طويت آخر بقايآ؛ ورق عندي في دفتر أحزاني …
طويته .. وانكسر قلبي وصوتي بالمواجع سال
ودريت إن الظلام اللي تحت كف السهر جاني !!
على صفحة من الماضي بها حلمي وعنواني ..
بها كم سافرت عيني ليالي والظلام أهوال
وبها كم سافرت روحي وأنا بالليل وحداني
((حبيبي كل ما أشوفك تجي بالذاكره تختال
نهر من بقايآ؛ الذكرى يجي من داخل أشجاني)) !!
تخيل !!
تخيل يوم عانقني بقايآ؛ .. خاطري وش قال !!
تخيل قبل أسولفلك نشدني عنك وجداني!.
نشدني لين خلاني (( مدينه هزها زلزال ))
تخيل !! ماهدى حتى لقاك بوسط شرياني
أروح لسدرة الموعد معاي لموعدك مرسال
وأخاف إنك تجي قبلي وترحل قبل تلقاني ..
هنا كانت ليالينا ((بقايآ؛)) والمقبلات(( آمال ))
وهنا كانت مواعيدك مطر تخضر به أغصاني !!
هنا شف .. بقايآ؛ آثارك على رمل الوعد مازال !.
وهنا شف دمعةٍ طاحت من عيونك على شاني
حبيبي !!
حبيبي لا تنشدني عن أوضاعي وكيف الحال !!!
أنا بعدك سحاب أبيض ((أضم الريح بأحضاني))
تسافر بي الذكرى وأحسب إني وصلت آخر وطن بالبال !!
واثرني ماوصلت إلا بداية درب حرماني
وتبقى بقايآ؛ الذكرى قصيده تكتب الترحال ..
سوالف للعيون اللي صداها "دمعةأحزاني"
مما راق لي
بدفئ مشاعر ورقي حس
سلمت يمناك
ولا عدمنا اختياراتك