بائع الكعك
من البائعين المتجولين في طرابلس ايضا بشكل لافت يائع الكعك ، الذي يستعمل عربة من اجل عمله ، وهذا العمل مثل كل اعمال الحرة المتجولة تحتاج الى عزم وصبر وثبات ، من اجل ان يحصل على لقمة عيشه ، فعلى بائع الكعك ان يستيقظ باكرا من اجل الذهاب الى فرن الكعك ويأتي بهم ويضعهم على عربته من اجل الانطلاق الى العمل ، فيشعل النار في المنقل ليحصل على الجمرات ، ويقطع الجبن شرحات رقيقة من اجل وضعها في الكعكي ويسخنها على النار ، وكم يوجد من البائعين الذين يجعلوك تأكل منهم على رغم عدم معرفتك بهم شخصيا ، مثل هذين البائعين الذين سمحو لي بتصويرها مشكورين جدا
في طرابلس يوجد نوعين من الكعك ولا اظن انه يوجد في غير الشمال من هذا الكعك ، واحدة يقال لها مرفوخا كونها مثل رغيف الخبز والاخرة يقال لها مصلبي كونها في الوسط مثل الصليب ، وهذه هي تستعمل لوضع الجبن بداخلها اكثر من المرفوخا وهذه تأكل مع سماق فقط في اكثر الاحيان ، وما اطيب الكعكة على النار محمصة تشهي الاكل ، والذي يقصد طرابلس قلما لا يأكل كعكة فيها ، كونها منتشرة في كل مكان تقريبا ورخيصة جدا ، وهذه الصور تقول ما لم اقوله لكم
بائع كعك
كعكة مرفوخه
كعكة شنطة
كعكة مصلبة
مو طبيعي الموضوع
كان لازم تحطو اهداء الي
بتعرفني نقطة ضعفي الكعكة وانت اكتر واحد بتعرفي منيح لما تنزلني عالسوق بدون ما احكي لحالك تروح عند اول بياع كعك وتقلو كعكة بجبنة لو سمحت وكتر الجبنة وحمصلي ياها منيح وتعطيني ياها من ايديك الحلوين واتمشى انا وياك بالسوق وانا عم آكل الكعكة واشتري اغراضي
وصرت معروفة بالعيلة اي حدى بيجي من طرابلس لازم يجلي معو كعك وانا بالكويت بجيب الجبنة العكاوي المالحة وبحطا فيا وبسخنا عالنار
شهيتني الكعك
والمشكلة ماعاد في حدى جاي
ليش ما بعتلي ما خالتي لما اجت؟؟؟ لئيم
خلاص المرة الجاي بتبعتلي هه بلا ما قلك
شكرا كتير الموضوع رائع وشكرا عالصور الحلوين مبيني اهل طرابلس الكريمين
لي لي
حرام عليك يا أبو نبيل
ليش عم تعمل فيني هيك
أنا مسكينة
هيك بتقطعلي قلبي وبتخليني فوت بكل حيطان المكتب
لأ وبتحطلي صور الكعكات كلن
الله يسامحك
أنا من وين بدي جيب كعكة هلأ وخصوصا المصلبة
ضوى راسي بجد
بس عالعموم شكرا
والله كانت حاطته اهداء الك بس كل ماسوي اعتماد للموضوع تروح تفصل الصفحة
فقلت والله بدي جرب وشيل اسمك خخخخخخخخخ وزبط ضغري
انا بالأساس نزلت الموضوع عشانك انتي بعرفك ام كعك فحبيت القي الضو على كعكاتنا
على العموم وعد مني بس حدا يرووح الكويت رح ابعتلك كعك مع السماق
نوورتي الموضوع
