تكفون . ابي حل راح انهبل 2024.

السلام عليكم ورحمة الله وبركاته

انا شاب عمري 23 سنة خريج جامعة مع مرتبة الشرف الاولى …

مشكلتي بكل اختصار ( الناس تكبرت علي ,, وكرهوني ) ..

مو هذا وبس حتى اقرب اقربائي واخواني تركوني … واذا شافوني يتهربون … نصدقون !!!

اقسم بالله العظيم انه هذا اللي صاير ..

اول يوم كنت بالمدرسة كنت محبوب لدرجة انه ما تمر ساعتين الا ومتصل علي واحد يسولف او يتطمن علي …

حتى عيال عمي وعيال خالتي ما يسوون شي الا ويقولولي ويشاوروني فيه …

من دخلت الجامعة .. وصرت شخص مستقل … اول ما تركوني اصدقاء الدراسة … هم اللي باعوني

والمشكلة انهم تركوني من غير سبب … حتى انهم غيروا ارقامهم … واذا رحت للبيت محد يعطيني وجه …

قلت هذولا حقين المصالح …. مالي الا اقربائي ….

مرت سنين الجامعة وانا مع عيال عمي لدرجة اني ما صادقت ولا واحد … بسبب تجربتي الاولى …

اثناء الدراسة بدأو يتسحبون مني واحد ورا الثاني الى ما صرت ( وحييييد ) والمشكلة فجأة …

اتصل عليهم ما يردون …. واذا ردوا يتكلمون معي بكبره كني هندي عندهم …

وفي العروس ما يسلمون علي …. لدرجة ان العطلة هذي ما رحت ولا لعرس …

الرسول صلى الله عليه وسلم امر بصلة الرحم …. طيب انا رحمي يكرهوني … وش اسوي ؟؟؟

يا ربي احترت … حتى اخواني من ابوي اقرب ناس لي تركوني كلهم وراحوا مع اعدائي >> عيال عمي

وخوالي ولا كني ولدلهم

مع اني ولله الحمد ميسور الحال … بس سيارتي مهي قد مقاهم ( التعيس ) …

بس يا ترى معقولة بسبب السيارة يتركوني …. معقولة هذي العلاقة اللي بيننا ..

اقسم بالله العظيم اني شكيت اني مني ولدلهم لاقيني بملجأ …

مالي الا الله ثم انتم …. تكفون ردوا علي …

= وهل تنفع فكرة اني ارحل عنهم لمدينة ثانية واقطع نفسي عنهم ؟؟؟ يعني اطلب وظيفتي بمنطقة بعيدة واهجرهم ؟؟

أخوي والله مو عارفه شقول لك بس لمن قريت كلامك أكثر من مره حسيت أنه عيال عمك يهمهم المظاهر وما أدري هل هذا الشي وارد أول لأ ،، وإذا على ربعك اللي بالمدرسه لأن ولا واحد فيهم صديق حقيقي ،، أنت ما شاء الله عليك متخرج من الجامعه وبتفوق ألف مبروك والله فرحت لك لأنك ما أهمت جانب مستقبلك بسبب الناس حاول تبني نفسك من جديد ولا تخلي هالأشياء تأثر عليك ولا تقطع صلة رحمك حتى شنو ماصار كون أحسن منهم وبادر بالمحبه والألفه وأدع ربك أنه يسخر لك محبة الناس وكثر أستغفار والله ما بيخيب رجاك ،، وانا ما بنساك من خالص دعائي بظهر غيب ،، وأتمنى يكون تواصلك معانا دووم وما تنقطع عننا وأن شاء الله أخواني وأخواتي يفيدونك أكثر مني ،، بارك الله فيك وجعل الجنه من نصيبك ،،
ياهلا ومرحبا فيك ياخوووي
نورت برق بحظورك
اخوووي استمر على ماانت عليك وكافح واسعى لي دراستك ولاتهمل فيها
لان المستقبل والحاظر اهم بكثيييير من كل الي يسي حوليك
اخوي انت عملت بأصلك وطالما هما الي تركوك وانت حاولت معاهم بس مافي فايه خلاص اتركهم
وراح يجيلهم يوم صدقني ويعرفوا انهم غلطانين
اخوي اتعامل بالطيبه وبخلاق وانتبه تخلي الشي هذا ياثر فيك وفي دراستك
مصير الايام راح توري كل انسن بفعايله وصدقني راح يجي اليوم الي تشوف نفسك من اهم الناس واروعهم
اخوي مهما عشت في الحياه راح تشوف ناس كثيره وحتى لو قولتلي من الاقارب راح تشوف برضوا اخس من الي شفته
ماعليك غير انك تهتم بدراستك ولاتغشل نفسك اهم شي انت عاملهم بالطيب وبالحسنى خلاص عداك العيب
الي تركوك راح يجيك الي احسن وافضل منهم والحياه مليانه ناس ماعليك منهم خلي الي يهرب يتهرب وكل واحد يسوي الي بكيفه
قول في نفسسسك بكيفهم وانا راح القى الي افضل يارب
ولو رجعولك خليك جدا عادي وعاملهم بالطيب عشان تحرجهم عارف
وبينلهم انه انت مازعلت لانك انت ماسويتلهم اي شي يزعلهم ويخليهم يبعدوا عنك والحمدلله بهذا الشي ارضيت ربنا
واهم شي اني ارضيت ربي لان رضا ربي فوق كل شي والي خلاني اتعرف عليكم يخليني اتعرف على غيركم
والحياه ناسها كثير ه والله يوفقكم ويوفقني

موفق ياخوي وباذ ن اكون قدرت اساعدك ولو بشي بسيط
لا يا اخوي مهب لها الدرجه السيارة مالها دخل

بس انت كبرت وكل ما كبر الانسان يبدا ينشغل

الناس انشغلت انا مثلك طيب

الناس كلهم مشغولين عشان تقابل واحد لزم تاخذ معاه موعد قبلها بكم اسبوع وعساه يوفي بوعده

عادي الجميع ينشغل
انت توظف وبحث عن الشغل وسعى ورح وتعال وكون نفسك بتحصل نفسك مو فاضي لاي شخص

رح العروس وحضرها وخلك عادي لا تصير حساس كذا للي يبيك يجك واللي ما يبيك بسلامته خذها قاعده

بعدين عيال عمك مهب اعدائك ليش اطلقت عليهم المصطلح هذا

خلك طبيعي وزرهم عادي واضحك وسال عنهم كذا بتكون سويت اللي عليك

رسائل جوال كل فتره وفتره

هذي الدنيا والله اني عندي خوات من ابوي يمكن بعضهم لهم 8 شهور ما شفتهم

وبعض اخواني لي اكثر من شهرين ما شفتهم

الوضع عادي اخوي الدنيا كذا لا تهتم وتذل نفسك او تحس نفسك مكسور اذا محد سال عنك

اقتباس
المشاركة الأصلية كتبت بواسطة ؛؛ الــريــم ؛؛
أخوي والله مو عارفه شقول لك بس لمن قريت كلامك أكثر من مره حسيت أنه عيال عمك يهمهم المظاهر وما أدري هل هذا الشي وارد أول لأ ،، وإذا على ربعك اللي بالمدرسه لأن ولا واحد فيهم صديق حقيقي ،، أنت ما شاء الله عليك متخرج من الجامعه وبتفوق ألف مبروك والله فرحت لك لأنك ما أهمت جانب مستقبلك بسبب الناس حاول تبني نفسك من جديد ولا تخلي هالأشياء تأثر عليك ولا تقطع صلة رحمك حتى شنو ماصار كون أحسن منهم وبادر بالمحبه والألفه وأدع ربك أنه يسخر لك محبة الناس وكثر أستغفار والله ما بيخيب رجاك ،، وانا ما بنساك من خالص دعائي بظهر غيب ،، وأتمنى يكون تواصلك معانا دووم وما تنقطع عننا وأن شاء الله أخواني وأخواتي يفيدونك أكثر مني ،، بارك الله فيك وجعل الجنه من نصيبك ،،

الله يعافيك على تشجيعك لي …

والله ما كتبت الموضوع الا اني واصل لدرجة ما يعلن فيها الا الله ..

من ناحية يحبون المظاهر فهم يموتون عليها …

اما عن قولة صل رحمك بيني وبينك انا اصل الشيبان والعجايز بس … اما الباقين اذا جيتهم ما احصلهم واذا شفتهم يحاولون يتهربو مني … مثل ما قلت لاني مو بقد مقامهم … افشل على قولتهم ..

لا والاشد من هذا يوم تخرجت قطعوني …. يقولون وش لون يتخرج قبلنا … مع اني انهيت دراستي بسرعة بسبب الاترام الصيفية ..

يعطيكي العافية ..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

Scroll to Top