البسبوسه اللذيذه يم يم لا تفوتكم 2024.

كيفكم يا حلوين إتمنى تكونو بخير
المهم أنا اليوم حابه أعلمكم طريقة بسبوسه روعه
بصراحه أنا البسبوسه كانت عقدتي يعني ماتزبط معايه وكل مره تخرب أقول هذي أخر مره أسويها لكن بعد فتره اسمع طريقه جديده اقول خليني أجربها على أمل تطلع حلوه ولا فيه فايد يعني بجد عقدتني
الكل يقول عنها اكله بسيطه وسهله إللا أنا المهم ما ابغى اطول القصه عليكم أخيراً اتعلمت هذا الطريقه وطلعت حلوه وبعد ما كانت عقدتي صرت مميزه فيها والكل يسألني عن الطريق
وحابه إني اقولها لكم بس جربوها وقولو رأيكم

المقادير /

كاس وثلاث ارباع الكاس سميد
ربع كاسه جوز الهند حسب الرغبه يعني ممكن ماتحطيه
3 فناجيل قهوه سكر
ملعقه كبيره بكج بودر
ملعقه فانيليا
3 ملاعق حليب بودره
علبه قشطه
علبه حليب بوني
علبه صغير حليب مركز (نستله)
ربع كاسه زيت

المهم تخلطيها جيدا ونحطها في صينيه مدهونه زيت ثم في الفرن لمن تتحمر من الاسفل تقريبن ثلث ساعه وبعدين لازم نحمرها من الاعلى ولمن نطلعها من الفرن نشربها شيره ونتركها حتى تبرد وبعدبن نقطعها وبالعافيه

اتمنى تعجبكم