الوسم: الشيف

المقادير
كيلو ونص رز
طماطم وصلصه حسب الرغبة
بقدونس وكسبره خضرا حسب الرغبة
وطبعا بصل
وتتبيلة الخلطه اللى هى فلفل اسود وملح وبهارات وكسبره ناشفه
الطريقة
بنقلى البصل فى حتة سمنه وشوية زيت بس منسيبوش يصفر
وبعدها نحط عليه الخضرة لغاية ماتدبل
ونحط عليها الطماطم والصله ونقلب
ونطفى النار ونضيف الرز
ونحط التتبيلة بتاعتنا ونقلب طبعا
وبعدها نستنى لما الخلطة تبرد ونحشى الممبار
ونسلقه
انا سلقته ع النار لمدة ساعتين
بس فيه ممبار بياخد اقل من كده شوية
على حسب عمر العجل
بعد ماسلقته طلعته حطيته فى حلة صاج وعصرت عليه ليمون ودخلته التلاجه
وتانى يوم حمرته فى الزيت
معلش انا مش كاتبة مقادير الخلطة بالظبط لانى مش بحسبها يعنى حسب مابتحتاج بزود
هسيبكم مع الصور من اول ماحشيته لغاية ماحمرته
دى الخلطه

ده بعد ماحشيته وطبعا مش بخيطه لانه بيتقفل لوحده وهو بيتسلق

ده بعد ماتسلق قبل ماطلعه من الحله

لاتنسونى بالدعاء

للتخلص من النمل :

ضع قشر الخيار في المكان الذي يخرج منه النمل

للحصول على مكعبات نقية من الثلج :
إغلي الماء أولاً .

لجعل المرايا تلمع :

إمسحها بالسبير تو.

لنزع العلكة عن الملابس :

ضع الثياب في مجمد الثلاجة لمدة ساعة

لتبييض الملابس :

ضعها في ماء مغلي مضافاً إليها شريحة ليمون لمدة عشر دقائق ، ثم اغسلها

لإعطاء الشعر لمعاناً :

أضف ملعقة صغيرة من الخل للشعر ثم اغسله جيداً .

لجعل الليمون يعطي أكبر كمية من العصير :

ضعه في ماء ساخن لمدة ساعة قبل عصره .

لإزالة رائحة الملفوف أثناء الطبخ :
ضع قطعة خبز فوق الملفوف في الوعاء

لإزالة رائحة السمك من اليدين :

غسل اليدين بقليل من خل التفاح

لمنع الدمع عند تقشير البصل :

امضغ علكة .

للتأكد من صلاحية المشروم :

رش قليلاً من الملح على الفطر ، فإذا تحول لونه للون الأسود ، فإنه جيد ، وإن تحول لونه للأصفر فإنه سام .

لسلق البطاطا بسرعة
:
قشر حبة البطاطا من جهة واحدة فقط قبل السلق

لسلق البيض بسرعة
:
أضف قليلاً من الملح إلى الماء .

لإذابة الدجاجة المجمدة :

ضعها في ماء بارد مضافاً إليه ملعقتين كبيرتين من الملح

لمعرفة السمك الطازج :
ضعه في ماء بارد ، فإذا طفا على السطح فإنه طازج .

لمعرفة البيض الطازج :
ضع البيضة في الماء ، فإن رسبت بشكل أفقي فإنها طازجة ، وإن رسبت بشكل مائل ، فإن عمرها 3-4 أيام ، وإن رسبت بشكل عمودي ، فإن عمرها 10 أيام ، وإن طفت فإنها فاسدة .

لإزالة الحبر عن الملابس
:
ضع كمية من معجون الأسنان على بقعة الحبر، واتركه حتى يجف تماماً ، ثم إغسل كالمعتاد

لتقشير البطاطا الحلوة بسرعة :

ضعها في الماء البارد فوراً بعد نضجها .

لمنع فوران الحليب :

إغسل الوعاء بالماء البارد (من الثلاجة) قبل غلي الحليب .

لإزالة الحشائش من جوانب الطريق :

رش الملح عليها .

للتخلص من الفئران
:
رش الفلفل الأسود في الأماكن المحتمل وجود الفئران فيها ، عندها تجد الفئران تخرج هاربة بسرعة ! .

لإبعاد البعوض خاصة في الليل

ضع بضع أوراق نعنع طازج قريباً من الوسادة وفي أنحاء الغرفة

يسلمووووووووووووووووووووووووووووو

ياعسل معلومات مفيده ومهمه وقيمه

نقبلي مروري

كبير

السلام عليكم ورحمة الله
قبل مااكتب اى حاجة ادعولى من قلبكم ان ربنا يرزقنى الزوج الصالح
النهرده عملت الكريب باللحمة المفرومة الموز المكرمل ومصورة كل المراحل بالتفصيل
نبدء بسم الله
اول حاجة مقادير الكريب
3 كوب حليب
3كوب دقيق
6 بيضات
ربع كوب زيت
ذرة ملح
الطريقة
هنضرب بالمضرب اللبن مع البيض والزيت
وبعد كده نحط الدقيق والملح ونضربهم كويس اوى لغاية مانصل على قوام متماسك
هنجيب طاسة تيفال نحط فيها نقطة زيت
ولازم النار تكون عالية
ونحط فيها كبشة من العجينة ونفرشها فى الطاسة
لما الورقة ميكونش فيها مادة سايلة يعنى العجينة نشفت
نقلبها ونسيبها 5 ثوانى ونشيلها وهكذا لغاية ماالعجينة تخلص وفى كل مرة نحط
نقطة زيت فى الطاسة
وعشان التوضيح يبقى اكتر
اسيبكم مع الصور


شايفين العجينة لازم تكون كده



لما تكون بالشكل ده يبقى لازم اقلبها

ده بعد ماقلبتها

نيجى بقى للحمة المفرومة وطريقة تعصيجها
مقادير العصاج
ربع كيلو لحمة مفرومة
بصلة ونص
ملعقتين كبار سمنة
رشة ملح
رشة فلفل
ملعقتين شاى بهارات
6 طماطم
م ك صلصة
جزرة
فلفل اخضر
الطريقة
هنفرم اللحمة ونحط عليها البصل والملح والفلفل والبهارات
ونقلبها ونحطها ع النار ونقلبها لغاية ماتدبل نحط عليها السمنة ونقلبها تانى
بعد كده نحط عليها الطماطم مبشورة والصلصة والجزر والفلفل مخلوطين مع بعض وعليهم رشة ملح
ونقلبهم فى بعض ونحط حوالى كوباية ميه ونغطى عليها ونسيبها تلت ساعة لغاية ماتستوى
هسيبكم مع الصور بالترتيب




دى لما استوت وهاخد من على الوش 3 معالق كبار وهعين الباقى لمدة نص ساعة فى الفريزر عشان مينفعش احطه على الكريب وهو سخن

دول ال3 معالق اللى اخدتهم حطيت عليهم ملعقة كبيرة صلصة
وملعقتين كبار صويا صوص عشان ده الصوص اللى هحطه على وش الكريب وهو فى
الصينية قبل ماادخله الفرن

دى صورته بعد ماضفت عليه نص كوباية ميه وسيبته يغلى

دلوقتى هسيبكم مع صور لف الكريب لغاية مايستوى ونقدمه



ده لما حطيته فى الصينية وحطيت عليه الصوص اللى عملته قبل مادخله الفرن
هسيبه تلت ساعة بس على درجة حرارة 200 فى فرن الكهربا لو البوتاجاز هتبقى الحرارة اخفض

ده لما استوى وقدمته

تابعونى المشاركة الجاية هنزل الحشو بالموز المكرمل

نيجى بقى لحشو الحلو
مقادير الحشو
4 موزات او اى فاكهة انتى بتحبيها
كوباية سكر
2 مك زبدة او سمنة
2 م ك مياه
هنجيب السكر ونسيبه فى الحلة على النار لغاية مايبقى كراميل
ولما يبقى كراميل هنحط عليه نقطة ميه بعد كده هنحط عليه الزبدة ونقلبه
وهنحط عليه الميه ونقلبه كويس عشان لو فيه كلاكيع تفك ونسيبه يغلى
هنكون فى الوقت ده بنقطع الموز شرايح
ونطفى على الكراميل ونحط فيه الموز يستوى على البخار ونغطى
هنجيب الكريب ونحط فيه الموز من غير الكراميل بس هنضغط عليه شوية بالسكينة
فيه طريقتين للتقديم وانا مصورالكم الاتنين
اول طريقة هنحط الكراميل بعد مانصفيه عشان لو فيه كلاكيع على الكريب
تانى طريقة هنحط فى نفس الطبق جنب الكريب موز بالصوص
اسيبكم مع الصور بالتفصيل

يسلمووووووو كتير كتير تقبلي مروري

مشكوريـــــــــــــــــــــــــــن

تسلمو ياقمرات ع ردودكم الجميلة
وفى انتظار تطبيقاتكم
وتحت امركم فى استفسار

السلام عليكم ورحمة الله

كل سنة وانتو طيبين بمناسبة قرب عيد الأضحى المبارك

الجاتوه الهرمى وجاتوه الشطرنج شكله حلو وطريقته سهلة

اول حاجة مكونات الجاتوه الهرمى:

ربع كيلو دقيق سبونش فانيليا

ربع كيلو دقيق سبونش كاكاو

(وطبعا دقيق الاسبونش الجاهز مضاف ليه البيكنج بودر والمحسن والسكر احنا بنضيف فقط البيض والماء ومفيهوش مواد دهنية لأنه اسفنجى)

6 بيضات كبار

نصف كوب ماء

فانيليا

مكونات الحشو:

كوب ونصف كريم شانتى خام

2 الا ربع كوب ماء مثلج

3 ملعقة كبيرة حليب بودرة

2 ملعقة كبيرة كاكاو خام

5 ملعقة كبيرة سكر بودرة

(ةممكن بدل الحليب البودرة والماء مثلج حليب طبيعى)

وللتزيين:

جوز هند اصفر او حسب رغبتكم

الطريقة:

انا كل مرة بستخدم دقيق اسبونش سايب بس المرة دى استخدمت الطحان وكل علبة بيبقى فيها نص كيلو

فى اناء هنحط سبونش الكاكاو و3 بيضات وفانيليا وربع كوب ماء

وهنخفقهم بمضرب البيض لمدة 3 دقايق متواصلة لغاية مايغلظ الخليط ويبقى كريمى

ونحط الخليط فى صينية مربعة على ورق خبز

وندخله فرن حرارته هادية وطبعا كل فرن بيختلف عن التانى
وهنعمل كيك الفانيليا
فى اناء هنحط سبونش الفانيليا مع 3 بيضات وفانيليا وربع كوب ماء

ونخفقهم بمضرب البيض لمدة 3 دقايق متواصل

ونحط الخليط فى صينية مربعة على ورق خبز

وندخلها فرن حرارته هادية لغاية ماتستوى
وبكده هيبقى عندنا ديسكين فانيليا وكاكاو وسمكهم مش هيبقى عالى لأن الصينية كبيرة ولأننا لسه هنعمل طبقات فوق بعض

هنقلبهم على ورق خبز وندخلهم التلاجة لمدة يوم كامل

تانى يوم نطلعهم عشان نحضر الجاتوه واول حاجة هنعملها الكريم شانتى
هنحط كل مكونات الكريم شانتى مع بعض فى اناء

ونضربهم بمضرب البيض لغاية مانوصل للقوام المطلوب وبكده يبقى الكريم شانتى جاهز عندنا

ونحضر ادوات الفرد والتقطيع

ونحط الكيكتين على بعض الفانيليا والكاكاو ونساوى اطرافهم بالسكينة المشرشرة

ونقسمهم بالنص بالظبط هيبقى عندنا 4 ديسكات 2 فانيليا و2 كاكاو

وهنحشى الكيك بالكريم شانتى


تااااااااااااابعونى
هنكمل المشاركة الجاية

هيبقى عندنا 4 طبقات بنى ابيض بنى ابيض وبينهم كريم شانتى

ودايما واحنا بنشتغل هنساوى الاطراف بالسكينة المشرشرة وبدل مانقسم القطعة اللى عندنا مرة واحدة ويبقى صعب علينا فى الشغل هنقسمه ل 3 قطع متساويين

وكل قطعة من دى هناخدها نقسمها بالجنب او بزاوية زى مانا حاطة السكينة بالظبط ويستحسن نحط الكيك فى التلاجة بعد مانحشيه بالكريم شانتى عشان واحنا بنقسمه يبقى متماسك

هتتقسم لقطعتين نحشيهم بالكريم شانتى

وهيدينا الشكل ده اللى هو شكل الهرم المبدئى


هنغلف الجاتوه من برة بالكريم شانتى ونحط عليه جوز الهند ونقطعه قطع متساوية ومننساش ان لسه عندنا قطعتين هنعمل معاهم نفس الخطوات اللى فاتت وهيدينا شكل الجاتوه الهرمى الجميل بس قبل الصورة النهائية هنشرح طريقة جاتوه الشطرنج
نفس المكونات والطريقة اللى استخدمناها فى الجاتوه الهرمى بالنسبة للكيكات والكريم شانتى هى اللى هنستخدمها فى جاتوه الشطرنج اللى هيختلف بس طريقة التقطيع
بعد مانحط ال4 شرايح فوق بعض ونحشيهم بالكريم شانتى ونقطعهم ل3 تانيين هنقطع بالطول ل3 قطع مثلا

ده اول جزء قطعناه

وهنحط القطع فوق بعض عكس بعض يعنى الشريحة البنى يبقى فوقها ابيض والابيض فوقها بنى عشان تدينى شكل الشطرنج وكل طبقة قبل مانحطها هنحط طبقة كريم شانتى وهتدينى الشكل ده

هنغلفها بالكريم شانتى ونحط عليها جوز الهند ونقطعه
وده شكل الجاتوه الهرمى اللى عملناه اول الموضوع

وده جاتوه الشطرنج

يارب موضوعى البسيط ده يكون عجبكم

يمي شهـــــــــــية تسلم ايديك شاف
لاعدمنا مواضيعك
تحاياي

يمي ….. هأ بدي منوو يالله

يسلم ايديك يا شيف والله باينتها بتشهي

مشكورة عالوصفه شيف
يسلمو

السلام عليكم ورحمة الله
نبدأ بالمقادير
نصف كوب دقيق سيمولينا(دقيق السميد)
نصف كوب جوز هند(اختيارى)
كوب الا ربع سكر
كوب ونصف زبدة بدرجة حرارة الغرفة
3 ونصف كوب دقيق
كيس فانيليا
ملعقة صغيرة بيكنج بودر
2 بيضة
مقادير السيرب
كوب مياه على كوب سكر وربع ليمونة
الطريقة
هنضرب الزبدة مع السكر

ولما تنعم هنحط عليها بيضة بيضة بالتدريج ونضربها

وده شكل البيض والسكر والزبدة لما اتضربو مع بعض

بعد كده هنضيف عليهم الدقيق العادى ودقيق السيمولينا والبيكنج بودر

ونضربهم تانى مع بعض وده شكلهم لما اتضربو

بعد كده ندخل العجينة التلاجة لمدة ساعتين ولما نطلعها نعجنها بايدينا
وده شكلها بعد ماخرجتها من التلاجة وعجنتها

خلى بالك قبل ماتشكليهم وتحطيهم فى صينية خدى جزء صغير من
العجينة وشكليه وحطيه فى صينية واخبزيه عشان تجربى قبل ماتحطى كل العجينة
وتشكليها
لو فرش منك اوى فى الفرن ولقيتى انك مش قادرة تمسكيه زودى للعجينة دقيق لأن كل نوع زبدة غير التانى وكل دقيق غير التانى
انا عملت كده وزودت دقيق
وبعد كده شكلتهم وحطتهم فى صينية وحطيت عليهم زبيب وممكن تحطى مكسرات او اللى انتى عايزاه
كورى كورة صغير عشان هتكبر فى الفرن

اخبزيهم على حرارة 180 وهياخدو حوالى 20 دقيقة
اطفى عليهم لما الوش يحمر
انا خبزتهم فى فرن الكهربا
ولما يطلعو حطى عليهم سيرب او ممكن تغطسيهم فى السيرب وبعد كده تطلعيهم ترصيهم فى طبق التقديم(انا عملت كده)
وبعدها حطيهم فى التلاجة قبل ماتاكليهم هيدو نتيجة احلى فى الطعم وفى التماسك
وبالهنا والشفا ياقمرات

يسلمووو شكلها لزييزه

مرة سهلة و رائعة تسلميلي يا الغلا

تسلمو ياقمرات ع ردودكم الجميلة
وفى انتظار تطبيقاتكم
وتحت امركم فى اى استفسار
على العام وعلى الخاص

ميرسي على الوصفه الرائعه
يعطيكي العافيه
في حفظ الله ورعايته

اضغط على اسمى للدخول

!!!ADO!!!

مرسي ياعسل على الموضوع الحلو

شكرا يا قمر على مرورك الدائم

يارب يعجبكم

مشششششششششششششششككككككككورةةةةةةةةة

الوصفة كتير سهلة شاف

تسلم ايديك في انتظار وصفاتك دايما
تحاياي لك

وصفه سهله وشكلها لذيذة
شكرا لك

وصفه جميله كثير ياشيف
مشكور على الوصفه والموضوع الجميل

السلام عليكم
المقادير
لفة قمر الدين
نص كيلو سكر
6 معالق كبيرة نشا
مكسرات للتزيين
الطريقة
اول حاجه هنجيب حلة مقاس 18
ونحط فيها قمر الدين والسكر
ونملا الحلة ميه
ونحطها على نار هادية
ونفضل نقلب لغاية ماالسكر وقمر الدين يدوبو ويبقو حاجة واحدة
وأول مانلاقيهم بيغلو
نحضر مج كبير ونملاه ميه ساقعه وندوب فيه 6 معالق كبار نشا
ونضيفهم لقمر الدين والسكر بالتدريج
ونفضل نقلب
لغاية مايغلو وتحسى ان القوام بقى غليظ
طبعا احنا مش هنطفى النار غير لما تحصلى ع القوام اللى انتى عايزاه
ساعتها تطفى النار وتبدأى تغرفيه فى اطباق
وتحطى عليه مكسرات للتزيين

ولاتنسونى بالدعاء

مشكورة يا قمر بس ممكن تفسريلي معنى ايه لفة قمر الدين و الله عمري ما سمعت بها في الجزائر

تسلم الايادي

يسلمووووووووووووو

تسلمو ياقمرات ع ردودكم الجميلة
وفى انتظار تطبيقاتكم
وتحت امركم فى اى استفسار
على العام وعلى الخاص

لفة قمر الدين هتبقى حوالى نص كيلو ياقمر من قمر الدين

السلام عليكم ورحمة الله
دى اكلة سهلة للعرايس والمبتدئات وبتبقى حلوة اوى فى العزومات
بس قبل ماكتب اى حاجة عنها
متنسونيش فى الدعاء ان ربنا يفرجها عليا ويرزقنى بالزوج الصالح
نبدء بقى ياقمرات
المكونات
فرخة بلدى

4 بطاطس

مقادير التتبيلة
بصلة

م ك مستردة

2 م ك صويا صوص

ملح وفلفل

م ك بابريكيا

2 م ك خل

ليمونة

بشر جزر اختيارى

قليل من الزعتر الناشف

هنخلط مقادير التتبيلة مع بعض ونتبل بيها الفرخة كويس وندعكها كويس ونتبل مابين الجلد والعضم

هنسيبها يوم بايتة فى التتبيلة

هنجيب صينية نقطع فيها 4 بطاطس وعليهم رشة ملح وفلفل

نحطها ع النار يعنى البطاطس بس لونها يتغير هنشوحها يعنى

بعد كده نجيب الفرخة نحطها هى والتتبيلة على البطاطس

نغطى الصينية ونسيبها ربع ساعة على البوتاجاز لغاية ماالفرخة تجيب ميتها بعد كده قلبت الفرخة بعد كده ندخلها الفرن

انا عملتها فى فرن الكهربا على حرارة 180

هتقعد حوالى ساعة فى الفرن

بعد ساعة الا ربع نجيب شوكة عشان نشوف الفرخة استوت ولا لسة

ان كانت استوت هنطفى

وهندخلها فرن البوتاجاز ونشغل الشواية عشان تاخد لمعة من فوق

ونغرف وتتاكل بالهنا والشفا

هسيبكم مع الصور بالترتيب والتفصيل

مشكورة يا الغلا و الله يرزقك بالزوج الصالح و يسعدك دنيا و اخرة

روعه يعطيك العافية

يعطيك العافيه

تسلمو ياقمرات ع ردودكم الجميلة
وفى انتظار تطبيقاتكم
وتحت امركم فى استفسار

السلام عليكم ورحمة الله وبركاته
عملت فطير مشلتت حلو باللبن والسكر والزبيب
بنفس طريقة الفطاطرى
فى فرد العجينة وتطبيقها
والحمد لله طلع رائع وطعمه حلو جدا
وقلت طبعا لازم اوريهولكم
نبدأ
المقادير للعجينة
3 كوبايات ونصف دقيق صغيرين
انا عملت بكوباية صغيرة اوى حوالى 50 جرام
ماء دافىء للعجن حسب ماالدقيق يحتاج
مقادير الحشو
زبيب وجوز هند وسودانى وقشطة ولبن وسكر وسمنة طبعا
نيجى بقى للطريقة
اول حاجة بالنسبة للعجينة
حطيت الدقيق وحطيت الميه شوية شوية
لغاية مابقت عندى عجينة طرية
وسبتها ترتاح ساعة
انا كنت موضحة الخطوة دى وشارحاها بالتفصيل فى موضوع قبل كده
كنت عاملة فيه فطير مشلتت
بعد ماسبت العجينة ترتاح
دهنت الترابيزة سمنة وفردت العجينة
فردتها بالنشابة عادى
وبعد كده فردت شوية بايدى
اهم حاجة طبعا ان العجينة تبقى شفافة وتبين اللى تحتها عشان تطلع الفطيرة مورقة معاكى
جبت الزبيب وجوز الهند والسودانى هما طبعا مخلوطين على بعض
حطيتهم فى نص العجينة
يعنى انا تقريبا حطيت 3 كبشات بايدى
وده بردو حسب حاجتك انتى
بعد ماحطتهم
طبعا العجينة ليها اربع اطراف
طبقت عليهم طرفين بس من العجينة
وجيت ع العجينة اللى فوق الحشو بس حطيت سمنة
وحطيت قشطة ع السمنة
وبعدها طبقت الطرفين الباقيين
وقفلت عليها من كل النواحى عشان الحشو مينزلش منها
ودهنت صينية كبيرة سمنة
وحطيت فيها الفطيرة
بس قلبتها
يعنى اللى كان فوق بقى تحت
ويستحسن تحطى حاجة فيها ميه تحت صينية الفطير عشان الفطيرة تبقى طرية
والعجينة فى الفرن حضرت كوباية لبن يعنى مج تقريبا ودوبت فيه سكر
بردو السكر حسب مابتحبى
بعد مامرت ربع ساعة ع العجينة فى الفرن
حطيت عليها اللبن بالسكر
وقفلت الفرن عشان تكمل سواها
لما وشها احمر من فوق طفيت
انا بساوى على درجة حرارة هادية اوى عشان متنشفش منى
بعد كده شغلت الشواية لمدة 5 دقايق بس
عشان تاخد من فوق لمعة
وطلعتها وقطعتها
وبالهنا والشفا
دلوقتى بقى هسيبكم مع الصور بالخطوات

يم يم ربنا لا يحرمنا منك يا شيف

تسلمو ياقمرات ع ردودكم الجميلة
وفى انتظار تطبيقاتكم
وتحت امركم فى استفسار

ياعيني ع الفطير المصري الاصيل
ايوا كده
هو دا الكلام
والمصري ان شاء الله يكسب
ههههههههههههههههههههههههههههههههههههههههههه
في حفظ الله ورعايته

مشكورة عالطرح
يعطيكي العافية
دمتي بود