نعيش اليوم لنواكب حاضر رسمنا له ولم نرى الا الشي القليل ونبقى
على ذكرى ماضي ام تدفعنا للامام لنتقدم او تجرنا للخلف ليبقى
نسكنه ويسكننا ويعذبنا
اما من اختار ان يكون من الفئه الاولى سيرى قصص كثيره ونجاحات
ومطبات وزلات للاخرين يتعلم منها دروس وعبر لتكبر خبرته للحياه
ام الفئه الثانيه فلا ترى الخطاء الابها ولا السوء الا منها فلا تجربه اكبر من تجربتها ولا الم اعظم من المها
Aseert a7ani
ربما تتشابه الاسماء وبعض الاحداث ولكن الافكار والعواطف لاتتشابه ولا تتكرر اسرد لكم احداث قصتي ومادار في جعبتي وما خطته على الاوارق انامي اتمنى ان تنال على اعجابكم
اتقبل مروركم بصدر رحب واتمنى ان يكون النقد في نهايه الروايه
فهي وليدة الاولى راجيه من الله التوفيق
ملاحظه ؛نزول البارتات حسب التفاعل مع البارتين الاولى وبعد ذلك يصبح بارتين في الاسبوع وعند تاخري لاي سبب سيتم ابغكم قبلها بوقت كافي
$العائله$
ذلك العالم الذي نراه في طفولتنا العالم باسره ومامن نكبرحتى نراه اصغر من ذلك بكثيرعالم احتوانا وضمنا بين جنبيه احبونا كثيراعلمونا كل تجاربهم وسنقى في اعينهم الاطفال انفسهم
عائله كبيره تتكون من ولدين وثلاث بنات ابوهم وامهم واختهم الكبيره توفوا في حادث مروري من زمان مخلفين وراهم اطفال بالاضافه الى ابن اختهم هنا (ماجد) اول اولاد العائله واكبرهم وهو من تولى تربيه اخوانه وولد اخته
اكبر اخوانه يعمل دكتور استشاري له هيبته واحترامه في كل مكان يروحه مثل ماذكرت ربى اخوانه من يومه بالثانوي وشتغل حتى وهو بالجامعه .انسان ناجح عاقل منطقي لابعد حد ولكنه حنون خصوصا على اخواته البنا ت يمتلك قدر من الجمال والوسامه
متزوج من …((دلال))
زوجه مثاليه بكل ماتحمله الكلمه من معنى تشاركت مع زوجها حياته وحتى في تربيه اخوانه من البدايه تحملت كل شي ,ذات جمال فريد وعقل رغم سنها الانها تبان في بدايه الثلاثين بنت احد اكبر التجار ولكنها تخلت عن المال مقابل حبها لزوجها .خريجه علم نفس
هذا الثنائي يمثل الاب والام لكل العائله و قصه حب حقيقه على ارض الواقع مضرب للمثل في التفاهم
الابناء:.
عبد الله: اكبر ابناء وليد توفي وهو عمره 7 سنين سبب صدمه لامه وابوه حتى انهم مانجبوا بعده الا بعد فتره طويله
بندر:ولد اخته هيفاء (رح نذكر قصتها بعدين) مايعرف اب ولاام الاوليد ودلال ربوه من يوم عمره سنتين
انسان مرح دايما يحب يبسط الي حوله مبتسم على طول عايش حياته طولxعرض (زي مايحكم عليه الي حوله) بس الحقيقيه غير وسيم وقصير القامه .شايل فكره الزواج من راسه نهاائيا راح نعرف ليه ؟؟
راح نكشفها خلال الاحداث .خريج تسويق عمره 25
ميساء:اخت وليد الصغيره عمرها28 سنه اخر العنقود دلوعه وجميله جدا جدا ونعومه دمعتها حاضره تحب اخوها وليد وعندها هو الدنيا كلها تدرس في الجامعه قسم احياء
(لها قصه وسر عميق لاحد يعرفه سوا وليد)
ريماس:بنته الوحيده بالدم ولكن بالنسبه لها ولاهلها لها اخت واخ (بندر وميساء)عمرها 21 انسانه تشبه امها في الجمال كثير تجمع بين الدلع وقوه الشخصي هالشي حاول ابوها يربيها فيها ونجح فعلا تدرس علوم اداريه
((خالد))
الاخ الثاني في العايله والاصغر من وليد له هيبته بسبب شغله كلواء في الشرطه قاسي على كل الناس الازوجته شخصيته ضعيفه قدامها
(حنان)
زوجة خالد متسلطه ماتحب( دلال) الي تصير بنت خالتها وهذا سبب الخلاف والقطيعه بين عايله خالد ووليد
الابناء:
وليد: عمره 30 سنه مسمى على عمه بس مايشبهه ابدا شخص صامت دائما كتوم مايتكلم مع احد ولااحد يعرف عنه شي كلمته وحده مايتراجع عنها صح كانت ولا غلط يشتغل في المباحث متزوج بس انفصل عن زوجته لاسباب مجهوله مااحد يعرفها بس رح تعرفونها انتو قريب على قدر كبير من الوسامه والجاذبيه ويحليه احيانا ثقله جسمه رياضي
عبدالله: عمره 27 مرح و حبوب يحب يفلها يشتغل في شركه شخصيته قريبه لشخيصه بندر
نهى:حبوبه وطيبه عمرها 24 هاديه تحب اخوها وليد رغم انه مايهتم فيها ماكملت جامعه
منى:متسلطه زي امها ماتحب احد من اهلها متسخطه من المجتمع والعادات عمرها 20 سنه اول سنه في في الجامعه لغه انجليزيه
طلال:عمره 18 يخاااف من وليد شاطر بالمدرسه يحب الدراسه يتمنى يطلع دكتور
لمى :اخر العنقود والدلوعه بالبيت عمرها 7 سنين
((ماجد))
ولد اخت وليد الكبير ه
الي توفت مع ابوها وامها بالحادث رباه خاله يقله يبه
رجل اعمال وغني جدا ناجح ذكي يحب شغله متعود كل خميس يروح هو واهله بيت خاله و ابوه مثل مايحب يناديه متزوج من.. ((هدى)) زوجه طيبه وام حنونه شاركت زوجها نجاحاته. مثقفه وتحب القراءة
الابناء :
محمد:يد ابوه اليمين يقدس العمل وهو عنده فوق كل اعتبار عمره 31متزوج من….اسماء:تحب زوجها ولكنها لا تعلم هل يبادلها نفس الشعور بنت زميل والده واحد اكبر رجال الاعمال دلوعه وجميله وانيقه جدا
سيف:عمره 28 سنه عاطل مايشتغل ولايحب الشغل اهم شي البنات والوناسه
عبدالاله:عمره 26 سنه هادي عايش في عزله بسبب اعاقه في الرجل اثنا الولاده مع انه على قدر كبير من الوسامه والجمال والذكاء يشتغل مع الدكتور وليد في المستشفى خريج علوم اداريه
سمروسحر :توائم حلوين ويحبون بعضهم كثير ودائما مع بعض يدرسون بالجامعه قسم رياضيات
((هيفاء))
اخت وليد وام بندر بالاسم فقط قاطعت كل العايله بعد زواجها من زوجها الثاني وتخليها عن ولدها لها ثلاث اولاد وبنت
سلطان _سلمان_سليمان_سهام (عبد العزيز)
زوج هيفاء متسلط ومغرور مايحب اهل زوجته وهو الي طلب منها تقاطع اهلها..غني عنده اموال مو معروفه المصدر
$هم من دعونا لنتعرف عليهم$
لا يختار الانسان نفسه ولا شخصيته والاناس الذين يعيش معهم
ولكنها لعبه لا ناقه لنافيها ولاجمل فلا تحاول ان تغيرمن الحقيقيه والواقع فلست المتحكم فيها دع الامور لباريها
في بيت الدكتور وليد بيت فخم ولكنه بسيط تلفه الالفه كان قاعد يفطر وهو ودلال سالته
دلال:بتتاخر اليوم حبيبي.؟
وليد : مدري حسب اكيد بكلمك لو بتاخر
اروووووووووح ملح على الغزل من الصبح صوت (بندر)
وهو داخل عليهم غرفه السفره :اعقلوا وش ذا الاهل الي بخربون عيالهم قدروا فيه ناس عزابيه
دلال:هههههههههه ياحلوك وياخف دمك تعال افطر
بندر:فديت الضحكه والله
وليد: اصلا مو مخربك الا دلع امك
راح بندر حب على راس امه وابوه وهو يقول :كلكم خربتوني ولا نسيتوا كل صبح وانا اقفطكم؟
ريماس داخله :صباحكم ورد وجوري
وليد :هلا صبح النور ..راحت على طول باست خد ابوها
دلال : صباحك ورد يللا افطري علشان جامعتك ,راحت باست خد امها وجلست
بندر: وانا ولد البطه السوداء
وليد ودلال :هههههههههههه
ريماس :لا انت البطه بكبرها
ميساء داخله بهدوء وبصوتها الناعم المبحوح
:صباح الخير
الكل صباح النور
وليد : كيف حبيبت ابوها
ميساء: احم احم تسلم بخير بشوفتكم
بندر:ااااااه وش ذا اقول ريماس بذوب الحقي علي (يتريق على ميساء)وانت يالوالد ماشاء الله حبيبتي وحبيبتي مغطي علينا ترى
قام وليد : ادري من زمان يللا انا رايح الدوام تامرون شي
الكل سلامتك
دلال : انا بوصلك لباب
بندر: تراه يعرفه من زمان ساكن عندنا
ريماس:ههههههههههه
ميساء:متى تروح الجامعه؟
بندر: الحين.. ليه؟
ميساء : وديني معك
ريماس: وانا بعد
بندر: ام البلشات انتي خلصتي جامعه ليه تروحين وانتي ليه ماتروحين مع السواق
ميساء:انا فيه اوراق بكملها بالجامعه على شان الدراسات العليا
ريماس:وانا بجي معك لعانه
بندر: لعانه؟؟؟؟؟طييييب
دلال : يللا ياولادي الله يصلحكم
بندر: ابشري ياغاليه .بس لا تقولين اولادي قولي اخواني شي زي كذا
دلال:طيب بس يللا…ميس متى خلصتي كلميني عشان ارسلك السواق
ميساء:لاااا السواق لا
دلال : طيب مين يجيبك
بندر: انا بجي اخذك
ميساء:ايوه احسن
ريماس:وانااااااااااا
بندر:لااااحوووووووول من وين تطلعين
ريماس:من بطن امي هاهاهاها
بندر: ظريفه يللا مشينا …. مع السلامه ياالغاليه دعواتك
دلال: في حفظ ربي الله يوفقكم
وطلعوا كلهم من البيت بسيارة بندرالاسبوت
الحمراء
متجهين للجامعه
************
في بيت اخر نازل من الدرج مستعجل شوي
حنان: شوي شوي ثاني شي سلم اذا دخلت على ناس وش كبرك ونقعد نعلمك
وليدبنظره قويه لامه) ماحد طلبكم تعلموني
وطلع من البيت
حنان: ماحد عاجبه قليل حياء
نهى: يمه حرام عليك ليه تقولين عنه كذا؟
حنان : انتي كلي تبن واسكتي ماحد كلمك لو فيك خير كان كملتي دراستك بدل جلستك في وجهي
نهى: شكرا يمه ماقصرتي
طلال:خخخخخخخخخ حلو التهزئ من الصبح
حنان: كل انت وقم انقلع على مدرستك
طلال:ابشري
وقام بسرعه وشال شماغه وطلع
منى:وين ابويه
حنان: طلع من بدري مدري وين راح
ويللا انتي بعد قومي على جامعتك
منى: اووووف دراسه دراسه وش ذا ..وقامت تتجهز
*************
في غرفه نوم من اللون الابيض والاسود لفها الهدؤ والبروده من المكيف ومن الفراغ يرن جرس منبه جواله ويقوم بهدؤ وشافها جنبه ولااهتم اهم شي مايتاخر عن الدوام راح الحمام( اكرمكم الله ) ياخذله شور فتحت عيونها وابتسمت ابتسامه سخريه على وضعها مع زوجها الي ماتغير من يوم زواجهم الى اليوم قامت من السرير واتجهت للحمام الثاني دخلت وغسلت وجهها وناظرت فيه فتره طويله والمويه تنزل من جبينها الابيض بنسياب وخصل من شعرها الاسود متناثره على وجهها
أسماء: معقوله مو ماليه عينه ولا مو عاجبته
طلع محمد من الحمام تفرج على السرير مو موجوده ولا اهتم اصلا لبس ثوبه وشماغه ولبس ساعته وبخ من عطره وطلع
عرفت انه طلع من ريحه العطر الي تدوخها ومستحيل ماتعرفها وشلون وهي ريحه حبيبها
نزل الدرج
محمد: السلام وين ابويه
هدى وسمر وسحر: وعليكم السلام
هدى: ابوك طلع
جاء وسلم على راس امه
محمد: اجل انا استاذن
هدى:طيب افطر
محمد: لا مايحتاج
هدى: طيب وين زوجتك ؟
محمد: مدري عنها يللا سلام
وطلع
هدى : تردد كلمته مدري عنها ليه مو معها بنفس الغرفه؟؟
سمر: ليه ماتعرفينه ولدك ؟ مايدري الا عن الشغل بس شي ثاني ميييح
سحر: والله مسكينه زوجته مو داري عنها
كانت نازله من الدرج بس مو حاسين فيها
حست بالم بصدرها اعرف ان كلامهم صحيح بس ياليتني مت ولااسمعه من احد صدق الحقيقيه مره
ورجعت لجناحهم وجلست بالصاله يمتزج فيها درجات البني والبيج
سبحان الله حتى البيت اللوانه رسميه والالوان الي اكراهها هه هو سالني اصلا وش احب والله حاله
*************
يمشي في اسياب المستشفى الي اسسه وكان واحد من اكبر احلامه وتحقق واصبح من اكبر المستشفيات في المملكه وكيف وصاحبه دكتور ناجح مثل(الدكتور وليد)
دخل قسم الاداره مر على السكرتير ياسر وسلم
وليد :السلام عليكم كيفك ياسر؟
ياسر:وعليكم السلام دكتور بخير دامك بخير
ودخل وليد المكتب وتبعه ياسر
وليد:عبدالاله وصل؟
ياسر : اكيد يادكتور قبلنا كلنا
وليد: الله يحميه مايقصر .. يكلمه وهو يقلب اوراق بيده على المكتب بعدين تكلم خلاص رح ياياسر وناديلي عبدالاله
ياسر: ابشر
ثواني هدوء في المكتب الا ويندق الباب
وليد:ادخل من غير ماتدق
عبدالاله:فتح الباب وابتسم يحب هالانسن ويتعلم منه كثير
السلام عليكم كيفك ياجدي
وليد:هههه وعليكم السلام والرحمه مايكبرني الا انت وشو جدي انا توني شباب حتى يمكن اتزوج
عبدالاله:لااااااا الا بذي مستحيل اصدق اعرفك ماتتخلى عن جدتي لو ايش … تكلم وهو يجلس مقابله على المكتب
وليد: مشكله المكشوف….. يللا خلنا نرجع للشغل شوف هاذي اوراق لاجهزه جديده راح نشتريها راجعلي الاوراق وانا بروح اشوف المرضى واي شي كلمني اجيلك
عبدالاله:ابشر ولاتشيل هم
طلع وليد من المكتب متجه ليزاول مهنته التي لطالما احبها راح اتجاه الاصنصير بيضغط الزر الى بيد تمند وتضغطها قبله لف يبي يشوف من …. ابتسم لزميله ورفيق دربه ودراسته
((مؤيد))
صديق وليد الوحيد من طفولتهم يمني حاصل على الجنسيه السعوديه يحب وليد ويعتبره اخوه الي ماولدته امه عصبي وجدي ولو احد يزعله ماعد يعرف حتى لو امه
متزوج من…….(سارة) دكتوره نساء وولادة تعمل في احد المستشفيات طيبه جدا جدا وبالها طويل اكبر دليل انها قصدرت تتحمل زوجها
الابناء:
مصعب:الصديق المقرب لوليد الابن الاكبر لخالد ومع ذلك لايعرف عنه الكثير ومع ذلك يرتاحله ويحبه خريج هندسه ويعمل في احدى المكاتب الهندسيه
ايمان:ذكيه وحبوبه شاطره بدراستها بس خلصت الجامعه وقعدت بالبيت تحب قعدت البيت
مؤيد:بتطلع القسم من غيري؟؟؟ افا ماهقيتها
وليد:وشله اخذك معي انا تخصصي باطنيه وانت تخصصك قلب
مؤيد :اقول ياحبك للتصريف
يللا روح من الدرج صحي للقلب وانا بروح بالاصنصير ولا نسيت انا الي موقفه
وليد: هههههههه طيب بردوده
واتجه كلان لعمله
مازال يقلب الاوراق الي بين يديه زي ماوصاه جده يسوي نزل الاوارق من يده ورجع راسه على الكرسي تفرج على ديكور المكتب غايه في الجمال وابتسم لما تذكر الي اختارته وجال نظره
اللوانه مابين الرمادي والبيج يجمع بين الاناقه والبساطه زي الي اختارته قال هالكلام بنفسه (مين يقصد ياترى)؟؟
********************
$قد تكشف بعض الاسرار$
امور نخفيها عمن حولنا ونريد احيانا ان نخفيها حتى عن انفسنا
نتمى لولم تحصل اصلا ولكنها كذالك شائت الاقدار
فاصبحت واقع مرير لانزال نوهم انفسنا انه خيال وحلم
في الجامعه واقفه قدام العامده وترتجف لازم تدخل بس تخاف من المواجهه واقفه تفرك يديها حست بالبرد في عز الظهر..تنفست بقوه عسى ان يكون دافع تجرات والحمدلله ودقت الباب
ميساء:احم احم ااسلااام عليكم
الموظفه: وعليكم السلام ,نعم كيف اخدمك ؟
ميساء:لو سمحتي فيه اوراق ابي اكملها ممكن !
الموظفه :طيب اعطيني وانا ادخلها للعميده
مدت لها الاوراق ويدها ترتجف الموظفه استغربت وضعها
واخذت الاوراق ودخلتها وجلست تتفرج في المكتب وتهز رجلها بتوتر بعد فتره من الوقت مو طويله طلعت من المكتب ومدت لها الاوراق وقالت وهي مبتسمه:تفضلي انقبل طلبك
ميساء: والله…. مشكوره واخذت الاوراق وطلعت
طلعت بالساحه وطلعت الجوال ودقت على جوال بندر وظلت تدق مايرد خافت وتوترت حست شكلها غلط وهي واقفه بنص الساحه ورايحه جايه وشوي وتبكي ماعرفت وش تسوي مالقت قدامها الا هو
دقت على رقم مسجلته الوالد الغالي
رن مره ثنتين رد وهو يقول :هلا يبه
ميساء:وينك ؟؟..وصوتها فيه البكى
وليد:بالمستشفى …ليه؟اشفيه صوتك؟
ماتحملت بكت وهو يسمعها خاف
وليد:ميساء وشفيك خوفتيني تكلمي
:انا بالجامعه بندر مايرد وانامابي اجلس لوحدي خايفه
وليد:انا بترك الي بيدي وباجيك خلاص لاتبكين طيب
ميساء:طيب لاتتاخر
وسكرت التلفون
كان طالع قسم العانيه المركزه ولكنه تراجع ونزل راح جهة المكتب فسخ البالطو ولبس جاكيته الجنز واخذ مفتاح السياره وجواله وهو طالع يكلم ياسر
وليد:انا طالع مدري ارجع ولا لا بس كلم دكتور اشرف خليه يكمل المرضى الي مارحتلهم
ياسر:طيب ابشر
وليد: سلم وطلع
وهو راكب سيارته متكي يده على الشباك وماسك راسه ويتذكر قبل عشرين سنه ذكرى عذبته وعذبت روحه وبنته واخته وقطعه من قلبه *ميساء*
كانت طفله في 8 سنوات كانت جالسه في الحوش تلعب طلع وليد رايح لدوامه فتره العصر جلس نص جلسه وباسها على خدهاوقالها :وش تسوين؟
ميساء:العب مع النونو(لعبتها)
وليد:طيب اتبهي لنفسك ولاتطلعين برا خلاص
ميساء:طيب
وراح رجع في المغرب حس قلبه ناغزه دخل البيت
وليد : مساء الخير
الكل :مساء الخير
جال بنظره وين ميساء
الكل صمت
بصوت عالي موخيف وينهاااا
خالد: ماندري نحسبها معك دورنها في الحوش مالقيناها
طلع من البيت زي المجنون ويدور ويسال الاولاد والجيران مااحد شافها
قابله ولد بالثمان سنين:انت اختك لابسه فستان احمر
وليد:لف عليه ومسكه… ايوه شفتها وينها
الولد:شفتها نايمه في العماره ….. تبع بنظره المكان الي يشير له وجدها عماره في طورالبناء
اتجه للمكان المنشود وهو يركض ويركض دخل لقيها فاضيه ومظلمه وبدا يناديها:ميساااااء ميسسسسسسسااااااااء
مافيه رد طلع لدورالثاني الدنيا ليل والمكان مظلم مو شايف شي يحاول يكون حذر بمكان رجله حس بشي عند رجليه نزل بدا يلمس وبدا نفسه يتصاعد عرف انها اخته رفعها وشالها بين يديه ونزل يركض فيها ولما طلع لشارع شاف الدم مغطيها ولايصدر منها أي حركه ركض وركض لما وصل لسيارته وحطها جنبه ومشى ابسرع مايمكن ووصل للمستشفى ونزل وهو يصرخ ابغى دكتور بسرعه وصلت له ممرضه وهي تجرالنقاله وحطوا الطفله فيها بدون أي حركه منها ودخلوها ودخل الدكتور وراهم وطلب من وليد يطلع برا طلع من غير مناقشه ونسي حتى انه دكتور طلع الدكتور وقاله لازم ندخلها العمليات ….انت ابوها
وليد: ايوه انا …هي حالتها خطيره؟
الطبيب: انشاء الله خير
وندخلوها غرفه عمليات وجلست ساعتين مرت كانها سنتين
طلع الدكتور على طول وقف وليد :طمني يادكتور
الطبيب: خير انشاء الله ….. حط يده على كتف وليد وهو يقول:كل شي يريده ربنابيصير
وليد:ماتت؟؟؟
الطبيب:لالا حيه الحمدلله.تعال المكتب نتكلم
وليد:بس بشوفها
الطبيب:طيب بس لما نخلص كلامنا
مشوا الاثنين للمكتب
جلس الدكتور وجلس وليد
وبدا يساله الدكتور
:كم عمرها
وليد: 8 سنين
الطبيب:طيب وش صار معها
حكاله وليد على السالفه هز الدكتور راسه
بعدين سال هي بنتك الوحيده
وليد: هي مو بنتي هي اختي بس انا الي مربيهاواعتبرها بنتي
الطبيب :اها
وليد: طمني !!
الطبيب خلع نظارته وقال:انت انسان مؤمن واحنا بشر مو بيدنا شي وكل شي كاتبه ربنا بيصير
وليد: طيب
الطبيب: الحقيقه اختك تعرضت للاغتصاب ومن الواضح انها قاومت علشان كذا اضطر انه يضربها زي مانت شايف وهي الحين في غيبوبه
وليد: من الصدمه وقف وجلس على ركبه ودموعه تنزل
ولاقدر يرد باي كلمه
الطبيب: لازم المستشفى يبلغ الشرطه
وليد:ابي اشوفها
الطبيب:اوكي
وراح هو ودخل هو ووليد العنايه المركزه شافها ممدده على سرير كبير والاجهزه موصله من كل جهه حط وجهه بين يديه وبكى من قلب اخته ضاعت من بين يديه
حس بيد على كتفه لف لقيه شرطي
: الله يصبركم… انت ولي امرها؟
وليد: ايو انا
الشرطي: لازم تروح معنا القسم نكمل اجراءات
وليد: طيب
صحي من ذكراه الالميه على صوت الجوال يرن
رفعه وقال اطلعي انا برا
ثواني وهي معه بالسياره
وليد: كيف وش سويتي ؟
ميساء: الحمدلله انقبلت
وليد: اكيد مارح يلقون احسن منك
ميساء: انت الي شايف كذاولاانا مافيني شي زود
وليد: الا فيك بس انتي ماتبين تشوفين ….لاتنسين موعدنا اليوم
ميساء :تتنهد …لا مانسيت
وليد:ليه تتنهدين؟
ميساء: مدري متوتره
وليد:لا تتوترين وتخافين من كل الناس الا انا ودكتورك
ميساء: اكيد مااحد يعرف مصيبتي الاانتو
وليد لا تقولن ذا الكلام سامعه مو مصيبه هذا قدر ربك تقدرين تردينه؟؟؟
ميساء: لا
وليد: اجل خلاص
ووصلوا البيت كان بندر واصل
وليد : اوريك فيه
ميساء: هههههه خله اكيد نسي
وليد: نسي …. بنشوف
مشوا سوا ودخلو البيت قابلتهم دلال : هلا وغلا وينكم تاخرتوا
وليد: على بال مااخذت ميوس من الجامعه
وجينا دلال: الله يحييكم يللا انا بحط الغداء
وليد: تسلم يديك
ميساء : وينه بندر؟
وليد: ايه صح وينه التيس ارسله يجيب اخته يسحب
دلال: فوق في غرفته طلعوا كلهم الدرج بحكم ان الدور الارضي استقبال ومجالس والدور العلوي غرف نوم وجلسه للعايله
اتجهت ميساء ودلال الى المطبخ ووليد لغرفه بندر دق الباب مارد
فتح لقيه مشغل ابو نوره*مطربه المفضل والوحيد مايسمع الاله*(وللمعلومه بندر يمتلك صوت جميل وجريح الكل يحب يسمعه خصوصا اذا غنى لابونورة)
كانت الاغنيه :
يامشاء الله عليك …. كل جمال الكون فيك
كل من شافك يقلك … يامشاء الله عليك
لو فيه مثلك كثير…. الدنيا صارت بخير
صدقني وبكل صراحه…. في كل شي انت غير
يامشاءالله عليك…. كل جمال الكون فيك
رقه وجمال وحلا…. ابهرت كل الملا
تسكن القلب بسهوله …. تسرق بلحظه الغلا
يامشاء الله عليك…. كل جمال الكون فيك
يكثر من يعشقونك …. ودهم بس يوصلونك
على نفسك اذكرالله…. علشان مايحسدونك
ويامشاء الله عليك … كل جمال الكون فيك
وداخل جو ولاهو داري عن احد راح ابوه لحد المسجل وطفاه انتبه رفع راسه من على الاب
بندر: هلا بالولد في غرفتنا المتواضعه
وليد: وراك مارحت لاختك؟؟
بندر:… ضرب راسه والله نسيت المعذره وجوالي تركته بالبيت
وليد: اها لك عذر ولكن لي تصرف ثاني يللا اترك الي بيدك وتعال الغداء
بندر: ابشر
*************
*في بيت خالد *
الكل كان مجتمع ينتظرون ابوهم يرجع من الدوام
حنان: انتي اتركي الزفت الي في يدك وقومي حضري الغدا مع اختك
منى : لا يمه هي جالسه بالبيت انا اتعب واداوم من الصبح
عبدالله: اقص ايدي اذا حضرتي شي اليوم وان حضرتي نمتي
طلال: هههههههههههه قويه
منى: من غير سنون قل امين
عبدالله:امين يارب
طلال: وجع معي ولا معها
عبدالله: مع الخيل ياشقراء
نهى وهي رايحه جايه تحضر الغداء
وشرايكم تساعدوني
عبدالله : انا في رجولي زحمه ولاكان ودي اساعدك
منى: انا مو فاضيه
لمى جت وهي شايله صحن: انااساعدك
لفت نهى وراحت لها ركض وشالت الصحن: لا تشيلنه مره ثانيه ثقيل عليك
لمى : ابغى اساعدك … امتلت عيون نهى دموع قالت لا حبيبتي ارتاحي انا اساعد نفسي
طلال:…لمح نهى ودموعها تنزل وقال
يمه ليه تعامولونها كذا
حنان:اذا فيك خير قم ساعدها وانت ساكت
طلال: ايه بساعدها….وقام واتجه للمطبخ
طلال: نهى……..لقاها جالسه وتبكي….. انصدم
ماتوقع انها متالمه منهم لذا الدرجه كانت تبكي بمراره وبصوت يحزن
نزل لمستواها قالت: روح اجلس معهم روح وخل الشغاله هالي بالبيت تحضر وتكنس وتغسل وترتب وتطبخ وانتو بس اطلبوا وعلى العبده تسمع وتطيع انا وش سويت علشان يصير فيه كذا انا انا ……ماقدرت تكمل من البكا
طلال :…ساكت ولا قدر يتكلم مو قادر يعلق ضاع الكلام منه كل الي قدر يسويه باسها على راسها وقال:محشومه ماانتي شغاله انتي اختنا وتاج راسنا
واخذ صحون من المطبخ وطلع يحضرها
في نفس اللحظه وصل وليد ودخل :
السلام عليكم
الكل:
وعليكم السلام
لمى: … راحت ركض وارتمت عليه
وهو رفعها لمستواه وباسها على خدها ونزلها واتجه لدرج
سمع امه تقول: مارح تتغدى ؟ترى لو جا ابوك بنتغدى ولا رح ننتظرك ولا نشيللك
وليد:… لف عليه بوجه تخلو منه كل التعبير انا قلت لاحد انتظرني ولا شيللي خلاص اجل مالكم شغل
وطلع الدرج
عبدالله:هههههههههههههههههههه
ياحليلك يمه بغيتي تهزئينه هزئك
حنان: تلايط لوريك شغلك
عبدالله: ابشري طال عمرك
جاء طلال جلس وجلست معه لمى وماهي الا ثواني وجات نهى جلست معاهم كان وجهها متغيرومبين انهابكت واكثر واحد لاحظ عبدالله لانه شافها اكثر من مره وطنش كانه ماشاف شي
بعد انتظار ليس بطويل وصل الوالد بهيبته وبلبسه العسكري
دخل :السلام عليكم ورحمة الله
الكل : وعليكم السلام والرحمه
خالد: وين الغداء؟
نهى: جاهز تفضل يبه
واتجهت العايله للطاوله السفره
خالد: وليد بيتغدى؟
حنان: مدري عنه يبي يجي مايبي عساه
على كلمتها الاخيره دخل وليد
وليد: السلام عليكم
ابوه:وعليكم السلام وينك ؟
وليد :… اعطى امه نظره معناها سمعتك …كنت اغير ثيابي
خالد : بعد الغداء ابيكم كلكم مجتمعين
حنان: خير وش وراك؟
خالد: بتعرفين بعد الغداء
حنان: ياليت تخلصنا بسرعه ورايه مشوار ابي اروحه
خالد:…….
هو اصلا مايقدر يعقب على كلامها
بعد الغداء الكل اجتمع في غرفه الجلوس بالتوالي كان اول الواصلين منى بعدين طلال بعدين عبدالله بعدين الام ولاب
وفي الاخير نهى ولمى
وليد جلس قريب من نهى واول ماجلس ارتبكت وقفلت الاب هالحركه مافاتته ابدا لانه لماح وحط في باله يشوف وش سالفتها بس بعد مايخلص ابوه الموضوع
************