والله لولا الخوف من ربي وكرهي لذنوب
كان اقول ان التراب ابعد عليك من النجوم
يا إلهي تطمئن بذكرك ارواح وقلـــــــوب
لا إاله الا انت نسجد له ولا غيره يـــــدوم
يا العظيم اللي فعلمك جنه ونار وغيوب
تنجي امي من عذا النار والقبر الكــــــتوم
يمه الله اللي يعلم يوم اودعك مغصوب
يوم احطك بالقبر مدري اقوم؟ او ما اقوم؟؟؟
ما هقيت امشي ولا خطوه ولا الحق غروب
من عرفت ان الفراق اليوم صارامر محسوم
صارت الدنيا تدور ولا عرف الدرب نوب
مثل الاعمى صرت يمه ما علي شره ولـــوم
الوكاد اني غديت بصوب والدنيا بصوب
والحياه الله يجيرك صارت اقسى من الـــــلزوم
كل ما اذكرك يمه يحترق شمع ويذوب
يخترق صدر المفارق من كثر ما صار محروم
اذكرك وانت هنا وهناك يا صعب الهروب
وين ما اناظراشوفك في عيوني كل يــــــــــوم
اتخيل طلتك ومشيتك فيها الدروب
حتى صوتك اسمعه نفس السوالف رحـــــــوم
صار بيتي في عيوني موحش وكله عيوب
من رحلتي لا خبر ولا علم ولا عين تنــــــــوم
ما بقى للبيت نور ولابقى للجرح ثوب
لا بقى الا ذكريات بيني وبينك تــــــــــــــــدوم
يمه الله لا يعاقبني ولا كني اتوب
ليت ربي ما خلق فرقا ولا موت وهـــــــموم
ادري الجنه تحت رجليك ولله الوجوب
اسال الله الرضى والفوز يا الحي القــــــيوم
لشاعر فلاح عشوي العنزي
منقووله
من رحلتي لا خبر ولا علم ولا عين تنــــــــوم
ما بقى للبيت نور ولابقى للجرح ثوب
لا بقى الا ذكريات بيني وبينك تــــــــــــــــدوم
يمه الله لا يعاقبني ولا كني اتوب
ليت ربي ما خلق فرقا ولا موت وهـــــــموم
ادري الجنه تحت رجليك ولله الوجوب
اسال الله الرضى والفوز يا الحي القــــــيوم
صح لسان شاعرها
وعلا شانك اخوي
ابيات محزنه بجد
مااقول الا الله يخلي لنا والدينا ويطول بعمارهم
تسلم اخوي على هالنقل
لاعدمناك ولا عدمنا حضورك
تقبل طلتي
دمت كما تحب..
