في زحمة الافواه .. يا مزين الصمت !!
لا صار بعض البوح عند البشر عار
لو يشتعل جوفي حشى ما تكلّمت
تعبت من قولة : (علامك) و وش صار ؟
وان طحت ما ألقى سوى كلمة (سلمت)
واعذار اخلقها ولو مالي اعذار
مشّيتها مره .. ومرات ما رمت !!
كذبة صباح الخير/ يا صبح الانوار
عذري ليا عدّت ليالي ولا نمت
اسهر طوال الليل وضْيوفي افكار
واقول لاْصحابي : نعم توّني قمت !!
ما عاد فيني ألفت عْيون واْنظار
يكفي بأني من زماني تعلّمت
ان الصدر بيتــ ٍ.. وسكّانه اسرار
نيّام .. بس يصحون لامن تألّمت
يصحون ويناظرهم الجار والمار
وش عاد ينفع سترهم لو تكتّمت ؟!!
آقدّم اقدامي على درب الاصرار
امشي ولكن للأسف ما تقدّمت
النار قدامي .. ومن خلفي النار !!
والعمر يمضي بي وانا ما تولّمت
الين ذاك الحلم في لحظه انهار
وانا مع لحظة سقوطه تحطّمت
جروحي كثار..وتناهيدي كثار
لكن على كثر المواجع .. تبسّمت !!
ثم أْلتزمت الصمت وعزومي اكبار
ولو يشتعل جوفي حشى ما تكلّمت
في زحمة الافواه .. يا مزين الصمت !!
لا صار بعض البوح عند البشر عار
لو يشتعل جوفي حشى ما تكلّمت
تعبت من قولة : (علامك) و وش صار ؟
وان طحت ما ألقى سوى كلمة (سلمت)
واعذار اخلقها ولو مالي اعذار
مشرفتي الغاليه
الشاهينه
ابدعتي بكل مافي الكلمه من معني الابداع
والصمت لغه قليل من يجيدها
والصمت دائمآ ملاذ من لا يستطيع التعبير
عن ما يدور بداخله ليس لعجزه إنما
لان الكلام لان يوصل مايريد
راق لي ماراق لك ياعسل
تقبلي طلتي
دمتــي بالقرب
الـ عــنود.