وصلولي الناس جرحك
من انيس العيساوي في 5 يونيو، 2024 في 12:32 صباحاً
وصلولي الناس جرحك
وانكسر واهس ضحكتي
وخلي أوصلك شعوري
لحظة لحظة الذكرى طاحت
وفشلة من الناس ماكالت دمعتي
همي جان اشلون افرحك
وهمك انت اشلون تكتلهة فرحتي
جنت اوظف كل تعب مر بحياتي
واستريح ابدورة اذنك
من اكول بروحي احبك
وانت تصفن
حجة تتأمل كلمتي
ادري زين اتريد املك
حتى من يوصلني بعدك
حزن ماياكل وجنتي
ومو بكيفك
اني بعدك سفرة للبرزخ سفرتي
بيك جنت اصفن يمر بية الربيع
هسة شكل اكبور تلكة بصفنتي
صدك غيري ايكول احبك
ولهفتة اتعيش وتموت لهفتي
ورغم ذلك ثق عذرتك
وافرحتلك
رغم كد عرش الله واكبر حسرتي
وصلولي الناس صورة
وكلت معقولة؟؟؟ جذب لا مستحيل
انت تفرح؟؟
شنو شجابولك لهفتي وجهزوك؟؟
لو جنت مثلي انت ميت
وعلى طاري اجو من فززوك؟
وهم عذرتك
كلت هاي الليلة تاريخ الشراك
افلوس دافع بيك لازم
تطلع بصورة فرح كد النطاك
لكن الجارحني شغلة
اسنين كتلك ذب الاسود
جنت يومية اكلك ذب الاسود
خلي افرح بيك مرة
خلي اشوفك مزهريتي
صدك غيري ايفكة حزنك؟
وليش
ليش الاسود بدليتة بلون نيتي؟؟
حتى افرحك بطلت شعري وطموحي
وكامو ايشكون بية
الناس ما تعذرني احبك
شككو في شاعريتي
عطر جرحك من بعيد اشتمة كلبي
منذ الاف الحنين
منذ ان كان الحلم طفلا صغيرا
مايحسب للسنين
وياحنين البية دمعة
اشلون دمعة؟
سكتت كل الهلاهل
السمعت اذانك فرح مومستقيم
وغسلت مكياج زفتك
طلعت الوجه القديم
وجهك المن يبتسملي
يترس الدنيا نسيم
وهسة دنيا بغير وجهك
تاركة بصدري فراغ
واه
اه شيسدة فراغك
وانت دنيا بصدري جانت
مين اجيب اني اليشبهك
حتى اكل للروح هانت
شوفني بعدك صرت كلش ممل
واعز ناس العندي ملت من حنيني
وين اروح
وانت صوتك يم اذن غيري يبات
ادرك ايامي وعلي شوف اليصير
جني شايب ينتضر يوم الوفاة
شفتك اوية الغير تمشي
واجت يمي المغربية وناس تضحك واني ميت
غير ميت ؟
مالة حق الميت وية الناس يوكف
وكمت احس الوكفة وي ناسي نشاز
واني كل لحظة اموتن
من يمر بية الحنين
ومن حنيني
جني ما لحظة مجاز
وانت كلي اشلون اسكتنة الحنين
وشكو صوت ايمر علية اتخيلة صوتك
وشكو نكبة اتمر علية احسبهة موتك
ولنتة ميت واشتهي ابموتك رثاء
ولنتة يمي واترس الدنيا هلاهل مو عزاء
وهسة بين اثنينهن واكف قصاص
وشتهي الموت بكثر لعب الطفلة
لأن طعم الموت ارحم
ارحم وبهواي من طعم الجفاء
من انيس العيساوي في 5 يونيو، 2024 في 12:32 صباحاً
وصلولي الناس جرحك
وانكسر واهس ضحكتي
وخلي أوصلك شعوري
لحظة لحظة الذكرى طاحت
وفشلة من الناس ماكالت دمعتي
همي جان اشلون افرحك
وهمك انت اشلون تكتلهة فرحتي
جنت اوظف كل تعب مر بحياتي
واستريح ابدورة اذنك
من اكول بروحي احبك
وانت تصفن
حجة تتأمل كلمتي
ادري زين اتريد املك
حتى من يوصلني بعدك
حزن ماياكل وجنتي
ومو بكيفك
اني بعدك سفرة للبرزخ سفرتي
بيك جنت اصفن يمر بية الربيع
هسة شكل اكبور تلكة بصفنتي
صدك غيري ايكول احبك
ولهفتة اتعيش وتموت لهفتي
ورغم ذلك ثق عذرتك
وافرحتلك
رغم كد عرش الله واكبر حسرتي
وصلولي الناس صورة
وكلت معقولة؟؟؟ جذب لا مستحيل
انت تفرح؟؟
شنو شجابولك لهفتي وجهزوك؟؟
لو جنت مثلي انت ميت
وعلى طاري اجو من فززوك؟
وهم عذرتك
كلت هاي الليلة تاريخ الشراك
افلوس دافع بيك لازم
تطلع بصورة فرح كد النطاك
لكن الجارحني شغلة
اسنين كتلك ذب الاسود
جنت يومية اكلك ذب الاسود
خلي افرح بيك مرة
خلي اشوفك مزهريتي
صدك غيري ايفكة حزنك؟
وليش
ليش الاسود بدليتة بلون نيتي؟؟
حتى افرحك بطلت شعري وطموحي
وكامو ايشكون بية
الناس ما تعذرني احبك
شككو في شاعريتي
عطر جرحك من بعيد اشتمة كلبي
منذ الاف الحنين
منذ ان كان الحلم طفلا صغيرا
مايحسب للسنين
وياحنين البية دمعة
اشلون دمعة؟
سكتت كل الهلاهل
السمعت اذانك فرح مومستقيم
وغسلت مكياج زفتك
طلعت الوجه القديم
وجهك المن يبتسملي
يترس الدنيا نسيم
وهسة دنيا بغير وجهك
تاركة بصدري فراغ
واه
اه شيسدة فراغك
وانت دنيا بصدري جانت
مين اجيب اني اليشبهك
حتى اكل للروح هانت
شوفني بعدك صرت كلش ممل
واعز ناس العندي ملت من حنيني
وين اروح
وانت صوتك يم اذن غيري يبات
ادرك ايامي وعلي شوف اليصير
جني شايب ينتضر يوم الوفاة
شفتك اوية الغير تمشي
واجت يمي المغربية وناس تضحك واني ميت
غير ميت ؟
مالة حق الميت وية الناس يوكف
وكمت احس الوكفة وي ناسي نشاز
واني كل لحظة اموتن
من يمر بية الحنين
ومن حنيني
جني ما لحظة مجاز
وانت كلي اشلون اسكتنة الحنين
وشكو صوت ايمر علية اتخيلة صوتك
وشكو نكبة اتمر علية احسبهة موتك
ولنتة ميت واشتهي ابموتك رثاء
ولنتة يمي واترس الدنيا هلاهل مو عزاء
وهسة بين اثنينهن واكف قصاص
وشتهي الموت بكثر لعب الطفلة
لأن طعم الموت ارحم
ارحم وبهواي من طعم الجفاء
شحجي شكولن شنتظر
تيهت بين العجز والصدر
وظيعت بالقصايد كل القوانين
ولاهو قلمي يكتب عمودي اعله وجه ولا هو حر
بعد القريته حتى واهس الحرف انكسر
ونسيت حته لهجتي
وصرت عامي ارتجل
بس انه متعجب علي
طبعا اتلعثم وشتات اصيرن وانثر
اذا انه لانيس داقرة شعر!!بلقيــــــــس
تيهت بين العجز والصدر
وظيعت بالقصايد كل القوانين
ولاهو قلمي يكتب عمودي اعله وجه ولا هو حر
بعد القريته حتى واهس الحرف انكسر
ونسيت حته لهجتي
وصرت عامي ارتجل
بس انه متعجب علي
طبعا اتلعثم وشتات اصيرن وانثر
اذا انه لانيس داقرة شعر!!بلقيــــــــس
