يا الله يا والـي علـى كـل والـي……
……..يا خير من يدعا لكشـف الجليلـه
المالك المعبـود محصـي الرمالـي…….
…….. الكون والدنيا وما به فهـي لـه
ما كان أول له وما كان تالي………….
……ملكه يدير به علـى مـا يجـي لـه
يقضي ويمضي قادر مـا يبالـي……….
……والخلق ما تفعل بـلا امـره فعيلـه
ما له شريك جلَّ فوق متعالـي………..
……علمـه أحـاط ابدقهـا والجليـلـه
أشهد فـلا غيـره إلـه ولا لـي……..
…….ربٍّ سواه أخشـاه وأرجـي لنيلـه
يا واحـدٍ فـوق السمـوات عالـي……
….. من سطوتـه كـلَّ الخلايـق ذليلـه
يا فـارج الشـده بضيـق الحوالـي…..
……إفـرج لعبـدك يـا منجـي خليلـه
وانظر بعينك يا بـا الافـراج حالـي…..
……فـرد غريـب والمصافـي قليـلـه
وحيد مالي غيـر ظلـك ظلالـي………
…..ذليـل مالـي غيـر عـزك وسيلـه
يا راحـم أرحـم شيبتـي وأنخذالـي…..
….يا جابـر اجبـر عثرتـي والفشيلـه
والطف وناظر يالولـي فـي سؤالـي….
……لا تواخذني فيما مضى لي من فعيله
لا اخوان لا عمـان لا مـن خوالـي…..
……..ولا من صديق في الورى نشتكيله
لو كان ما يجلى سـوا الله جالـي…….
….ما شفت عبـد هرجتـه لـي جميلـه
تقطعـت وذم العـرى والمدالـي………
…….من جملـة الخـلان والمستخيلـه
وقضيت من المخلوق ما حـد بقالـي….
… إلا انت يا للـي مـا يخلـي عميلـه
عادوني كل النـاس شـرق وشمالـي…
…ولا بقـا غيـرك ذرا ألتـجـي لــه
شافونـي مذلـول ٍ وحيـدٍ لحالـي…….
…ولا لي من الفزعـات مومـي شليلـه
وأنـا بعـون الله امتـانٍ احبالـي…….
……متجـودٍ بحبـال منشـي المضيلـه
لو كان كـل ٍ لـه صديـق اموالـي ….
……..اقـراب واخـوان واللـي قبيلـه
أنا لـي اللـي زابنـه مـا يسالـي……
……..جزل العطا مبري الجسوم العليلـه
إلى دعـو حبانهـم فـز بالـي………
…..رفعت طرفي له وقمـت أشتكـي لـه
ويـلا تـنـادو بينـهـم للنـوالـي…..
……ناديت باسمك يـا منشـي المخيلـه
ومن لا ذبك ما صار بالضيـق تالـي….
……يصير الاول ولو كانت أعظامه هزيله
ونا دخيلـك يـا عزيـز الجلالـي…….
….حاشا كـرم جـودك يضيـع عميلـه
بريت مـن غيـرك بحالـي ومالـي…..
…….وزبنت أنا بحماك عن كـل ميلـه
من شر خلقك لا يذ بـك ولا لـي…….
….غيـرك مـلاذٍ شامـخٍ ينعـي لــه
يا رب مالـي غيـر جـدواك والـي….
……ون كان خليتـن فـلا لـي عقيلـه
يـا عالـم بالمخطيـه والعـدالـي……
….تشوف مالـي غيـر عدلـك وسيلـه
فـلا تواخذنـي بمـا ضـي فعالـي…..
…..ياساتـر العـورات مضفـي جميلـه
لو كـان ذنبـي راجـح بالجبالـي……
..عفـوك عظيـم ليـس ذنبـي عديلـه
أطلبك تقبل توبتي عـن خمالـي……..
…..واطلبـك عنـي كـل كـرب تزيلـه
واطلبك تغفر لـي وتصلـح اعمالـي…..
…….يا مزبن الخايف إلـى بـاد حيلـه
مـولاي لا منجـا ولا ماتجـا لـي…….
…. إلا انـت ياللـي مـا يذيـر نزيلـه
يا فزعة المظلـوم منشـي الخيالـي…..
…….يا فارج الشدات لـو هـي ثقيلـه
أفرج لمن بالحبـس دونـه رجالـي……
…….وابواب واقفال وحصـونٍ طويلـه
في وصـط دبـابٍ غريـب الحالـي……
……أظلم ولا أدري وش نهـاره وليلـه
متـروك مالـي مـن يـرد المقالـي…..
…….لا حد يبي قولـي ولا حـد يشيلـه
ولا احـد غيـرك عليـه اتكالـي……..
.إلا انـت يـا منجـي دريـك الدبيـلـه
ما دام تنظرنـي وتسمـع مقالـي…….
….ما خـاب عبـدٍ يـدري انـك وكيلـه
يـا سامـع بالليـل حـسَّ النمالـي……
…..وصوت يونس في البحـور الطويلـه
الماء وضرب المـوج مثـل الجبالـي….
…فوقـه اجيبـت دعـوتـه وتهليـلـه
يا مصـرف الايـام هـي والليالـي…..
…..في قولته كن يجـر القلـم بتعديلـه
أدعـوك باسمـاك العظـام الجزالـي….
…..وابحق ما خصيت لـك مـن فضيلـه
وابحـق عظمـة قدرتـك والجلالـي….
…..وابحـق نـورك والفعـال الجميلـه
وابحق مـا نزلـت مـن أول وتالـي….
….تجيرنـي مـن شـر خلقـك طويلـه
وتنـزل كربـات علينـا اثقـالـي……
……تغطلست مالـي سـوى الله دليلـه
أمن علـى قلـب يجتـول اجتوالـي…..
……يا مسكن الروعـات سكـن جفيلـه
أسرع علينـا يـا قريـب النوالـي……
…….لا تجعـل الشـده علينـا طويلـه
يا فارج الكربـه بضيـق الحوالـي……
…..أومـر لعبـدك بالفـرج وتعجيـلـه
واجـل الأمـور المعظلـه والجلالـي….
…….عني وكل عبد مسلم يندعـي لـه
وصلاة ربـي عـد رمـل السهالـي…..
…..علـى نبـي وضــح الله دليـلـه
صفوة قريـش اللـي مشـى بالعدالـي…
…….نبينا المعصـوم عـن كـل ميلـه
…………………………………………..
دعووااااااااااااااااااااااتكم لي ..
مازلنا نشم عبق مشاركاتك وشذاها حتى بعد غياابك
اسأل الله لك الخير والسعادة دائما وابدا,,
اختك..ليااان