للي الشرف بتصفحكم ديواني ومتابعة اخباري
انا كلي فخر بالجمهور العزيز الذي هم اساس كل شيء عندي
اتمنى ان جميع ماتبحثون عنه في هذا الديوان تجدونه
وان لم تجدوه ان تعذروني واستسمحكم العذر
هلا وغلا وتقبلوا اجمل وارق التحايا
##2##
اهدي هذا الديوان لمحبي /حسن المسعودي
من جميع الفئات والاجناس
محبكم
الشاعر/حسن علي المسعودي
عزتي للي سواتي ليـا حـل العصيـر
تزحمه صلف الهواجيس وتجي بخبـره
يتعبـر عبـرة كنهـا عبـرة صغـيـر
لابغـى شـئ يجيبـه وهـو مايقـدره
اليتيم اللي مابين العرب حظـه مريـر
كل من مره من القـوم اهانـه وقهـره
او كما حالة زعيم ضحا الهيـه كسيـر
كونه شبل على اول طلوعـه وكسـره
طاح قبل يهد فالقوم بالسيـف الشطيـر
قام يبغى ثأر ابـوه وقـع علـى اثـره
اوكما عود من الوقت واوجاعه ضريـر
جرجره وقته على آخر حياته جرجـره
راحوا أعياله سبب حادث هوله خطيـر
مابقاله منهم اللـي يشـد بـه اظهـره
صابني ماصابهم كلهـم حـزة عصيـر
وضاق بي رحب الفضاء بين بره وبحره
اتوجـد والتـوجـاد ماينـفـع فقـيـر
وان كشف سره لغيره مع الغبن احقـره
ضاقت الدنياء بوجهي مع اللي بي يصير
ومن تجرعها سواتي يتيـه بـه بصـره
صارت الرحله طويله وشـر مستطيـر
فجر ظهر وعصر ويحل ليلي واسهـره
كل وقتي كذبة مالهـا غيـري خشيـر
ايه كذبه واعشق الكذب حتى الغرغـره
دام من ينشدني اقول لـه دائـم بخيـر
وابتسم له في محيـاه والقلـب ادهـره
كني بظل البساتيـن وانـا فـي هجيـر
كذبة يلقـا بهـا الرجـل شـئ يستـره
الحيـاة معلمتـي كـذا وانـا صغيـر
مرني مامرنـي غيـر ماهـز اشعـره
والله لايجزاك بالخير ياوقـت العصيـر
يمكن انك ابديت لنـاس شـئ اذخـره
راكــب الـلــي صـفــار ازمـيـمـه مـــن امـــام
مـثـل صـفـرة ذهـــب ميـزيـونـة فـــي نـحـرهـا
اطـخــم راثـــم خـشـمــه شــعــار الـزعـامــه
سـلـعـة فـاخــره يـربــح بـهــا مـــن تـجـرهـا
جـيـب فكـسـار ومـــن اخـــر مـديــل وفـخـامـه
لاتـحـلـت بــهــا الـعـالــم يـتـيــه بـصـرهــا
اســـود كــنــه قـطـعــة لــيــل ولا غـمـامــه
اوكـمــا مـجـهـم يــــادوب حــســك وبــرهــا
صـنـعـة الـكـافـر الـلــي مــاعــرف لسـتـقـامـه
لـكـن انـــه صـنــع لـــه صـنـعـة ماخـسـرهـا
اجـتـهــد فــــي تصـامـيـمـه وزاد اهـتـمـامــه
وكــل صنـعـه صنعـهـا قـبــل صـنـعـه حـقـرهـا
كـمـلـه بـالـمـزايـا الــلــي تــــزود اقـيـامــه
وداره وحــافــه وكــــل الـمـزايــا اخـتـصـرهـا
حـبـكـة مـصـمـم فالـصـنـع يـحـمــل وســامــه
فـــاز بـااعـلـى درجـــات الـثـنـاء واحـتـكـرهـا
صـــدره للخـلـيـج وكــنــه يــعــرف تـهـامــه
كـنــه يـعــرف تـظـاريـس الــبــلاد وديــرهــا
مـوتـر لادخـــل فـــي سـاحــة الـبـيـع سـامــه
راعـــي الـمــال وان شـافــه فـلـوسـه دمــرهــا
قـــم يامـنـدوبـي اودعـــك واربــــط حــزامــه
واركـب الجيـب وانــص اهــل قـطـر فــي قطـرهـا
ولادخـلــت الـبـلـد حـــذراء تـجــاوز نـظـامــه
احـتـرم لنظـمـه واخـــذ الـعـبـر مـــن عـبـرهـا
وانـشـد اقــرب مـواطـن عــن بـيــوت الـزعـامـه
بيـت شـاعـر قـطـر فــي الـدولـه الـلـي حضـرهـا
فــي الكـويـت الشقـيـقـه نـــال كـــل احـتـرامـه
يـــوم مــثــل بــــلاده بالـقـصـيـد وعـمـرهــا
هـــادي الـلــي مواقـيـفـه بــعــزم وصــرامــه
يـعـشـق الـطـيـبـه ويــنــال مـنـهــا فـخـرهــا
لاوصـلـتــه تــريــض لاتــزيـــد احـتــدامــه
خـلـه ذي عـــادة لـــه مـــن صـغــر مـاهـجـر
يـكــرم الـظـيـف ويـزيــد الـكـرامــه كــرامــه
والـتـبـهـلال بـوجـيــه الــرجـــال يـغـمـرهــا
سـلـمـه خـطــي المـكـتـوب وازكـــى ســلامــه
وقـل رفيـقـك مــن اقـصـى الــدار سـطـر بحـرهـا
يشـكـرك يـاعـريـب الـجــد عـــن كـــل قـامــه
جـعـل يـفـداك اهـــل مـــال تـربــط اصـررهــا
وانــت وقفـاتـك الـلـي تـثـبـت اصـــدق قـرامــه
تفـنـي لـمـوال فـــي سـبــل الـوفــاء وتـهـدرهـا
صـاحـبـك مـــن مواقـيـفـك كـسـبـت احـتـرامــه
وشـاشــت الـــرؤس لفـعـالـك وجـــاه سـطـرهـا
بــيــض الله وجــهــك مـايـحـوشـك مــلامـــه
انــت غـيـمـه مـــن الـهـتـان يـغــدق مـطـرهـا
وانـتـظـر يـانـديـبـي لــيــن يـنـهــي كــلامــه
والـرسـالـه لاتـعـجـل ريـــض لـــه وانتـظـرهـا
وان عــطــاك الـرسـالــه ودعــــه بـالـسـلامـه
وحـــب خـشــم الـكـريـم الـلــي ذرع ماشـبـرهـا
الشعر ديوان العرب فـي الماضـي
يوم القنـا والسيـف حـده ماضـي
يـوم الرجاحـه والبيـوت الجزلـه
والشاعـر بشعـره يمثـل قاضـي
يعطي الرجـال احقوقهـا بالقسمـه
حتى لو ان ماهوب عنهـم راضـي
حتـى لـو اعـداءه ذكـر طيبتهـم
مـن ذكرهـم بالطيـب مايغتاضـي
وان ثارت الهيجـاء يشجـع ربعـه
حتـى يجـي لخيولهـم مركاضـي
يحثهـم علـى النصـر والهيـبـه
ويعزهـم لاجالـهـم كضّـاضـي
لـمـن دخلـهـم ذل ولا رجـفـه
وسمعو حداء الشاعر يجون اغلاضي
والشاعـر اليـا مـن نظـم قافيـه
يختـار منهـا طيـب الأفـاضـي
مايكتـب إلآكــل شــئ واقــع
ولايعـده كـود قـد لـه حاضـي
واليوم جـا بالشعـر عـدل ومايـل
والميـل ماخلـى العـدل يعتاضـي
صار الشعـر يكتـب بليـا معنـى
ويجيك هرج من المعانـي فاضـي
هـذا شتـم هـذا وهـذا هـمـش
فعـل القبايـل والفعـول اعرضـي
وهذاك صفـق لـه وسانـد قولـه
وقال انت نجمٍ فـي سمانـا ياضـي
وصار الخطاء على الخطاء متراكـم
لاعـاد لانهـضـه ولا نهـاضـي
تدهـو الشعـر وبكـاء لزحـولـه
ولاحدٍ بكالـه يـوم دمعـه فاضـي
وأصبـح يبـاع وينشـرى بالعملـه
يبـاع مثـل بيـعـة الأغـراضـي
ياماجـرى للشعـر تالـي وقـتـه
يقرض مثل ماتقـرض الاقراضـي
وكلن غداء شاعـر ونجـمٍ ساطـع
حتى لو أن شعره يجيك أخضاضـي
واستثنـي مـن الساحـه الشعبيـه
الشاعـر اللـي فالقصيـد يحاضـي
جزالـة المعنـى وحسـن المنطـق
والصدق ويجنب هـل الفضفاضـي
قاصايـده لاجـات نهـرٍ جــاري
تروي الكبود اللي شواها اللاضـي
ماهوب يأتي فـي النهـار العابـس
ويقص لك درب الهواء اللي خاضي
ويقـول احـب افـلانـه وفلتـانـه
وشعبـه مـن التدميـر بالأنقاضـي
ياخـي تـرا بطيـت كبـد الساحـه
والمستمـع جنـبـك بالعـراضـي
ازعجتنـا الله يزعجـك يالمـزعـج
الناس ماتت وانـت حـبٍ فاضـي
أنظـر يسـارك وألتفـت ليميـنـك
وتشوف من لوجاع شعـبٍ قاضـي
تشـوف طفـلٍ تـو فوهـة مدفـع
وتشـوف بنـتٍ جالهـا جضاضـي
تخشـى يفـض أبكارهـا لعـداهـا
عدوانـهـا هتـاكـة الأعـراضـي
وتشـوف ثكـلان الشيـوخ الركـع
اللـي منازلهـم تهـد افـراضـي
شف ويش يحصل فالعراق وشعبـه
والقدس وأطفالـه وجـرحٍ جاضـي
جـرح العروبـه ماتوقـف نـزفـه
وانتـه بعشقـك هايـمٍ متغـاضـي
ياأخي تراء الاوضـاع مـره مُـره
والناس ملت وانـت منـت بقاضـي
الشعر يبغـى شاعـرٍ لـه صاحـي
يوضفه حسـب الحـدث لاهاضـي
وانا مااقـول انـي سفيـر المعنـى
ولا ابلـغ الشـعـار بالإيعـاضـي
لكـنـي ارى شــئ وانـوهـبـه
ولاعلي من زاعـل ومـن راضـي
تمـت وصلـى الله علـى قدوتـنـا
شفيعنـا فـي ساعـة المنهـاضـي
يالسعودي وادري انك ما انت في حاجة وصايا
بس أحرص والمحب يحرص اللي يحب دايـم
قلت أحرص من غلاك ومن خلايا في خلايـا
غيرة(ن) مني على اللي ما رضا لي بالظلايـم
ايه احب المملكه مـن قلـب حكـام ورعايـا
ديرة(ن) يـا علهـا للعـز موفـور النعايـم
ديرة(ن) يوم ان جيناها علـى حـد النهايـه؟
رجعتنـا للبدايـه عقـب مـا كنـا قسـايـم
ليش ما قلبي عليها؟ دام في عمـري بقايـا؟
والله ليبطي غلاها لـو لقيـت الفيـن لايـم
أيـه يـادار الرسالـه والنبـوه والهـدايـا
أفرحي ما دام راسـه حـي ويشـم النسايـم
الفهد عز البلـد زيـزوم ممـدوح السجايـا
ما زبن في ظله المضيوم واستافـاه ضايـم !!
دام عز الاسـره اللـي وحـدة كـل القرايـا
وحدة بيـن الجمـوع المستبـده والخصايـم
قالها اللي حبهم ماهـو بمـن بـاب الدعايـا
وقالها اللي عاش ظلم وعاش ذل (ام الهزايم)
كان ما صرتوا يد(ن) وحده على خباث النوايا
؟؟والله لتمسون خير وتصبحون من الندايم !!
البلد مستهدفـه تكفـون مـن كـل الزوايـا
حملوهـا بالذنـوب وحملوهـا بالتهـايـم!!
أيه ماهي قبلـة الاسـلام؟؟ متهومـة خطايـا
كرم الله ديـرة البيتيـن مـن كـل الشتايـم
أمس طاعنها الخبيث اللي يحرسنـه صبايـا!
ساقط من الدين لا صـلا ولا مذكـور صايـم
راعي الكتاب الاخضر ما تفيـد ابـه الحكايـا
يكرم القرآن عنّـه والسعـودي عنـه شايـم
أفطنوا تكفـون يالعقـال مـن سـم الحيايـا
ناقلين الخرج واثر الخرج فيه الداب نايـم !!!
أنبذوا راعي الفتن لا تتهمون (أهل اللحايـا)
تكرم اللحيـه عـن الخـوان بيـاع الذمايـم
يلبسون (أعبي)ويعيشـون فـي ذل وخزايـا
ويستقلون الفرص للشـر وكبـار الجرايـم!!
يالسعودي والجهاد العيـن ماهـو بالكفايـا؟!
انـك اتجاهـد هـل الفتنـه مليمـة الهلايـم
مانبـذه المجتمـع خلـوه قـايـد للسـرايـا
؟؟تبت يدين(ن) تبي طولـة مغذيـة اليتايـم
ديرتك والشعب شف قامـت تخطفـه المنايـا
انتبه ياقلب ياللي فـي غريـر الوقـت هايـم
ديرة(ن) مصيونة(ن) من فضل خلاق البرايـا
دام عز المملكه في دبرتـه راعـي العزايـم
والله ان غير (أسرة آل سعود) ياهاك المزايا
الامان ووحدة الديره ومـا شابـه عدايـم !!
رغم ماراحت فدا الديره من ارواح وضحايـا
شامخه ويموت حاسدها ومـن فيهـا حشايـم
يالله اني طالبك ياللـي نجـي يمـك عرايـا
انـك تعـز السعوديـه وجنبهـا الهـزايـم
يالسعودي والتفاف الشعب من كـل الزوايـا
حول حكامه فهي والله مـن كبـار الغنايـم !!
قلتها من قلب مخلـص والله أعلـم بالنوايـا
غيرة(ن) مني على اللي مارضا لي بالظلايم!!
يالكويتي وادري انك رأس وصطـاره حمايـا
لرفيق اعلاج واخصامـك لهاجـرح اوسايـم
شاعرٍ بسم الكويت ارسل على اصحابه وصايا
لسعودييـن يرسلـهـا ويقدمـهـا قـدايـم
البيوت اجزال وبيوتي لهـا سـارت جرايـا
وحاطب الغابه مخـلا مـن وراه إلا الهشايـم
بـس قلـت ارد لعلـه يجملـنـي صـدايـا
موقفي يفرض علي والرأس للصعبـات رايـم
مرحبا ياللي ورثت الطيب مـن كـل النحايـا
من خوال ومن عمام ومـن مقـامٍ دوم قايـم
ياحمـد ياعـل ماهـي بيننـا بتـلا التلايـا
الدلال امهيلـه والكيـف للـرؤس الضرايـم
وجعل من يجحد معاريف العرب حمر اللضايـا
والله انـه مايجـي بالفـود كتـات الخرايـم
وانت مثلت الكويـت وحبهـا بيـن الحنايـا
مثل ماقلبك علـى حـب السعوديـه امهايـم
والكويت ان حبهـا والحـب بقلـوبٍ نقايـا
والغلا لهل الكويـت يـدوم دام الطيـر حايـم
والشيوخ آل الصباح اللـي يحلـون القضايـا
عاشت ابلاد الكويت بهيبـة اكبـار العمايـم
وانت تحكي ياحمد بالصدق وهروجك جرايـا
كل ماقلته صحيح ولاعلى اهل الصـدق لايـم
لكـن ابشـرك واطمنـك يازبـن الجـلايـا
ان دولتنـا لهـا سلطـه وتحماهـا الصتايـم
مملكتنـا شامخـه ولاتزعزعـهـا الجنـايـا
امنها مازعزعـوه اهـل الدناسـه والخمايـم
في ذرا الله ثم ذرا آل سعود مروية الضمايـا
مروية علـط الرمـاح اولايحبـون الهضايـم
في نهـاراً جـاري الـدم الحمـر ماينتنايـا
والعضام امن السيوف وقعها راحـت حطايـم
فزعة المقسي عليـه اليـا تولتـه القسايـا
كـل خايـف لازبنهـم فالحمـا تلقـاه نايـم
والقبايـل عاهـدة واعطـت ولاهـا للولايـا
من جميع انحا البـلاد نجـدد البيعـه ولايـم
من ورى نجران لا ظهران لاسبـت العلايـا
للحجاز الى روابـي نجـد وريـاض الكرايـم
للشمال وماحـوت للسّاحـل الشرقـي سدايـا
عصبة وحـده علـى اشـارة ملكنـا للّزايـم
لادحـم نتاشهـا ترباسـهـا ودوت مـلايـا
كل رجلٍ قاد نفسه يم حـوض المـوت سايـم
لاتهمـك ياحمـد نـاسٍ نوايـاهـم دنـايـا
كلهم راحو لسيف الشـرع وشعـاره ولايـم
عالمٍ تمشي على تفكيرهـا ألاعمـى عمايـا
لين خانوا دينهـم وبلادهـم والضيـم ضايـم
في نهار العيد كل يسوق مـن بيتـه ضحايـا
والله اللي ساق هؤلاء مثـل سـوق البهايـم
شرذمة ناسٍ هقاويهـا غـدت بيـن الهقايـا
زمـرة الشيطـان مايعصمهـم الله بالعصايـم
والله ايطول بعمرك ياحمـد راعـى العطايـا
انت من قومٍ تبين ان ثـار للهيجـا عسايـم
وانتهت وقبل سلامـي عـد همـال الرفايـا
لاتزبـر نوهـا ثـم جـاء لراعدهـا رزايـم