سليمان المانع الغريب
( ابو روز )
هو الغريب ..
هو العجيب ..
هو لهيـب كل شمـعة حزن
هو شاعر الأنس والجـن
هكذا يكون عتاب سليمان المانع
العالم المجنـون وش دخلـك فيـه
ردي ترى ماني للأشـواق تمثـال
دامي بقايا إنسـان ليـه اشتريتيـه
ودامي طفل من علمك عشق الاطفال
لاتخجلينـي فـي كـلام المشاريـه
ولاتقتلينـي بالمواعـظ والأمثـال
أنـا الجنـون بروعتـه وبمعانيـه
يشقيك درب معاندي كـل ماطـال
وأنا الـذي لـو عذبـك مافهمتيـه
عشت اغتراب الحب شاعر ورحال
قولي خيالي ياخيالـي واقـول إيـه
طبعي قبل لاأعرف طريقك..ولازال
أما اهجري ليل الغـرام ومساريـه
والا اقبليني مثل ماني بهـا الحـال
قلبي عذاب مصارع الوقـت يكفيـه
وبعض الحكى من بيننا عيب ينقـال