انا عضوه يديده وحابه اطرح سالفتي واتمنى تساعدوني =(
بصراحه ماعرف من وين ابتدي حياااتي كلها متلخبطة فوق تحت مب عارفه شاسوي وهالشي خلاني اقول اللي في قلبي واكتبه يمكن احس براحه شوي …
صارت لي مواقف في حيااتي هالايام وايد وبصراحه مادري من وين يات احس روحي منكسره متحطمه ماقدر اشيل نفسي وارد مثل ما كنت , خسرت كلشي في حياااتي خسرت ربعي اللي كانوا اعز نااس عندي وباقي اشيه وايد قاعده اخسرها يوم ورى الثاني ..
انا من يوم ما كان عمري 6 سنوات واليوم عمري 20 سنه طول هالسنين كان ابوي يعاملني معامله غير عن كل ابو يعامل بنته فيها وحتى امي بعد ما يحاسبني على الغلط اللي اسويه ما يقول لي ليش سويتي هذا غلط ما يصرخ علي ما يرفض لي طلب من كنت اقول له شي كان يقول لي حاااضر على امرج ونفس الشي عند امي صعب.. تعلمت على هالنمط يعني لو المعلمة على ايام المدرسه تصرخ علي وتزفني واكون انا غلطانه اصييح ليش تزفني انا ما سويت شي لاني ما تعلمت اني اتحاسب وصعب اني اتغير بين يوم وليلة ..
المهم من فتره عرفت شخص دش حيااتي جذي فجأة من غير مقدمات مو مهم من وين عرفته ولا شنو انصدمت انه اهو يحبني اناااا .. في الفتره اللي كنا نسولف فيها وقبل لا يعترف لي بحبه كنت مرتاحة له اكثر من اي احد في الدنيا لي ما يه هالحب وعفس حيااتي مع اني احبه بس احس ماقدر اكمل معااه لاني باتحطم اكثر واكثر .. على اصغر الغلطات اطلع انا الجذاابه واطلع انا الغبية ويصارخ علي ولين اقوله ليش اتصاارخ يقولي انا احااسبج على اللي تسوينه مع اانه اهوه زين وجاااد وامه مكلمه امي على اساس اذا خلصنه دراسه يخطبني لكن والله احس روحي تعباااانه ماقدر اواصل اكثر من جذي كل يوم ايني في سالفه ويقط علي حجي انا ماستحمله ولا عمري سمعته في حياتي يمكن الناس عادي تقول اذا معصبة على احد او شي لكن انا ما عمره احد قالي هالكلام ماباقي شي اخسره في حياتي انا حتى نفسي خسرتها ماعدت مثل اول ذيج القوية ذبحني .. احبه وماقدر من غيره احاول اعدل من نفسي عشان ارضيه لكن بعد المشاكل تمشي وراي مع اني بعيده عنها والله .. انا مابي اخسره بس انا ويااه وتعبانه ومن غيره باتعب اكثرررر تكفووووووووون ساعدوني
رعاك الله ياقلبي باين من كلامك انك انسانه واعية ومثقفة ومتزنه
انتي امكن كان اسلوب اهلك شوي مو عدل بس هم من حبهم لك عاملوك زي كذا ..
بالنسبة لموضوع خطيبك انا افضل تحاولي تتركيه جانبا في هالوقت .. لنبدا من اساس المشكلة.. مافي احد يكون مضايق او منكد في حياته من غير سبب
وربي ارحم الرحماء ..
ابغاك تجلسين مع نفسك جلسة صادقة
هل انتي قريبة من ربك في الرخاء؟
هل انتي راضية لربك ثم والديك ؟
حبيبتي اعتبرني اختك او صديقتك … الانسان اوقات يغفل عن الله ويفكر انه هو حظه حلو في الحياة وذكائه وحنكته هيه يالي تسير اموره
وننسي انه ربي من يسيرهاااا
لذلك ابيك تبدئي مع بالاستغفاااار في كل لحظه فقط الاستغفارررر
وارجعي لي وقولي ماذا حصل … وانا اثق برب العالمين انه ماراح يخيب املي واملك
من تقرب من الله ربي ما يكسفه ابد
وانتي ما عندك اصلا مشكله غير هو شويه ضيق من عدم قربك من ربك وكلنا يصير معنا هالحالة لو بعدنا عن ربنا ونحس في الكدر والضيق والدينا مضيقه علينا.. بس ياقلبي هذا مو الدنيا يالي مضيقه علينا هذا الشيطان الرجيم
وكمان هو يسعي حتي ننسي انه لنا رب رحيم لو قلتي له { ياااااااااااااااااااااااارب }
راح يقول لك انا الغفور الرحيم وفعلا
انا قرات حديث قدسي مشهور
انه في معني الحديث { ان الملائكة تنزل للسماء الدنيا وترا العباد كيف يعبدون الله ثم يرجعون إلي الله ويسالهم رب العالمين ويقول عز جلاله كيف رايتم عبادي ويقولون له يعبدونك ويستغفرونك ويسبحونك … وقال لهم رب العالمين هل راوني وقالوا الملائكة لا وجلالك لم يروك .. فقال ماذا لو ورواني فقال اذهبوا لهم وقولوا لهم اني غفرت لم جميع ذنوبهم….
اختي هجر الذنوووووووووووووووووووووووووووووووووووووووووووووو وووووب حتي لو كانت تافه بالنسبة لنا هيه التي تسبب لنا الضيق والهم ومع وسوسة الشيطان تزيد
ولكن ربي غفور رحيم
كل ما زاد تقربنا من الله بعدت عنا الهم والضيق والمشاكل والنكبات…
واحب اختم لك في قصة جميلة جدا
وهي انه كان شخص غارق في الهموم والضيق والنكد والذنووووووووب
ويحس انه لا معني لحياته.. وهذا قصة جميله جدا تدل علي رحمه الله بنا نحن البشر المعصين لله..
هي قصة شاب قد ضاقت عليه الدنيا من كثر الذنوب والمعاصي
وذهب عند رجل صالح معروف وقال له انا انسان في ضيق وكرب وهم ..
وقال له سوف اعطيك الحل الان اذهب وتعال في نفس هذا الوقت …
وعندما رجع الرجل للرجل الصالح قال اعطاه ورقه وقال له هذا رساله من ربي لك؟
وقال ربي يرسل لي انا ؟ قال نعم ..
وعندما فتح الرجل الورقة… ما تتوقعي يا ختي ان يشوف فيها .. لقد رأي كلام الله فعلا وهو { قل يا عبادي الذينا اسرفوا علي انفسهم لا تقنطوا من رحمه الله } فقال الرجل ربي يقووول لي انا ياعبادي لم يقول لي انت يالمجرم يالعاصي .. بل قال ياعبادي وهذا تدل علي رحمه الله بنا…………..
اختي هجر انا اقصد من هالكلام كله هو ان نعالج انفسنا بانفسنا ولا نقووول نحن منكدين ومهمومين وضايقه بنا الدنيا وننسا الله انه قرررررررررررررريب منا
مثل ما قلت لك ابدائي اختي الغاليه بالاستفغار طول اليوم وراح تتفاجي بشي فضيع جدا في حياتك…..
تحياتي لك هجر
اختك غصونه
والله ريحتيني من التعب اللي انا فيه
احس بضيق مو طبيعي وانشالله اسوي اللي قلتي لي عليه ربي يفرجهااا
تسلمين الغلا والله ما راح انسى لج مساعدتج لي
هلا قلبي هجر لا ياقلبي احنا اخوات ويالي تامرين فيه احنا كلنا هنا حاضرين لك
بس حبيت انوهك علي شغله صغيرة في موضوع رسالتك انك
كتبتي تكفوون ساعدوني مالي إلا الله وانتم
حبيبتي انتي هنا اشركتي اسم الله بنا وهذا لا يجوز وانا اعرف انك مع العجله كتبتيها
بس اتمنا انك تتنتبهي وتكتبي ثم انتم لا الواو تعتبر المشاركة مع الله في الخلق والقدرة والقضاء وكل شي
تقبلي تحياتي
