
جيته وتكفا كلمه صعب تنقال
الا الكفو شرواه راعي جماله
فيه اجمعتني قرابه بني عم وخال
الوافي اللي افتخر في وصاله
وزبدة كلامي باختصراها بالاقوال
وخير الكلام المختصر في دلاله
حلمي بسيط وغايتي ماهي اقوال
حلم الفقير اللي يبي ستر حاله
ولو المراجل والوفا ء قدر لازال
باسم ال سعود حيث راجيين الدخاله
لشاعر
فلاح عشوي العنزي
منقوله
سلمت الام وبورك الشاعر
نقل أكثر من رائع
تقديري لشخصك
وأفضل الذكر*** لا إله إلا الله