الوسم: البدر

بعض القصائد تترك أثر في روح الانسان ولذلك حبيت انكم تشاركوني احب القصائد
الى قلبي واتمنى ان تعجبكم ..
هذي القصائد للشاعر المبدع الامير بدر بن عبد المحسن …( البدر )
و الشاعر المتالق دائما فهد المساعد …. ( سفير العشاق )

*******************************************
من قصائد البــــــــــــــــدر …

اترمى …
اترامى
هذي عاداتي
في كل العمر مره .. اترامى ..
وصدقيني في حياتي ..
ما هقيت اني عقاب .. ولا يمامه ..
انما لعيونك إنتي ..
طرت لاجمل إبتسامة
لين قلتي وين جناحانك..؟
وين جنحاني .. ؟! وطحت ..
طحت من أعلى غمامه..
أنا ما ادري مريت بين أصابعك رمل ..
او على خصلات شعرك .. ماء ..
كانت غبارٍ وظلما
وكنت أطيح ..
وهذا آخر مااتذكر ..
وين ظنك با تجرح .. واتكسر
فـ أي رمل .. أي صخر .. او عدامه ..
ما هقيت أني عقاب ولا يمامه
انما لعيونك إنتي ..
طرت لاجمل إبتسامه
وما ابي غير السلامه
من الجروح .. ومن التداوي
كيف أمس الأرض .. واطيح متساوي
انا صدقت الصغار .. يوم قالوا :
من يحب القمرا يرحل .. لآخر أرض
وينتظر تالي نهار ..
ولا ظهر منها شبر ..
عانق القمرا .. طمر ..
كيف ضاعت كل أحلامي هقاوي ..
يوم قلتي : وين جنحانك ..
وين جنحاني .. ؟! وطحت ..
طحت من أعلى غمامه..

****************************************
الخل العنيد ….

تل قلبي .. تل طيرٍ على طلعٍ وكيد
جود المقرود سبقه وعيا يطلقه
يوم فاع اركى جناحه على قاسي الحديد
وانكسر ريش النداوي ولا الله وفقه
يكفخ القلب المشقي على الخل العنيد
ما وفا بالعهد لا شك قلبي صدقه
واهني اللي على الحول ينبت له جديد
وش سواة اللي جناحين قلبه محرقه
يا لطيف الروح وبحق خلاق العبيد
اكرم المملوك بالوصل والا فاعتقه

****************************************
انتي حلــــــــــــم ….
انتظرتك .. عمري كله .. وانتي حلم
ومرت الايام والله .. وانتي حلم..
ليه تأخرتي علي ..
توهي مره واسالي ..
كوني في غير الزمان .. والا في غير المكان
كوني عمري .. عمري كله..
اللي باقي .. واللي كان..
انتظرتك عمري كله .. وانتي حلم ..
كل نجمه شعشعت والقلب عتمه .. كانت انتي ..
كل حرفٍ حرك شفاهي بكلمه .. عنك انتي ..
وكل حبي اللي مضى والحب قسمه .. منك انتي ..
كانوا الاحباب ظلك .. بعض احساسك ونورك ..
ما عرفتك يوم كلك .. ياللي في غيابك حضورك ..
انتظرتك عمري كله .. وانتي حلم ..
هذا إنتي .. قولي والله إنه إنتي ..
وين غبتي ؟! .. عني هذا الوقت كله ..
وين كنتي ؟! ..
شيبت عيني طيوفك .. وما أصدق إني أشوفك ..
ياللي قلبي في كفوفك .. نقش حنا ..
وفي جديلك عطر ورد ..
آتمنى .. لو تكوني في فراغ اعيوني وعنى
وفي سموم ضلوعي برد ..
ليه تأخرتي علي ..
وما طرى لك تسألي ..
ليه نأخرتي علي .. وما طرى لك تسألي ..
إنتظرتك عمري كله عمري كله .. وانتي حلم
*****************************************
هذي القصيدة انا مو بس احبها انا اعشقهااااااااااا…

….( جمــــــــــــرة غضـــــــــــى )….

جمرة غضى .. أضمها بكفي
أضمها حيل . .
أبي الدفا .. لو تحترق كفي
وأبي سفر لليل
بردان أنا تكفى .. أبي احترق بدفا
لعيونك التحنان .. فعيونك المنفى
جيتك من الإعصار .. جفني المطر .. والنار
جمرة غضى
والله الجفا برد .. وقل الوفا برد
والموعد المهجور ما ينبت الورد
ياحبي المغرور .. ياللي دفاك اشعور
رد القمر للنور .. واحلى العمر .. في وعد
بردان .. بردان أنا تكفى.. أبي احترق بدفا
يا أول الحب .. شفتك أنا مره
واهديت لك قلب
ورديت لي جمرة
ومن يومها كان الرحيل
وليل الشتا .. القاسي الطويل
وآه يا الحنين
لليل باب له حارسين
برد وسحاب
***************************************
ولان مع قصائد سفير العشااااااااق …

ســــــــــــــــــــحــــــــــابــــــــــــــه ……….

جف الكلام ومدت يدينها لـــــ فوق
أخترت هاذي .. وأنت شف لك سحابه
قلت ويديني تحتضنها مثل طوق
أخترت هاذي .. هاذي أكثر رحابه
هاذي دفا صوت من البرد مخنوق
هاذي سؤال نصف عمري جوابه
هاذي هي اللي عرفتني على الشوق
هاذي .. قدر ما كنت حاسب حسابه
قطعة حزن في جيب بالي ومشقوق
ومضة فرح في عيون ناسٍ غلابه
أن سولفت في ثغرها لمعة بروق
وأن سرحت في عيونها صمت غابه
واليا ضحكت : نور من الفجر مسروق
واليا بكت : تحزن عليها الكآبه
حبي لها لو أدري أن فيه مخلوق
قد حب مثله قلت : ياللغرابه
هالآدمي من وين له قلب وعروق
والصبر هالمسكين من وين جابه ؟
وأنا أتكلم … ردت عيونها لـــــ فوق
ثم تمتمت من هي هالأكثر رحابه !؟
قلت ويديني تحتضنها مثل طوق
في ذمتي ما أشوف غـــــــيرك سحـــــــابه …

********************************************
صالات المطار

قبل اسافر كنت جالـس فـي زمـان الأنتظـار
ارتشف هم المكـان .. و كـل همـي حاجتيـن

كنت خايف من يباس .. و كنت خايف من خضار
كنت اخاف انك تجين و كنت خايف مـا تجيـن

لين شفتك مـن ورا بيبـان صـالات المطـار
مقبله من كثر شوقك .. كنت اشوفـك تركضيـن

مرةٍٍ ركضـك يميـن و نظـرة عيونـك يسـار
و مرةٍٍ ركضك يسار و نظـرة عيونـك يميـن

تايهة .. ما كنـك الا ضحكـةٍ وسـط انكسـار
ساكتـه .. ماكنـك الا دمعـةٍ فيهـا حنـيـن

خايفة .. وجلة .. حزينة .. يعني كنتي بأختصار
تشرحين لكل جاهل معنـى كلمـة ( عاشقيـن )

بعدهـا جيتـك ولـدّت عينـك و دار الحـوار
من كفوفـي دمعتيـن و مـن كفوفـك دمعتيـن

كنت اصد و كنتي انتي ثايـره مثـل الشـرار
ماعلى لتغة لسانك غير كلمة ( وين ؟ ويـن ؟ )

واذكر اني رحت قبل ابدي لـك ايّـة اعتـذار
رحت حتى قبل اطيّب خاطـرك فـي كلمتيـن

لكن انتي عارفتني زين واللـي صـار صـار
سامحينـي واذكرينـي قـدّ ماانتـي تقـدريـن

اذكريني لاانتهت للشمـس رحلـه مـع نهـار
واذكرينـي لاصحـى للصبـح ورد الياسمـيـن

واذكريني لا لمحتـي فـي ليالـي البـرد نـار
واذكريني لا سمعتي للمطـر صـوت ٍ حزيـن

اذكرينـي واذكرينـي واذكرينـي .. بأختصـار
..اذكري فهد المساعـد قـدّ ماانتـي تقدريـن !
******************
سالفه عشاق

من بغى الفرقا لقـى لـه عـذر واسبـاب ودليـل
خل عنـك العـذر والاسبـاب دام الحـب ضـاع

كان ودك بالفراق .. ابشر عسى عمـرك طويـل
لاتـردد وانـت لـك كلمـه ولـك امـر ٍ مطـاع

لـي عليـك انّـك تبّـت بكلمـة ٍ تشفـي الغليـل
ولك عليّ انـي لأوّقـف وقفـة الرجـل الشجـاع

لاتجاملني مخافة ( قال ) مـدري خـوف ( قيـل )
عمر ( هرج النـاس ) مايسمـن ولايغنـي جيـاع

كان قصدك ( سر حبك ) .. اوعدك لأصبح بخيـل
واحمل اسرارك معي للمـوووت قـدر المستطـاع

بس قلها … قل ما احبك … وابشر بصبر ٍ جميل
لاتحسب أني مثل مـن طبعهـم لـوي الـذراع !

صاحبـك ماهـو كـذا ياصاحـب القـد النحـيـل
صاحبـك طبعـه غريـب وغربتـه غربـه طبـاع

في الهـوى مايقبـل الحـل الوسـط ولا القليـل
مثل ماهو لاشـرى يشـري .. ليامـن بـاع بـاع

ثابت ٍ لو هـي تميـل الارض حـدره … مايميـل
يـدري ان الفقـر ماهـو عيـب والدنيـا مـتـاع

ماعشـق لـذّة حياتـه كثـر عشـق المستحـيـل
ولا كـره حتـى مماتـه كثـر كـره الأنصيـاع

كم تعلّم مـن شديـد البـدو وش معنـى الرحيـل
وكم تعلّم من غروب الشمـس وش معنـى الـوداع

وكم تعلّم من سحاب الصيف وش معنـى الحصيـل
وكم تعلّم من ليـال البـرد وش معنـى الضيـاع

ايه انا هذا طريقي ( موحش .. وصعب .. وطويل )
وانت لامنـك تعبـت .. العالـم فجوجـه وسـاع

اعتبرنـي فـي بدايـة سكّـتـك عـابـر سبـيـل
و رح وانا قلبي معك من ويـن وجّهـت الشـراع

يكفي اني لاانذكرت فـي سالفـة عشّـاق .. قيـل
:عاشر احبابه شجـاع .. وفـارق احبابـه شجـاع
****************************************
خلاص

ياصغيّر السن قدرك طاحـت أبراجـه
الجرح خلّى الصخر ينطـق ونطقّنـي

خلاص ماعاد تعنـي لـي ولا حاجـة
رح.. جعل ربـي يوفقـك ويوفقنـي

من بعد ماكنت نور العمـر وسراجـه
اليوم صرت الظـلام اللـي يطوقنـي

عطيتك أكثر من اللي كنـت تحتاجـه
أسرفت فـ( الحب) ..لين الحب وهقني

خلاص.. مالي ومال الحب وإزعاجـه
مالي ومال الـدروب اللـي تضايقنـي

تعبت أضمّ البحـر وأهـدِّي أمواجـه
تعبت أجامل و أشوف الوقت يسرقنـي

شكواي للي عليه الضيـق و إفراجـه
اللي إذا شـاء.. يرحمنـي ويرزقنـي

أما أنت يابـو جبيـنٍ عقّّـد حجاجـه
لاعاد تسأل: "علامك ما أنت طايقني ؟"

النـاس كـلٍ علـى دربـه ومنهاجـه
وأنا عن النـاس مابـه شـي يفرقنـي

إلا أني دايم أحب الصـدق وأواجـه
مخلوق .. و الله على هالوضع خالقني

حتى رفيقي ضماد الجـرح وعلاجـه
على كثر ما أتمّسك فيه .. صدقّنـي ..

لو أدري إنه مرافقنـي علـى حاجـه
لأمسّكه حاجتـه.. وأقـول : فارقنـي
**************************************
بـــاب الـــنـــســـيــــان …..

كل مــأ في الأرض ينذر بالمفارق والغياب
اللقا .. والشمس .. وحروف الرسايل … والقبور
وش بقى يوم اكتشفت ان ىخر الدرب السراب؟!
والبحر دمع لسواحل هاجرت عنها الطيور!
ما لحزني صوت.. مدري هو خطأ وإلا صواب ؟!
بس أعرف أني حزين وصوتي الليلة جهور
من يدثر صوتي الليلة ويكسب له ثوب
مالها يا الشعر غيرك أنت … ياجبر الكسور
يكفي اني لا بكيت بدزنك .. أشعر بارتياب
وكل ما ابكي فيك .. اشوفك لي .. عن اللي فّي ..سور
ادري بيوتك عرايا لكن أوزانك ثياب
لبس جروحي من احزانك .. وألبسك الصدور
كان يا ما كان والنسيان للعشاق باب
عاشق لا شدّ درفة باب.. صاح بال شعور :
يقدر النسيان ينزع غصن من فوق التراب
بس ما يقدر يقرب للتراب وللجذور
كيف أبنسى ذكريات الطيش الأول والشباب
ورفقة الليل العتيقة .. وأول الفجر الطهور
والمواعيد .. وشغبها .. والوله قبل العتاب
وساعةٍ كم كنت احاول في عقاربها تدور
والمكان اللي وهن سقفه من الفرقا وشاب
من بعد ما كان يحضنا مثل طفلٍ غيور
والمطر لا لوّن الشارع .. وقلنا للسحاب :
بلّل أيدينا .. ترى العشاق أياديهم زهور
كيف أبنسى والرياض لسيرتي مثل الكتاب
حافظتني بيت بيت .. وحي حي .. ودُور دُور
من كثر ما كنت أدور في شوارعها جواب ..
هو صحيح الحب أعمى أو عيون الناس عور؟؟
كنت أشوف الحب عذب .. وهم يشوفونه عذاب
كان هذا الحب سر .. وقلته وكلي سرور
علموني في المدينة كيف لا حبيت اهاب
لكن القرية قمرها قال : كن للحب نور
في بلادي كنت عاشق بس شاعر باغتراب
لين صرت الشاعر اللي تعشقه كل البحور
علميني يالقصايد : هو خطأ وإلا صواب ؟
لارفضت انسى عيونٍ عشقتها شعر وشعور
هذا أنا لحالي هزيل الحال وأشعر ياكتئاب
كن قلبي جال بحرٍ هاجرت عنه الطيور
أجرع الفرقا وأقول الحب عذب .. وللعذاب ..
كل قلبٍ لا حرمه الوقت من خلّه .. يبور
ولين هذا اليوم أدور في المدينة عن جواب
ليه شرعك يكون الحب معنى للفجور ؟؟!
****************************************
الأســــــــــــرار …

يا رفيف الماء … وفجر العيد … واحزان المواني
يا أكثر أهل الأرض طيبة قلب .. وأسرارٍ دفينه
المكان اللي هنا … مليان ضحكات ، وأغاني !!
والكلام اللي بغيت أقول … يحتاج لــــــ سكينه !
شوفي الركن البعيد هناك … كنّه صدر حاني
هذا هو اللي يليق بــــــ شاعر وبنتٍ حزينه !
أنسى الشارع ، وعتمات الزوايا ، والمباني
هاتي يدينك نلفّ الغيم و نشكل مدينه !!!
عندي الليله كلام وصمت .. .أخاف الثواني ..
تظلمه … أو تظلم اللي في كم ضاعت سنينه
بس لازم تسمعين اللي أبي .. والا تراني ..
لو بـــــ اعيده لك .. نسيت .. ورحت أقول اللي تبينه !!
شي واحد قبل ما أبدا .. ما أبي أي شي ثاني
يخطر في فــــ بالك .. وأنا أكشف لك شعورٍ تجهلينه !!
إن أنا .. وبكل ماتحمله " أحبــــــك " من معاني
كنت ، وراح أبقى أحبــــــك .. لين .. مدري وش هو لينه !!
بس والله ماقدرت أنسى .. ولا همي نساتي
لا ذكرت إنسان .. فيه أسرار ما بينك وبينه !
كل ماتطري علي فكرة هواك الأولاني
أشعر أني أنطعن مليون مره من يدينه
أشعر أن عيونك .. الله ما خاقها إلا عشاني !
كيف كانت تبتسم له ؟؟ قولي أنك تخدعينه !
صورة انه كان يسمح دمعك .. تزلزل كياني
وكيف كان يلمّ شعرك .. ويتبعثر في يمينه !!
حتى اسمك يوم رحت أدلله .. حظي رماني
.. بنفس الاسم اللي يقول .. بذمتك ما هي غبينه
وكني الي .. كل ما أناديك بالاسم الفلاني
أطلب النسيان .. يترك منه شيٍ تذكرينه !
لا تظنيني أناني .. لا أنا مانيب أناني
لو سلمت من الغرق .. بــــ اموت في ظهر السفينه !
يااني ما اكمل واعاني .. أو أكمل ثم أعاني
… كل ما اسمع طاري اسمه .. أو تجي عيني فـــــ عينه !!
أينا كان الضحيه ؟؟ …. وأينا الي كان جاني
مدري .؟! ولكن قراري لازم أنك تقبلينه
مثل ما اكره فكرة انه واحد ياخذ مكاني
ما اقدر اجلس في مكان انسان .. كنتي تعشقينه ….

************************************************** *************

لاتحرموني من ردودكم الحلوة …