اليوم جايبلكم سالفتي يوم اني بالمتوسطه نبذه عني ايام المتوسطه
الأسم : فيصل
المرحله الدراسيه : ثاني متوسط > ياقدمي
فيصل هذا يروح للمدرسه متأخر يعني الساعه 7.15 وفي بعض الأحيان يدخل مع الفسحه الاولى
كثير المشاكل وخاصه مع نفسه
طبعه: فاتح فمه اربعه وعشرين ساعه بس يضحك طبعأ ومعه صديقه فهد > دمار اقصد
حياته : ينام الساعه 2 بالليل طبعاً هذا اذا بكر وبالعاده يروح مواصل
في المدرسه : هو عريف الفصل وفهد نائبه ودايم هم عند المدير يا جايبين طالب ينجلد ولا هم المجلودين
يكره مادة الانجليزي ويعتبرها مادة رسم انواع العيون اللي تدمع
مادة القرآن الله يهديه مدرسها ترتيله لكم عليه مايخليك تخشع يعني في هالحصه انواع الشخير
مادة الرياضه احسن يوم اذا قالوا رياضه انواع المطامر بس فهد مايجيب لأنه دوووووووووب
في يوم الربوع انواع الفله يجيني فهد > ماخذ سيارة ابوه ياحظه
ونطلع للثمامه طبعاً من بعد صلاة العشاء ونرجع 12 بالليل شاريلي عود واتعلم عليه
واذا رجعت البيت انواع الحفلات من ابوي وامي كلن يقول الزود عندي من الضرب والعود طبعاً مخبيه
في المخزن عندنا يعني مافيه امل احد يلاقيه
طولت عليكم صح بس اعذروني فاضي
مره من المراريت بعد ماخلصنا اختبارات وانا كلي شوق وخوف في نفس الوقت انتظر النتيجه
اخذت النتيجه واناظر الفاجعه المحزنه
6 ضعيف و2 مقبول وكثر الكاتشب هع هع
وقلبي يرجف رجفاً ويقول يويلك يافيصل
وفي تلك اللحظه لم اشاهد الدوب فهد مدري وين راح
طلعت من المدرسه والتفت يمين ويسار وفوق وتحت ابحث عن الكنز المفقود اللي هو فهد
وبعد البحث مراراً وتكراراً وجدت فهد
واطالع بوجهه الا يجيب الكآبه عرفت انه مفحط في كم ماده
قلت هاه كم قال 9 قلت انا احسن منك قال ماعليك شي قلت الا بس 6
قال وش الحل يافيصل من يفكني من الشايب
قلت لقيتها مالنا الا نشوف طالب درجاته حليوه قال خلاص بروح ادور
والخبل جايبلي واحد متفوق يعني كلها ممتاز
قلت اخص يابوك اللي مو داري عنك ياخي انت تنكه وانا درج شلون هذي درجاتنا
قلت مالنا الاسالم درجاته معقوله ونروح ندوره الين حصلناه قلت تكفى ياسالم شهادتك وعطاني الشهاده
وسيييييييييييييده للمكتبه
ورحت للمكتبه اللي جنب بيتنا ونلقى هالهندي وقلت ضبط الشهاده بعد مازينا الشهاده
رحت للبيت وانواع الأستقبال وانواع الحلويات وأنا آكل > من زين هالوجه يالمزور
وابوي يقولي ونعم والله يالو خالد بيضة وجهي يالذيب
وامي تقول والله لأقهر نوره جارتنا دايم تعايرني فيك وفي مستواك > تفكير مدري كيف جاي
وبعد أن نمت مادريت الا اخوي فارس يقول قم ياشيخ انا تعبت من صب القهوه ابوي عنده ضيوف
والضيوف هذولاء مايقدرون انواع الشرب لو تجيب وايت قهوه شربوه > هو صادق هع هع
قلت طيب واجي عند الرجاجيل وابوي يقول هذا فيصل واخذلي لفه على الضيوف الا ابو صديقي فهد
قالي جيب شهادتك يافيصل واجيب الشهاده الا من غبائنا انا وفهد شهاداتنا نفس الدرجات بس فهد
غبي لدرجه ماتتصورونها نسى حاجه بقولكم الحين
وبعد ماشاف الدرجات ابو فهد قال ما شاءالله عليك قلت وش تعطيني قال شوي بعطيك حاجه تحبها
وانا مستانس ياسلام أكيد بلاي ستيشن > متحطم مع البلاي ستيشن
وبعد ماراحوا الضيوف ماعدا ابو فهد
اتصل ابو فهد على بيتهم وقال نادوا فهد خلوه يجي بيت ابو فيصل
جاء فهد ويسلم علينا وأشوف وجهه فيه طقوق ويده لاف عليها بشاش
قلت انا شكله متضاب مع احد
قال ابو فهد يابو فيصل ناظر شهادة ولدي وولدك
وابوي يطالع بالشهادتين الا نفس الدرجات
قال غريبه شلون نفس الدرجات
قال اعلمك شلون ويطالع شهادة فهد اثر الهندي مانسخ اسم فهد وحط اسم سالم
قال بعد ماضربت فهد اعترف انهم مزورين الشهاده
الا ابوي يطالع فيني بحقد وعلى طول كف الا فهد يضحك وابوه يعطيه كف
وانواع الضرب مره ابوي علي الا يستلم المهمه ابوفهد وابوي يروح لفهد يضربه
وانتهت ليلتي ضرب في ضرب
مايستفاد من القصه :
لحد يزور ياطلاب قسم بالله لتنجلدون جلد
يامعشر الطلاب ذاكروا واجتهدوا واللعب مايصلح
ومـــــــــــضه :
احلى تحيه لدمااااااااار هع هع هع هع
ارجو ان القصه تحوز على رضائكم واعذرونا على القصور
اخوكم
مـــ ع ــانـــد
< جاي بقوووه لعالم النت والزحف كله
تحفه بس انا ما بازور لاني دافووووووووره ما يحتاج
معاند هذا اولهااااااااااااااااااااااااااااااااااا تزوير نورت العالم الجديد بس اهم شي
خذمنه المفيد وترك عنك الخرابيط .
تحياتي لك
خطيرة