تــــــــــــعال راح واكفر بيك 2024.

راح اقطع قيودك و راح اكفر بيك
وأعلن ثورة ضدك واصبر بدونك
بيان أعلنت فوري واضطراري وياك
على قلبي وعيوني اليوم ينسونك
فلتسقط رموشك وإذا چنهه سيوف
فليسقط جمالك تسقط عيونك
فليسقط عطر شعرك ألي بيه چنت مجنون
الي ذوبني ونهاني وصرت مجنونك
وخدودك إلي چنهه من الخجل بركان
ولونك والشمس ما ينحزر لونك
يسقط سجن شوقك ولك مو مليت
ما مرة رحمت بحال مسجونك
شفتني لوحدي وانتا جمالك جيش
واحتليت قلبي ألِمّا قدر دونك
راح ادخل حرب صبرك بدون سلاح
واشمت بيك كل الي ما يقدرونك
وأجبرك تنسحب متعذب ومكسور
واشلع ضحكتك من لمعة سنونك
وإلا راح افجر دمع عيني عليك
واحرقهن أسرارك واذبح ظنونك
انا اعطيتك عمر شمعة عذاب وليل
بس قلي الي خذوك شـ راح يعطونك
فجأة تغيرت لا عذر لا تبرير
ثواني بلا سبب قدروا يغيرونك
لا وقفت بعينك سالفة آنا وياك
وبنعمة عشقنا كفر ماعونك
لا ذكرى عزيزة لا حلم عشناه
لا وقفت بعينك دمعة عيونك
ولو آني شربتك عسل ما ظل بيك
وما أندم عليك شما يشربونك
ولو تينك بيإديّا آثاره موجودات
ولي هسه بديه آثارها غصونك
وبعد وردة برقبتي اللون الأحمر ذاك
واسأل شفتك لو تيهت لونك
بس قلي شيقنعه ويسكت ويرتاح
قلبي الي خان بيه وما رضا يخونك

سلّم الله قلبك و قلمكـ أخـي

احساس عالي و كلمات صادقة من القلب ..

دمت متألقاً .. تقبل مروري ..

شكرااااااااا عالمرورج ياغاليه
يااااسلااام عليك
يسلموووووو عالطرح

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

Scroll to Top