_ô»‰®¤*~ˆ° حد علمي °ˆ~*¤®‰«ô_°
حد علمي بالغلا يوم كنت أسوى كثير
يوم كانت ضحكتي طبع وعنادي سمه
وحد علمي بالعنا يوم خفاقي ضرير
قبل أهدم العشق وأبنيه وأرجع واهدمه
وحد علمي فالبكاء يوم لي قلب وضمير
قبل أشوف المسلم يموت بيد المسلمه
إيه عدّت من يدي بس ماعدّت بخير
ليلةٍ عيّت تجيني وجتني مظلمه
من عرفت إحساسها كن في قلبي نذير
والنهار المكتئب باينٍ من مقدمه
ليلةٍ حسيتها لاتجور ولاتجير
مثل طفل ٍ ماحقرته وعيّت إحشمه
وأصبحت مثل شعره وأقصمت ظهر البعير
وأبتدى في موته الجرح من حيث إختمه
صارلي بالعشق مالا هقيت أنه يصير
أنظلمت بعشرت أنسان ماكنت إظلمه
العشير اللي تبرى من ضلوع العشير
الحلا عزّز خطاياه والحظ إخدمه
لاتبسّم يكسر النور بعيون البصير
وكن شمس المغربيه تبات إبمبسمه
معتدل في قامته لاطويل ولا قصير
ممتلي بالزين من معصمه لي معصمه
فيه بلوان الهدب لون غير ولون غير
مثل ما للرمش بالعين قصه مبهمه
كنها نكس البيارق على شط وغدير
ومثل لملمت الشتات بشتات اللملمه
مع سواد مجدّل ٍ مايثور إلا يثير
كنه اللي ينهم الريح ثم ٍ تنهمه
ماتجمع لين قيّد حرير ٍ مع حرير
في ضلام ٍ علّم الليل مالم يعلمه
ماهقيت إن الهدب صلف وأجفانه تغير
لين سلهم لعنبوا جد ذيك السلّهمه
ماعتقني لين ساق البشاير للبشير
يوم صد وجاه قلبي بشحمه ولحمه
والله إنه حط قلبي تحت رحمت شطير
في يديه وكل ماراد يقسمه قسمه
ياعساني ماعدم إرضاه في برد وهجير
ولوعدمت مروّته ياعساني معدمه
إن طلب عيني رضا قلت ماغيره نظير
وأنشرب دمي غضب قلت يستاهل فمه
واهنيّه يرقد الليل مرقاد الغرير
كن نومه لابغى يهزم الجفن إهزمه
وإلنا من صفرة عصير الى صفرة عصير
والسّهر يايلزم العين وإلا تلزمه
لو صحيح إن الحبيبين يجمعه مصير
كان نفس اللي حرمني من النوم إحرمه
والله إن مروّتي ولّعت فيني سعير
يوم شفته تل قلبي وداسه بقدمه
مارحم زهرة شبابي وأنا توّي صغير
لين ضيّق خاطري ضيّق الله إنسمه
إيه عدّت من يدي بس ماعدّت بخير
ليلةٍ عيّت تجي بس جتني مضلمه
حد علمي في عناها عذاب وزمهرير
يوم قمت أوحي بالاضلاع صوت وهمهمه
وحد علمي بالرجا من نصير اليا نصير
يوم شفت النّفس تذبح وهي مستسلمه
وحد علمي بالبكا يوم لي قلب وضمير
قبل أشوف المسلم يموت بيد المسلمه
!௮ஹண۩₪™¼السفينـــــــــــــــة¼™₪۩ணஹ௮
ضاقت وساع الفيافي والوعد متن السفينه
للطريق اللي دعاني بعد أمان الله وأمانه
لا تناديني وصوني قلبك الله لا يهينه
لا يراهن في رجوعي لأجل ما يخسر رهانه
ليه ما أرحل عن غرامك بعد ماذقت الغبينه
اذكر لي شي واحد يستحق أقعد عشانه
قلب ما حن لوصالي ما ني بحاجة حنينه
واشهد أنه ما يعزر بالرفيع إلا هوانه
الهوى الغدار حد الله ما بيني وبينه
والرجل لا خير فيه إن ما حفظ قدره وصانه
واحد مثلي ليما حدته عوجى سنينه
ما شكى لأقرب بن آدم لو هو أغلى من اخوانه
يوم قلبي ما عصاك وما قدرتي تذبحينه
ليه خنتي فيه وانتى معه من نفس الديانه
كان ذبحي بايدك ارحم لي من اللي تفعلينه
وان طلبتك تذبحيني ما ذبحتني لعانه
كل جرح من جروحي تذكرينه تنكرينه
كن مالك في نزيفه يد خانت الأمانه
ينزف الخافق تواضع لين لطختي جبينه
وإلا أنا ما كنت ابيها توصل لحد الاهانه
قلت من باب الميانه صاحبك وتعذبينه
نعنوبك ارخى معاي شوي ما صارت ميانه
طعت عقلك يوم قيل العقل بالبنت زينه
لكن الشره علي اللي كنت احسب انك انسانه
من بعد ما كنتى انتى في حشاي أغلى سجينه
بوعدك بطلق سراحك واتهمني بالإدانه
وين رايح؟؟لأي درب ما يرجعني للمدينه
ليه رايح؟؟لأن قلبك ما ترك قلبي وشانه
كيف بانسى؟؟ربي اللي ملهم القلب السكينه
مثل ما عانه في قربك لا نوى فرقاك عانه
كان قاسي يجرح أطراف السكاكين بسنينه
ما يطيح وبنت مثلك حبها هزت كيانه
وإلا أنا خابر خفوقي ما يمد إلا الثمينه
وان بغى يغيظ الثريا قعد القمرة وزانه
مزعل لأجلك هنوف رجت عقول رزينه
وان تهادت بالطريق الجرهدي تزهر جنانه
جادل كن الجمال قبالها كتف ايدينه
والقمر لو شاورت له ينزح وتقعد مكانه
كانت اول من تحكم في فروع الياسمنه
وان تعدتهن تثنن خيزرانه خيزرانه
بعتها لأجلك وصارت لاصغر اطرافك رهينه
وإلااهي لفتت هدبها تغمرك ثقل ورزانه
والخفوق اللي تغذى من معزت والدينه
مشكلته انه تعلق في زمن ما هو زمانه
كل ما زادت جراحه واكتشف غلطت ضنينه
صدقيه ان قال مابه شخص يستاهل حنانه
يوم نادى يافلانه ما رضيتي تسمعينه
لين صوت يافلانه يافلانه يافلانه
كنت أشوفك زعفرانه تقرض الورد وتجينه
يمكن اني ما قطفتك بس اشوفك زعفرانه
كنت اهاب البعد عنك واطلبك لا تذكرينه
كان خوفي من الفراق وخطوة الفرقة جبانه
ما اقتنعت ان الخيانه للرجل تلوى يمينه
لين ما ربي بعثك وذقت من طعم الخيانه
اسمحي لي ما بقى فيني مكان تطعنينه
واقبلي من جوف قلبي كل عطفه وامتنانه
والله الله في عذابه باتركك عينك بعينه
دلليه ولا يدره عن شقاك إلا لسانه
والا أنا قررت أسافر وامتطى ظهر السفينه
لأنه ما به شي واحد يستحق اقعد عشانه
� ﬗ▁▂▃▅▆▇★☀二【«يقولون مالايفعلون»】二☀★▇▆▅▃▂▁ﬗ
مابقا الا سود الأيام تحرمك الرقاد
كيف الأوهام تتجرأ تسريك مغبون
من متى تجزع من الدمع وتخاف البعاد؟
من متى تقفي بك ظنون وتجيبك ظنون؟
صرت تاخذ كذبتي صدق ومزاحي وكاد!
لو بقول اني بخون تحسب اني بخون !
ماتعرف ان كل شعر يهيم بكل واد
وانهم دايم يقولون مالا يفعلون !!
ابك انا لو قلت ابنساك وانكرت الوداد
والله اني مانسيتك ولا هم يحزنون
من جزع من صفعة الشمس يطمع بالبراد
ومن فقد وجهاته الخمس يلقا بك ركون
اعتبرها هفوة انسان او كبوة جواد
لو بتسمح فأنت غالي
ولو تجرح تمـــــــون
عد صداتك مروه وطعناتك ضماد
خلهن لاراحن طعون ولاردن طعون
خنجرك يستاهل الطعن ومتوني اشداد
ومنك يازين الخناجر ويابخت المتون
رد لي حنيت المزح بأحساس الجمال
خلنا واحد يجي صلب والثاني حنون
موت فيني واندفن فيك بثياب الحداد
وان حييت اموت لأرضاك واحيا بك بهون
مره ارقد بالكفن وانت ترقد بالمهاد
ومره ارقد بالمهد وانت ترقد بالكفون
ادري ان شجونك شجون وعنادك عناد
والبلى ان عنادك عناد وشجونك شجون
ربك اللي صخرك لي تقود وماتقاد
والله الخالق ولله في خلقه شئون
ازرع ضلوعي من رضاك وابشر بالحصاد
لعنوبو من جيت ترضيه وترد محزون
بس تسوالك بلد قول تسوالك بلاد
انت كل العالم بكون وانت لحالك بكون
مابعد محبتك حب ومرادك مراد
غير كونك سيدي حشاي تدري من تكون؟
نعمتين اختصو الخلق من جود الجواد
كافل الأرزاق من حيث مالا تعلمون
البنون ونعمت المال في عيون العباد
زينة الدنيا بلا شك في كل العيون
مثل زينة دنيتي بس عندي شي زاد
من عرفتك صارو المال وانته والبنون
انتشي بك نشوة التيث لعناق الرشاد
وافزع الك بفزعة القرم لشهاق الزبون
واحصنك تحصين الأرزاق عن درب الفساد
واعشقك عشق المضاليم لفراق السجون
لو تزيد الشوق جمره تحولني رماد
لو يزيد العشق شعره بوصل للجنون
خل هقواتك كبيره ونضراتك بعاد
كانك انت بكبرك تهون منلي مايهون
ازعلك وارهن حياتي تحت رحمة زناد
تهبا لا والله الا انت والموت تهبون
عاد إذا لأرضاك هرجي والا اللي قلت فاد
إننا لله وإنا إليه راجعون
وانت باكر بتعرف على ناسن جداد
والكلام يجيك من كل شكل وكل لون
لا تحسب ان كل كلمه تسمعها وكاد
ولا تصدق هرج شاعر وتخدعك الضنون
دايم اعرف كل شاعر يهيم بكل واد
وانهم دايم يقولون مالا يفعلون
حتى انا اللي قلت اعشقك وماأطيق البعاد
يمكن اطلع ماعشقتك ولاهم يحزنون
للقصايــــــد الوطنيـــــــة نصيب كبير من شعر حامد زيد
قصيدة في أمير القلوب الشيخ جابر الأحمد الجابر الصباح رحمه الله
جابر الخير
من ربوع الفخر والعز والظل iiالظليل ii
من زلال الحرف بالقاف للحرف الزلال
من اصالة جد من جد من جد iiأصيل ii
من وصال الشعب للشعب لأسباب الوصال
للوفا للجودللفخر للقلب iiالدليل ii
للأمير اللي جمع كل ذربات iiالخصال
من سنة سبعة وسبعين والعمر iiالطويل ii
لي سنة سبعه وتسعين حكم بالعدال
ميزك رب السماوات بالفعل iiالجميل ii
وخصنا رب السماوات في حب iiالجمال
المهابة والفخر منك يالسيف iiالصقيل ii
والشموخ بعزتك فوق هامات iiالجبال
ماتميل بعزتك يوم لوغيرك يميل ii
كامل ياسيد الشعب ولله iiالكمال
منزلك بقلوبنا فوق ماعينك تخيل ii
ومنزلتنا عندك تفوق توصيف iiالخيال
انت عشق الشعب للشعب ياخيل iiالخليل ii
وأنت شمس عاشت الوقت لعناد iiالزوال
وانت نور الشمس للناس وظلال iiالنخيل ii
والنخيل ان ظلل الناس مايلقى ظلال
زهد ما تلتفت للكثير iiوللقليل ii
حاكم للشعب عشرين عام باعتدال
مايعادل جودكم لاكريم ولا iiبخيل ii
في كلامك لو تجادلت مامثله iiجدال
بسم شعب مارضى غير حكامه iiبديل ii
لو تثور اعداه وتصبح فتنه من iiشمال
مايقابل جابر الخير قداح iiالفتيل ii
والرجال ان رادت الموت تفداها iiرجال
والقياده والولا للاصيل بن iiالأصيل ii
والغلا بقلوبنا يفتح لجابر iiمجال
من سنة سبعة وسبعين والعمر iiالطويل ii
لي سنة سبعة وتسعين حكم بالعدال
ماتميل بعزتك يوم لو غيرك يميل ii
كامل ٍ ياسيد الشعب ولله iiالكمال
